صداقة مزيفة

Tofu_58959 🇪🇬

منذ 5 أيام

شعور وحيد

ليه دائماً وابداً ينلاقى ناس فى حياتنا ونثق فيها وفى الآخر لازم تجرحنا وتخذلنا وليه مش بيكون واحد اوى اتنين ليه بيكونوا كتير وفجأه يكرهونا فى الحياه او فى اليوم ده بجد بنحاول نحافظ على الصداقه دى وفى الآخر بتنتهى بخذلان وبتبقى وحيد 😥

Avocado_64716 🇪🇬

منذ 6 أيام

شعور ضائع

بعد سنين كتير وأخوه وصداقة وطول الوقت مطلع علي ظروفي المادية الصعبة وقهر الرجال ، كان بيدعي أن الحياة صعبة وأنه مش عارف يحقق أحلامه ، أكتشفت أنه مليونير ، كان مضطلع علي ضيق حالي وقلت حيرتي ومفكرش يمد ليا يد العون بل بالعكس كان بيتريق علي حاجات بسيطة بعملها ، أنا بسأل ليه ممكن أقرب حد عيشتوا مع بعض

Tofu_19483 🇪🇬

منذ أسبوع واحد

شعور لا مبالٍ

عبّر عن شعورك بشكل مجهول

عايزه أحكيلكوا حاجه دلوقتي فيه ست كبيره ف السن معندهاش عيال وزوجها متوفي هي ف السبعينات كده يعني كبيره بس ما شاء الله تبارك الله معاها فلوس..اتعرفت عليها ف المواصلات وصعبت عليا لما حكتلي قصتها وكانت بتعيط ف قررت إني هزورها علطول علشان محسسهاش بالوحده لأنها عايشه لوحدها وملهاش أهل،بعيدًا عن إني مينفعش أثق ف حد وكده بس بقيت أزورها ولوجه الله من غير أي حاجه والله..المهم قررت أعرف صحابي عليها علشان ف الوقت اللي مكونش موجوده فيه علشان أنا بتعالج ف مكان تاني يروحوا يزوروها ف المهم حصل وعرفتهم عليها وبقوا يزوروها وأنا مش موجوده وكله تمام..لحد ف يوم الست كلمتني وقالتلي واحده منهم استلفت منها فلوس وقالتلها هترجعهملها ومرجعتهمش والست فضلت ترن عليها وهي مردتش عليها وهي الست غلبانه أصلا سهل أي حد يضحك عليها وقتها اتصدمت لأن المفروض دول صحابي ومعرفاهم عليها علشان قلبي وجعني عليها علشان عايشه لوحدها..قولتلها إني هكلمها وأقولها قالتلي لا هي قالتلي معرفكيش علشان متزعليش منها وكده هي هتزعل قولتلها بس مكانش ينفع تسلفيها فلوس ولو هي مرجعتلكيش الفلوس هدفعهملك من معايا..المهم قفلت معاها وكلمت صاحبتي قولتلها الست كلمتني وقالت إنها بترن عليكِ عاوزاكي ضروري وأنتِ مش بتردي ف قالتلي طب قالتلك ايه وكانت متوتره روحت استعبطت وقولتلها معرفش هي قالت إنها عاوزاكي وكده معرفش ليه..بعدها بفتره الست كلمتني وقالتلي هي رجعتلي الفلوس بس هزقتني وأنا ست كبيره ينفع تعمل معايا كده قولتلها لا وحقك عليا والله أنا آسفه..المهم يا جماعه ده أكيد تصرف وحش من صاحبتي صح؟خصوصًا إني قعدت أربط الحاجات ببعض وهي بتقول عليا أنا ماديه علشان كانت بتستلف مني فلوس ولما أطلبها منها تقولي أنتِ واحده ماديه وكل اللي هامك الفلوس وبس !!..والفكره كانت بتستلف فلوس كتير مش جنيه ولا اتنين علشان تقول عني ماديه وبعد الموقف بتاع تيته ده اتصدمت ومش عارفه أواجهها إني عارفه وليا فلوس عندها لسه مرجعتهاش تفتكروا أعمل ايه؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_62530 🇪🇬

منذ 3 أسابيع

شعور رائع

موضوع:

نهاية مؤلمة لعلاقة صداقة

هي مش نهايه مؤلمه ولا حاجه انا مش بيفرق معايا الحقيقه 😄 خالص ممكن اضايق اتفاجأ أنصدم لكن اتألم وكدا لا لست أنا هذا الرجل كان زميل شغل دامت علاقتي معه ثلاث سنين أكثر أو أقل كنت فاكر أنه صديق بحكم العشره طبعا وكلامنا مع بعض لكن عشان انا عرفته كويس وعارف أنه عنده ذكاء اجتماعي عالي شويه فاه ممكن يفهم ا

Strawberry_40044 🇪🇬

منذ 3 أسابيع

شعور وحيد

دلوقتي انا معايا واحدة مصاحبني في الكلية لكن بحس بتسغتلني فعلاً يعني كلامها سطحي متعرفنيش الا علشان افهمها حاجة مختصة بالمنهج وعلطول بتطلب مني فلوس بس انا برفض لانها مش بترجعهملي وتقولي هكلمك كمان شوية بشحن التليفون كل اما تحط صورة على الفيس بوك تقولي ادخلي اكتبيلي كلام حلو عليها كومنتات كتير مش

Marshmallow_56042 🇪🇬 طيب ايه يجبرك مدام عارف كل ده تتعامل معاها تسمح.لحد يستغلك بالشكل ده

عرض الكل 7 نصيحة

Strawberry_40044 🇪🇬

منذ شهر واحد

شعور وحيد

عبّر عن شعورك بشكل مجهول

انا مصدومة جامد من فترة لحد الآن كنت في آخر اولى جامعة اتعرفت على بنوتة معايا المهم قعدت تمثل عليا دور الصداقة وانتي اختي وصاحبتي وكل اللي ليا المهم قالتلي في سنة تانية هنكون مع بعض اخوات وأصحاب وعمري ما هبعد عنك  لاخر العمر انتي كل حاجة ليا المهم انا انجذبت لطريقتها واعتبرتها صديقة بجد كانت كل يوم تسأل عليا  وانا أسأل عليها مكنتش مدلوقة عليها في الاول لكن لما قعدت تلفني انجذبت لها اكتر وحكيتلها حاجات عني الشخصية المهم كان عندها صديقة قبلي بتعبرها My world بالنسبة لها فلما حكت عني لصدايقتها دي صديقتها اضايقت ازاي حد يصاحبها غيرها 
وبدأت احبها حب مش طبيعي عاوزة اكلمها طول اليوم لكن هي في محافظة وانا في محافظة بقولها انتي اختي وصاحبتي وكل حاجة ليا كنت انا اللي بجري وراها  حاسة إن انا مدمنة صداقتها  واقولها انا متعلقة بيكي ليه كده يا بنتي انا بحسك اختي اللي من دمي قالتلي لو سحر متفكهوش  المهم في الوقت ده قعدت استفرغ جامد اسود المهم الدراسة بدأت فقالتلي انتي هتنزلي وتجيبي المحاضرات وتبعتهالي المهم علشان بحبها ويعتبرها اختي مش صاحبتي فكنت بوافق وببعتلها المحاضرات ففي قالتلي انا نازلة الجامعة فرحت إني هشوفها جداً اليوم اللي شوفتها فيه قعدت استفرغ جامد وبعدين استغربت اشمعنا دي اللي بستفرغ لما بشوفها هي لما شافتني بستفرغ محبتش تكلمني تاني فبعدين لما بقتش تنزل الجامعة اتصلت بيها 9 مرات وبعتلها مسدجات مردتش عليا وبعتلها عاملة اي انتي فين يا بنتي قلقانة جداً عليكي المهم لقيتها فتحت ومردتش عليا وهي اون لاين وشالت البروفايل فجأة من قدامي واخر ظهور ليها  على الواتس فبعدين انهارت جامد لقيت صاحبتها دي اللي هي صديقتها اووي جات تقولي معليش تليفونها بايظ مش بتعرف تكلمك وهي بتكدب طبعاً لاني يشوفها اون لاين فبعدين لقيت صاحبتها دي بتنزل استوري أنها متصورة معاها وتقولها الحمدلله احنا اتنين مفيش بينا تالت المشكلة أنها خاصمتني بدون سبب لما استفرغت وتجاهلتني لما بعت اطمن عليها حقيقي نفسي يتردلها وتعرف صاحبتها على حقيقتها لأنها خذلتني 
انا بعدت عنها اصلا لكن نفسي يتردلها  اصلها خذلتني,

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ شهر واحد

شعور وحيد

Chilli_48447 🇪🇬 دى أصلا من الاساس مبنفعش يتقال عليها صحبتك ولا تنفع تبقى صديقه وخلى بالك ان قليل جدا لو لقيتى بنت بتحب الخير لبنت تانيه صعب تلاقى كده والمشكله كلها انك مش عايزه تبقى لوحدك وتتسابى لدماغك

عرض الكل 4 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ شهر واحد

شعور شاعر بالملل

عندي واحدة معايا في الكلية قالتلي انا بعتبرك صاحبتي ومثبتاكي اول واحدة في الواتساب لكن طريقتها معايا سطحية جامد واستلفت مني فلوس ومرجعتهاش لما كنت طلبتهم منها وانا محتاجهم قالتلي هجبلهم بكرة ومجابتهمش اتحرجت جامد لاني طلبتهم منها ومجبتهمش كتير المهم بحس من طريقتها أنها سطحية معايا منين بتقولي انتي ص

Marshmallow_56042 🇪🇬 بكل بساطه ابعدي عنها نهائي ولا تردي عليها ولا تتعاملي نهائي معاها و كويس انك حاسه وعارفه أنها مستغله وانك بترفضي استغلالها ده مش بتتكسفي تقوليها لا شاطرة بجد

عرض الكل 10 نصيحة

Strawberry_40044 🇪🇬

منذ شهر واحد

شعور شاعر بالملل

لو في بنوتة معايا في الكلية يوم ما اتخدعت في بنت هي اتصاحبت عليا بس وهي بتقولي انتي افضل صديقة ليا وهي بتخرجني من موضوع الخذلان البنت اللي كنت مصاحبها كان كلامها معايا سطحي جداً المهم استلفت مني فلوس مرجعتهاش مش عارفة منين بتعتبرني صاحبة ومنين بتكلمني بطريقة سطحية المهم جه الامتحانات كل يوم تطلب مني

Coffee_59540 🇪🇬 من حقك تتصرفي مع الشخص بنفس القدر الي هو بيتصرف معاكي بيه فكري دايما بأنك عارفه قيمه نفسك ومش هتسمحي لشخص انه يقلل منها والي عاوز يقدملك حب ويكون صاحبك بجد هتعملي انتي كمان كده معاه والي بيتجاهل وبيستخدمك لمصلحته اتجهليه ولا كأنه موجود ودايما خلي دايرة حياتك فيها الاشخاص الي تقدرك بجد وتكون عاوزة تدخل الدايرة دي

عرض الكل 8 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا اسمي غدير و عمري 17 سنة و أنا آخر العنقود و ساكنة ببيت مع امي وابوي و اخوي الكبير خالد الي عمرة 19وعندي أخت عمرها25 بس ببيتها المهم اخوي هذا كان من احسن الناس بالفريج (الحارة) من ناحية الجمال و الأخلاق و الذكاء الكل يحبة حرفيا حتى أنا مثله بس إنا انطوائية وهو اجتماعي فا بيوم من الأيام كنت مع صديقتي بالفسحة(طبعا أنابالثنوية/ إعدادي اسمه على ما اعتقد) وكانت تشكيلي من اخوها انه يضربها (مزح طبعا بس ياذيها) و كانت تقول ان أمها مدلعة اخوها و هي لا والكثير من الشكاوي المهم ف فجاة قالت شلون اخوي و هل هو مستعد للزواج قلتلها ليه قالتلي ولله انه وسيم و عجبني وكلام فاضي فقلتلها من باب المزح و أنا اضحك أصلا متزوج بس ما توقعت إنها تبكي ياجماعة فجاة بكت وأنا اضحك اقول امزح امزح وهي تقولي تكفين ضبطيني و أنا استغربت قلت لا مو هاذي صديقتي الي اعرفها الي كانت تكره الأولاد وما تتكلم إلا من بلاوي اخوها وأنا قلتلها ياشيخة خليه من زينة عاد قالت ولله مز فقلتلها طيب أشوف لك حل و أنا اكذب طبعا فيوم خلص الدوام اخوي جاء يأخذني من المدرسة و صديقتي معاي فجاة يوم شافتة صارت تدلع و تسوي إنها كيوت وكذا و أنا استغربت توها من شوي تصفقني و تقولي استرجلي و اخوي ولا طالع فيها حتى يعنني محترم( ترا هو صج محترم) و صديقتي تنرفزت و صوت أنها بتكلمني عشان يطالعها و هو الجوال و شاف الأرض حتى المهم وبعدين صديقتي طاحت بالأرض قصداً وقالت آي ليه تضربيني عشان اخوي يساعدها لأنه معروف إنه طيب و يساعد ف اخوي عرف نواياها لأنه يعرف أن أنا مستحيل اسوي جذي وهي قالت خالد ساعدني شوف أختك غدير دفتني (بصوت أنعم من الصوف ) وأنا مصدومة من وين جاء صوت هذا هاذي صوتها العن من صوت جعفر المهم ف خالد قال سلامتك و أخذني و احنا بالسيارة ان هي كذابة و أنا ما سويت لها شي هي بس تبي تغريك قالي ادري من زين شكلها أصلا قلت له كفو

والله بس تعبت بعدين أكمل و ترا أنا كويتية و احاول أتكلم سعودي عشان تفهمو معليكم إذا كان في كلام غلط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_59926 🇪🇬

منذ شهر واحد

شعور محبط

احساس ان مفيش حد شبهك و بيشركك نفس التفكير او مش لازم نفسه بس علي الاقل معاك مش ناس حاضره غايبه زي الصحاب مثلا عمري ما حسيت اني انتمي ليهم هما موجودين بس مش هنا كل واحد بيقول نفسي و خلاص مفيش مشاعر صداقه حقيقيه

Apple_59577 🇪🇬 وانا برده. فبدعي ربنا ان ربنا يرزقني بحد او زوجة تفهمني

عرض الكل 6 نصيحة

Apple_53661 🇪🇬

منذ شهرين

شعور ضاق ذرعًا

عبّر عن شعورك بشكل مجهول

انا خسرت صحابي كلهم بسبب واحدة مش هوصفها هسيب ليكم انتم الحكم. 
انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس  ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. 
المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت اخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. 
في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا.
انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا  و سافرت معانا مرة افتكر لما صاحبي دا كان مرتبط. 
المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. 
المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. 
اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. 
الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة.  
حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. 
انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_53518 🇦🇪

منذ شهرين

شعور آسف

موضوع:

اتخدعت ف حد قبل كدة؟

انخدعت فى صاحبتى الانتيم بعد عشره ٢٠ سنه تقريبا متربين سوا اكتشفت بعد جوازى انها كانت بتخونى مع خطيبة اللى هو بقى جوزى خيانه كاملة ... يعنى انخدعت فالاتنين كانت صدمت عمرى وشوفت صورها اللى بتبعتهاله و كلامهم سوا

Guava_53365 🇪🇬 مهما حصل متديش الامان لاي شخص بنسبة ١٠٠% خلي في حرص خونه بنسبة بسيطة توقع الغدر منه دايما مبقاش في حد مضمون يكمل للاخر معانا

عرض الكل 5 نصيحة

Marshmallow_53407 🇪🇬

منذ شهرين

شعور مكسور القلب

أنا مش من النوع اللي بيحب يشكي، بس في وجع ساكن جوايا من زمان ومش عارفة أخرجه غير بالحكي. كنت فاكرة إن اللي بيني وبينها صداقة حقيقية… كنا دايمًا مع بعض، بنضحك، بنحلم، وبنحكي أسرارنا لبعض كأننا توأم روح. كنت بدافع عنها حتى قدام نفسي، وكنت بصدقها مهما عملت. في يوم كنت تعبانة جدًا، نفسيًا وجسديًا، وكل

Hazelnut_52786 🇪🇬 اولا لا تحزني. ثانيا: الحمدلله انك كشفتي حقيقتها ثالثا لا تنظرى خلفك من فات لا يحزن عليه . خليكي قويه والحمدلله اننا اتعلمنا نختار ازاي الأصدقاء فيما بعد انتي اتعاملتي بحسن تربيتك وطباعك الحسنه وهي تعاملت بطباعها الخبيثه وكل إناء ينضج بما فيه اللي جاي احلي باذن الله ليكي وربنا هايعوضك خير منها ولكي مني خالص التقدير والاحترام

عرض الكل 13 نصيحة

عبّر عن شعورك بشكل مجهول

أنا مش من النوع اللي بيحب يشكي، بس في وجع ساكن جوايا من زمان ومش عارفة أخرجه غير بالحكي.

كنت فاكرة إن اللي بيني وبينها صداقة حقيقية… كنا دايمًا مع بعض، بنضحك، بنحلم، وبنحكي أسرارنا لبعض كأننا توأم روح. كنت بدافع عنها حتى قدام نفسي، وكنت بصدقها مهما عملت.

في يوم كنت تعبانة جدًا، نفسيًا وجسديًا، وكل اللي كنت محتاجاه حضن وصوت يقول لي “أنا جنبك”. كلمتها، وقلت إني محتاجة أشوفها… قالتلي إنها مشغولة، وإنها هتكلم معايا بعدين. حاولت أكون متفهمة.

بس بعدها بشوية شفتها على السوشيال ميديا، خارجة وبتضحك مع ناس أنا عارفة كويس إنهم كانوا بيتكلموا عني وبيسخروا مني. قلبي اتكسر… مش من الخروج، لكن من الكدب، ومن إني كنت آخر اهتماماتها.

مش ده بس اللي وجعني، يوم عيد ميلادي كنت مستنياها، وعدتني إنها جاية. فضلت أبص على الباب، وأقول لنفسي: “أكيد هتدخل دلوقتي”، بس ماجتش. بعدها قالتلي إنها كانت نايمة، ولقيت صورها في حفلة تانية.

كنت ببكي مش علشان نسيتني، لأ… كنت ببكي علشان فهمت الحقيقة.

اكتشفت إنها كانت بتاخد مني كل حاجة، دعمي، وقتي، وحتى طاقتي… ولما كانت محتاجة حاجة، كنت أول واحدة بتروح لها. بس لما أنا كنت محتاجة… ماكنتش موجودة.

دلوقتي؟ أنا لسه متأذية… كل مرة بحاول أكون كويسة، بفتكر كلامها الجارح، أو نظرتها اللي كانت فيها شماتة وأنا بعيط. بقيت بخاف أثق، بخاف أدي قلبي لحد تاني.

بس عارفة؟ بالرغم من كل ده، أنا فخورة إني ماكنتش زيها… وفخورة إني حبيت بصدق، حتى لو الوجع كان الثمن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_15642 🇪🇬

منذ 3 أشهر

شعور وحيد

موضوع:

عمرك حسيت انك بديل او مش كفاية؟

انا كنت دايما البديل عمري ما كنت الصاحبة المفضلة بجد لحد حتي لو كانوا بيقولوا كده بس افعالهم كانت بتبين العكس. كل ما احب حد و افتكر ان خلاص كده دي الbest friend بتاعتي اطلع ان انا بالنسبة ليها زي اي حد تاني و ان عندها صاحبة مفضلة

Avocado_52421 🇪🇬 مش اي حد يتصاحب بسهوله كلها شكليات الصحاب بيظهروا ف الشده المواقف الصحبه وبس ومتفكريش ان المشكله فيكي لا بالعكس المشكله فيهم وكل واحد بيتلم ع اللي شبهه اكيد واشتغلي ع نفسك وانجحي هتلاقي الناس اللي بتيجي تصاحبك

عرض الكل 1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع