انا شغالة حاليا مدرسة في المدرسة اللي كنت فيها وانا طالبة ف اعدادي، لحد اللحظة دي مش متقبلة المدرسة رغم كل المدرسين بيحبوني بس وانا طالبة فيها مريت بأوقات مش لطيفة وخذلان من صحاب واتعرضت فيها للمعنى الحقيقي للترك من اصحابي، مش عارفة اتخطى اللحظات دي لحد دلوقتي وساعات وانا واقفة قلبي بيتقبض وبعيط وبحكم اني مش مختلطة بالمدرسين الكبار اللي كانوا اساتذتي ف لو قعدت لوحدي بحس بوحدة رهيبة وبفتكر الايام اللي كنت فيها لوحدي رغم ان صحابي كانوا موجودين اصلا بس بعاد عني م الاخر انا شبه عندي تروما م المدرسة، حاليا وانا مدرسة بقا بيفرق معايا اني معرضش حد للاهانة قدام باقي زمايلة حتى لو يستاهل يتهزء فعلا،بقيت اشيل هم الطلبة اكتر من نفسهم، وانا اصلا مش قادرة اشيل همي وقلبي بيتقبض جدا وباخد كل حاجة على اعصابي كأنها نهاية العالم، مش عارفة ابطل الموضوع دا وبقيت مستهلكة تماما، مش بركز ولا بفتكر وبسرح كتير لو حد كلمني

4

1