Peanut_25360 🇪🇬's منشور
Peanut_25360 🇪🇬
منذ 14 ساعة
.
شعور غبي
انا معرفش انا حاسه ب اي بس اللي بتضايق منه فيا اني علطول بحس اني الضحية و بحب الدور دا معرفش المشكله اني مكمله بحب شعور ان اصعب علي الناس بس بحب و حنان منهم خالني احب شعور اني ضحيه علي طول كرهت الموضوع دا فيا بس اعمل اي انا بفضل مضايقه و اعيط و اضرب نفسي و اقول انتي اي معندكيش كرامه للدرجتي حابه الناس تشفق عليكي محتاجه حل
4
10
Pistachio_56798 🇪🇬
أفضل نصيحة
.
منذ 14 ساعة
فكك من دور الضحية و جربي دور البطل و طعم الإنجاز الحقيقي هتحبيه
3
0
.png)
Lemon_59181 🇪🇬
.
منذ 14 ساعة
بسيطة .. مازوخية مع عقد طفولة مش شوية تجارب لقيتى نفسك لما بتكونى الضحية بتكسبى تعاطف فعقلك برمجك على ده .. الحل انك تعكسى الموضوع تدريجيا .. ترفضى ان حد يعطف او يشفق عليكى بكل ذوق وادب .. محدش يساعدك فى حاجة تقدرى تعمليها بنفسك وهكذا .. لو انتى الابنة الوحيدة للاسرة او الابنة الاصغر ده سبب كافى .
1
0
.png)
Mango_55973 🇪🇬
.
منذ 14 ساعة
كلنا ضحايا لأشخاص وظروف واكيد مريتي بتجارب وحشة وصدمات في الطفولة فازاي هتطلعي كويسة نفسيا يعني
0
0
.png)
Cherry_59113 🇪🇬
.
منذ 13 ساعة
بصي ، خليني اكون صريحه معاكي انتي عمرك ما حسيتي بالحنان الحقيقي من حد ، ولا حسيتي ان ممكن يكون في حد بيحبك وعايزك تكوني كويسه دايما ف لما كبرتي بدأتي تلعبي على النقطه دي بإنك تعملي اي حاجه تثير الجدل والاهتمام حواليكي عشان تحسي انك مهمه وفي حد بجد بيحس بيكي ، بس ده مش حل ، بسبب ان طفولتك ومراهقتك دلوقتي اكيد مش احسن حاجه خلوكي تعملي حاجات انتي مش حباها بس بيجيلك احساس من وقت للتاني انك عاوزه كدا
0
0
Cherry_59113 🇪🇬
.
منذ 13 ساعة
خليني اكمل ، الحل انك تبعدي اي حد يفكر بس انه يشفق عليكي ، حاسه ان الشخص ده بيعاملك بس عشان انتي صعبانه عليه لأ متسمحيش ب ده وفكري نفسك انك مش ضحيه ولا لعبه بيتلعب بيها انتي انسانه وعندك عقل مينفعش حد يبصلك بالنظره دي ، وصدقيني لما تجربي دور البطل والشخصيه الاساسيه في حياة اي حد هتعشقي نفسك وهتحبيها اوي ، وهتحسي ان نفسك تكملي في الحياه حتى لو عشان تشوفي قد ايه انتي قويه بس.
0
0
.png)
Strawberry_57507 🇪🇬
.
منذ 13 ساعة
دور الضحية هو مجرد self-defense عقلك بيعملها عشان ياخد اللي محتاجه و ممكن اللي محتاجه دا مالوش إشباع شوفي نفسك بتعملي كده ليه طب هما بيقدمولك ايه قرب و حنان و حب يبقي دا اللي بتدوري عاليه ممكن يكون عقلك ترجم كده من فترة طفولتك أما تعيطي يدوكي العاوزاه ربطتي الحب بدور الضحية أنها وسيلة لإشباع رغباتك اقري و هتفهمي بتعملي كده ليه و ازاي تكوني سوية و خدي بالك انه دور مش حلو لانه بيستنزف طاقة الناس
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
