كل يوم بصحى م النوم بحس اني قايم م القبر ، عيني بتفتح بتقل وخانقة بس روحي لسه نايمة، تقيلة، مرمية جوا جسمي كأنها مش عايزة تكمل ، مفيش حاجة بتتحرك جوايا غير التعب ، نفس التعب بتاع كل يوم اللي مابيخفش ، الل كل ما انسى بيفكرني اني عايش بالعافية ، الناس بتقوم تبدأ يوم جديد وتعمل فيه إنجازات ، وأنا بقوم أدور على حاجة تخلي الوقت يعدي لحد ما ارجع أنام تاني ، بقيت اكره كل اللي حواليا حتى اهلي ، هما ملهومش ذنب بس مبقتش عارف أتعامل معاهم كأني ابنهم ، كل حاجة خراب ، كل حاجة متدمرة ، دماغي جواها تروس مصدية وغرقانة تراب ، عيني بقت باهتة وبقيت شبه المدمنين مع اني لسه مدخلتش السكة دي ، لحد دلوقتي يعني.. مش عارف بس أظن اني مش هعرف اكمل كدا كتير..

3

4