تاني اسوأ شعور ممكن تحسه ف حياتك هو الوحده بعد خبط صباع رجلك الصغير فالكنبه بهزر، بهزر!!! الطريقه الوحيده والغلط اللي بلهي نفسي بيها اني بهزر حياتي متدمره دين ودنيا ودراسه نفسيا وجسديا كل حاجه كل حاجه بايظه صاحب الكل ومعندكش صحاب شعور وحش اوي اكتشفت اني عمري ما كان عندي صاحب واحد حتى بتسمع للكل وتحل للكل مشاكلهم وتهون عليهم ومعندكش واحد حتى تحكيله ولا بيحاول يسمعك وحفاظا على كرامتك بتتحجج انك مبتعرفش تتكلم، بتتحجج انك مش متعود، انك اكبر اخواتك فمتعود ان انت اللي قوي وبتحل مش العكس كلها حجج هبله بتضحك بيها على نفسك وفالمقابل الناس عايشه ولما الدنيا تبوظ معاه يبعت فاي وقت ولو الفجر واحس بالذنب لو اتاخرت دقيقه فالرد واجي على صحتي عشان اساعده شعور وحش اوي انك ملكش ذكريات مع انسان واحد حتى غايب بقالي اكتر من ٥ او ٧ شعور تليفوني مقفول بقاله قرابه سنه وفالاخر حد سال؟ حد حاول يسال؟ ومليش غير اقعد واكلم نفسي وصلت لمرحله صعبه اوي كنت الاول بتكلم فالشارع همسات او جوا دماغي دلوقتي بقيت بتكلم بصوت عالي عادي جدا مليش غير اني اقعد بالليل ابص للسقف ساعتين تلاته ساكت تماما اعيط؟ لا ابدا هنخيب افضل باصص للسقف ومبتسم وساكت ، انت راجل متعيطش، المره الوحيده اللي عيطت فيها كانت يوم وفاة جدي الله يرحمه واستغليت وطلعت كل حاجه وبيني وبينك كان هو صاحبي الوحيد وراح عايش ومش عايش هل دا اكتئاب يمكن بس ولو هعمل ايه يعني هفضل قاعد كدا؟ هتحرك؟ الله اعلم هححححح (تنهيييييييييييييييييييده) الله المستعان

10

0