Avocado_30053 🇪🇬's منشور

Avocado_30053 🇪🇬

منذ 11 شهرًا

شعور متوتر

موضوع:

الخوف من الفشل في الحياة؟

بخاف من الفشل لحدمبقتش احاول عشان متأكده اني هفشل ف الاخر عارفا اني هفشل مش بحاول اغير دا بس بحس بالذنب دايما تجاه نفسي واني اكيد ممكن اعمل واشتغل ع نفسي اكتر من كدا بس مش عارفا ابدا واقفه مش عارفا اتحرك

Lemon_30858 🇪🇬

منذ 11 شهرًا

الخوف بيكتف طول ما انتى خايفه هتفضلى ثابته مكانك هتخافى وهتقلقى وهتفكرى وهتتعبى وف الاخر هتلاقيكى برده مكانك انا المحاوله هى اللى هتكتم خوفك مره تصيب ومره تخيب وف المرتين هتكونى حاولتى ومع التكرار الخوف هيقل والنجاح والتمكن هيزيد واهم حاجه التوكل ع الله ربنا يوفقك ويكمن قلبك

Ice Cream_31675 🇪🇬

منذ 11 شهرًا

انك تبدأي مش معناه ابدا انك لازم تاخدي خطوات كبيره او انك لازم تنجي ف الحاجه لاخرها البدايات ممكن تكون صغيره ممكن تكون مجرد احساس او تصرف روتيني بس بالنسبالك هيكون بدايه كافيه ف طرييق طويييل مليان خطوات صغيره والمهم انك تحاولي مش انك تنجحي عشان مهما حسيتي انك بتفشلي وان كل شويه الفشل بيتكرر دا مش صح كل مره بتحاولي تاني بتتعلمي حاجه جديده وبتصلحي حاجه جديده

Mango_31643 🇪🇬

منذ 11 شهرًا

عمر الفشل ما كان اعاقة الفشل مفيد جدا فى حياه الانسان لانه بيجدد الشغف تخيل لو مفيش فشل فى الحياه مكنتش هتحس بانتصار النجاح صدقنى انا لما افشل فى حاجة ببقى عارف ان ربنا هينجحنى فى 10

ملخص المشكلة

بخاف من الفشل ومش عارفة أبدأ ولا أتحرك

خوف من الفشل مشاعر سلبية صعوبة البداية عدم ثقة بالنفس ذنب عجز توقف

Mango_28076 🇪🇬

مش راضية عن نفسى ولا بحبنى.. إزى أتغير؟

الحقيقة لا، انا غير راضية عن نفسي إطلاقاً، معنديش أى ثقة فى نفسي، و لا بحبنى و لا بحس انى شخص يستحق أى حاجة فى الدنيا، مهما عملت مش بشوف اللى عملته إنجاز، رغم ان كلام الناس حواليا بيقول انى إنسانه لطيفة و متفوقة و مجتهدة، بس انا مش شايفة كده، عندى إحساس دايما أنهم مخدوعين في شخصيتي بحاول اتغير، بس مش عارفة اتخطى الأفكار دى، لو حد يعرف ازاى أكون شاكرة جدا ...عرض المزيد

6 الدعم

4 نصيحة

Pineapple_34649 🇲🇦

أنا حاسه إني مش كفاية وخايفة من الفشل

أنا حاسه اني مش كفاية وحاسه اني شائعة و اني معنا حاولت مش هنجح أنا خايفة اني افشل خايفة من حاجات لسه ماحصلتش ماحدش حاسس بيا و رغم كل الاحاسيس المتلخبطه دي أنا لازم ابقى ايجابية و اساعد الناس أنا عايزة اثق في نفسي و قدراتي بس مش قادرة و خايفة جدا أنا عايزة نصيحة ممكن لو سمحتوا ساعدوني ...عرض المزيد

0 الدعم

French Fries_49539 🇪🇬

عندي سؤال: الفترة اللي أنا فيها دي حد عدت عليه؟

عندي سؤال هو الفترة ال انا فيها دي حد عدت عليه؟ لغبطة و توهان و مش حابة الكلية مع ان كل الناس دلوقتي عايزاها و بتحبها ، محتاجة مجهود كبير اوي ونا مبتعبش اوي ف حاسه اني مش هوصل لحاجه و ف نفس الوقت انا نفسي اوصل لحاجه عشان حاليا انا بجد مفيش حاجه بعملها خالص نحتاجة اشتغل بس ده محتاج مجهود كبير انا حاليا مبعملوش و عارفه اني هندم لما الاقي ال حواليا وصلوا لحاجه ونا لسه ، مش عارفه بردو ابدأ في حاجه جديدة عشان ال اولي لل انا فيه و التعب فيه مثمر الي حد كبير( واي حاجة هتبقي محتاجة تعب)و بقول ان اولي اتعب في ال انا فيه بس بردو مجهودي قليل ، و الفكرة إن الناس ال حواليا كلهم مشغولين و بيتعبوا جامد اوي في حياتهم و نا واقفة اتفرج ولا عارفه اعمل ال عليا و لا حتي مرتاحة بوضعي و مبسوطة اني مش تعبانة ، خصوصا إني كنت في حاجه و ناجحة فيها جدا بس سبتها (مش ندمانة خالص ده احسن قرار في حياتي) بس اتعودت اكون بتعب في حاجه و ان كل شوية انجح فيها و يبقي عليا spot light و ان الناس تشوفني كويسة (حتي و ان كان مش ده ال حاسه بيه و حاسه انه مش كفايه) ، ف كمان عارفه ان مش لحظة الوصول هي ال بتبسط الرحلة هي الممتعة فعلا ف انا بجد مش مستمتعة او حاسه ان دي حاجه صعبة انا مش هعرف أصلا انجح فيها ف خايفة و تايهه طول الوقت ...عرض المزيد

8 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع