حاسس بتبلد مشاعر ومش عاوز أتكلم

Question

قبل منزل الابلكيشن ده كان في اصوات كتير جوايا وكلام اكتر واكتر بس للاسف بالهم يومين مختفيين و مش عاوزه اقول اني حسيت بتحسن و كلام ملوش اي اساس من الصحه انا بس حسيت بتبلد ايوه والله تبلد صعب و تعبني جدا مش حاسه باي حاجه ولا فارق معايا اي حاجه و مش عاوزه اعمل حاجه ولا اتكلم و لو اتطريت اتكلم ف معنديش حاجه اقولها

Apple_68133 🇪🇬 · Accepted Answer

التبلد مش معناه إنك ضعفتي  أو فقدتي إحساسك، التبلد أحيانًا بيكون رد فعل طبيعي من العقل عشان يحمي نفسه من الإرهاق اللي جواه
إحنا مش بنفضل في حالة حرب طول الوقت، ساعات العقل بيدوس زرار  السايلنت جوه الروح عشان تعرف  تتنفس
يمكن مشكلتك دلوقتي مش إنك مش بتحسي
مشكلتك إنك محتاجة وقت ومساحة تحسي من غير ما تحاربي
المشاعر هترجع، لكن لما ترجعيها بإيدك مش لما تضغطي نفسك عشان تلاقيها

Apple_69931 🇪🇬 · Answer

طب ايه اخبار الصلاة 
الأذكار 
في وقت فراغ 
لازم تشغل نفسك الفراغ قاتل

Coffee_68775 🇪🇬 · Answer

الحمدلله بصلي بس بقطع كتير و الاذكار على طول بستغفر ربنا و بس و باقي الوقت نايمه مش عاوزه اقوم

Banana_70214 🇪🇬 · Answer

اتحدى نفسك ومتستسلميش

Coffee_68775 🇪🇬 · Answer

اتحداها ف ايه و اصلا والله مفيش طاقه لده ولا في طاقه لاي حاجه

Apple_69931 🇪🇬 · Answer

جربي تشتغلي نفسك ومش هتندمي هتحسي بحاجات كتير جدا حلوة هتقدري تعملي حاجات كتير هتكوني سعيدة نفسك  اتعلمي حاجة جديدة طوري نفسك كل دة بيفرق معاكي وطبعا دمري الكسل والنوم الكتير دة ولازم نصلي كويس لازم لازم لازم

French Fries_62143 🇪🇬 · Answer

انتى محتاجه حد شبهى فى حياتك يعنى بصى هجبلك تبلد اكتر 😂😂

Coffee_68775 🇪🇬 · Answer

حاضر هحاول اعمل ده بس انا مش مشكلتي الفراغ انا مشكلتي التبلد 
انا مبقتش حاسة باي حاجة مش بسبب فراغ زي ما بتقول بس بسبب كميه الوجع و الضغط و اني المفروض افضل قويه و متكسرش و ابان اني متماسكه و عادي و مش من حقي اقع و لا ابين ضعفي ف بقيت عادي

Coffee_68775 🇪🇬 · Answer

لا شكرا 🙏🏻

Banana_70214 🇪🇬 · Answer

عشان انتى رافضه المساعده ومستسلمه ع الاخر

Coffee_68775 🇪🇬 · Answer

ماهو للاسف مفيش حد بيساعد ولا حد بيسند انا مش رافضه انا بقاوم الغرق من سنين بس محدش شاف ولا حد ساعد ف تعبت ولا مش من حقي اتعب من المقاوه

Apple_69931 🇪🇬 · Answer

كوني ضعيفة مع الله  اشكي همك لربنا 
قولي كل حاجة ربنا هو اللي بيساعد هو الرازق مش عيب اني اكون قوي ومتماسك قدام الناس ومن جواية ضعيف ومسكور بس أنا بكون كدة في نفس الوقت اشجع نفسي اني انجح اني اكون احسن وزي الفل اسعد نفسي 
اصلي كتير وادعي دة الحل وأجمل حل ان اكون مع ربنا وأبعد عن اي حاجة حرام والله بتفرق حته لؤ غلطانة نرجع تاني ربنا بيسامح وبيغفر خليكي مع ربنا

Banana_70447 🇪🇬 · Answer

ليه كل م انزل حاجه تنزل ف الموود !؟!؟؟

Lemon_70389 🇪🇬 · Answer

اللامبالاة حاجه حلوه وعظيمه انتي في نعمه كبيره بجد

Coffee_68775 🇪🇬 · Answer

شكرا للنصيحه و فعلا كلامك مظبوط 🤝🏻

Coffee_68775 🇪🇬 · Answer

دي نقمه مستحيل تكون نعمه