بقالي كتير ساكت… مش عشان مفيش كلام، بس عشان الكلام بيكسرني أكتر… وأنا ماعادش فيا حتة سليمة للكسر. بقيت بصحى من نومي على إحساس إن مفيش فرق بين النوم والصحيان، الوجع مستمر… كأن حياتي شريط واحد طويل، نفس المشهد… نفس الهم… نفس الوحدة. أنا مش طالب حضن، ولا كلمة حلوة… أنا كنت بس مستني الدنيا ترحمني شوية، تديني هدنة… نفس… غفوة بدون كوابيس. كل حاجة حواليّا صوتها عالي، بس جوايا في صمت مرعب… صمت بيقوللي: "مفيش حد… ومش هييجي حد… وهتفضل كده لحد ما تبطل تحس." وأكتر حاجة مؤلمة؟ إني اتعلمت أقول "أنا تمام" من غير ما تصحيني دموعي من النوم.

1

1