بنت في الكلية بتحسبني صاحبة وبتستغلني

Question

لو في بنوتة معايا في الكلية يوم ما اتخدعت في بنت هي اتصاحبت عليا بس وهي بتقولي انتي افضل صديقة ليا وهي بتخرجني من موضوع الخذلان البنت اللي كنت مصاحبها كان كلامها معايا سطحي جداً المهم استلفت مني فلوس مرجعتهاش مش عارفة منين بتعتبرني صاحبة ومنين بتكلمني بطريقة سطحية المهم جه الامتحانات كل يوم تطلب مني ابعتلها المنهج كنت بحس انها مش مهتمة بدراستها لما كنت اسألها اخدتوا اي متوافقش تقولي الا بطريقة سطحية مع إنها بتقولي انتي اول واحدة عندي متبثة في الواتس مبتعتليش مسدج الا لما تكون حاطة بوست وعاوزاني اعلقلها عليه بتقولي علقيلي واكتبيلي كلام حلو  بحسها دايما بتاعة مصلحتها مبقتش فاهمة تصرفها ولا عارفة اتعامل معها

Coffee_59540 🇪🇬 · Accepted Answer

من حقك تتصرفي مع الشخص بنفس القدر الي هو بيتصرف معاكي بيه فكري دايما بأنك عارفه قيمه نفسك ومش هتسمحي لشخص انه يقلل منها والي عاوز يقدملك حب ويكون صاحبك بجد هتعملي انتي كمان كده معاه والي بيتجاهل وبيستخدمك لمصلحته اتجهليه ولا كأنه موجود ودايما خلي دايرة حياتك فيها الاشخاص الي تقدرك بجد وتكون عاوزة تدخل الدايرة دي

Chilli_48447 🇪🇬 · Answer

دى عملت معاكى كده وصحبتى وانتيمتى عشان تضمن ان تلاقى حد ينقذها وقت ما تلاقى نفسها خلاص ضايعه تفضل هى طول السنه مقضياها وتيجى تلف عليكى عشان تلحق نفسها ابعدى بعيد عنها وملهاش لازمه فى وجودها جنبك مع انك محتاجه اوى للى يكون جنبك ومعاكى ويسمعك بس دى مش هتبقى كده معاكى 👌

Strawberry_40044 🇪🇬 · Answer

فعلاً ده اللي بيحصل

Chilli_48447 🇪🇬 · Answer

يبقى بلاها من وجودها معاكى مش هى إلى هتملا عليكى وحدتك

Strawberry_40044 🇪🇬 · Answer

مفيش اصدقاء في حياتي انا لوحدي الوحيدة اللي صاحبتها خدعتني قالتلي هنفضل اصدقاء طول العمر وبعدين بعت لها مسدج اطمن عليها مردتش عليا لحد الان متجاهلاني مع اننا كنا كويسين سوا

Coffee_59540 🇪🇬 · Answer

حبيبتي مفيش مشكله انك تكوني بدون صحاب طلاما هما مش كويسين ، تكوني بخير لوحدك احسن ما يكون معاكي ولو شخص واحد بيتعب نفسيتك

Strawberry_40044 🇪🇬 · Answer

فعلاً ده اللي بعمله بحاول اكون لوحدي دايما في كل حاجة لأن اكتشفت إن معظم الناس وحشين

Chilli_48447 🇪🇬 · Answer

لو محتاجه لحد جنبك ومتاحه تتكلمى قوليلى وابعتيلى هتلاقينى معاكى متابع معاكى يومك واسمعك عشان نخرج كل الدوشه والزحمه إلى فى دماغك إلى مخلياكى تايهه ده لو حبه