كراهية الذات

Kiwi_63697 🇪🇬

منذ 4 أيام

شعور منزعج

بكرهني وبكره كل المجتمع التافه، حتى الوجود نفسه تافه، بس كراهيتي لذاتي من نوع مميز انا مبحبش اي شيء فيا ، بتمنى لو اخلص مني بأي طريقة بحاول ادمرني أكتر ، مبقتش مستحملة اعيش في الجسم معاها ، حرفيا مش طايقاها خلاص ، لا شكل ولا ملامح ولا شخصية ولا اي شيء مجرد كائن ممسوخ، بتمنى لو البس قناع زي مايكل ما

Hazelnut_52786 🇪🇬 اللي كتب الكلام ده مش كاره نفسه… ده حد موجوع أوي، وتعبان من كتر ما بيتجاهل نفسه، فبقت نفسه تقيلة عليه. انتي مش كائن ممسوخ… انتي بنت قلبها كبير بس اتعوج من كتر ما حاول يرضي ناس مش شايفاه، وانتي مش محتاجة قناع، انتي محتاجة حضن داخلي يطبطب عليكِ من جواك. ابدئي خطوة صغيرة: كل ما تيجي تشتمي نفسك، قولي “أنا موجوعة بس مش مستحقة الكره”، لأن الحقيقة إنك تستاهلي تتحبي، مش تتحاربي من جواك

عرض الكل 10 نصيحة

Chocolate_57201 🇪🇬

منذ 3 أسابيع

شعور ضائع

تايهه و واقفه ف النص مش عارفه انا مين انا البنت الملتزمه الشاطرة اللي بتحاول تقرب من ربنا و بتحفظ قرآن و ملتزمه ف لبسها و بتعمل الناس حاجات ف الدين و لا انا البنت الوحشه اللي ماشيه ورا شاهوتها و مش عارفه تبطل حاجه حرام و مؤذيه ليها مش عارفه تبعد عنها مهما حاولت مش عارفه انا مين فيهم ولا انا الاتني

Peanut_25360 🇪🇬

منذ شهر واحد

شعور غبي

انا معرفش انا حاسه ب اي بس اللي بتضايق منه فيا اني علطول بحس اني الضحية و بحب الدور دا معرفش المشكله اني مكمله بحب شعور ان اصعب علي الناس بس بحب و حنان منهم خالني احب شعور اني ضحيه علي طول كرهت الموضوع دا فيا بس اعمل اي انا بفضل مضايقه و اعيط و اضرب نفسي و اقول انتي اي معندكيش كرامه للدرجتي حابه الن

Pistachio_56798 🇪🇬 فكك من دور الضحية و جربي دور البطل و طعم الإنجاز الحقيقي هتحبيه

عرض الكل 10 نصيحة

Mushroom_58782 🇪🇬

منذ شهر واحد

شعور مكتئب

الموضوع طويل فشخ يسطي بس استحملني معلش اخوك تعبان فشخ معلش يا جماعه هطول عليكو شويه بس عايز احكيلكم علي حاجه وهمسح الابلكيشن تاني عشان مش عارف اتكلم مع حد في الموضوع ده ..... البدايه : اتعرفت علي بنت بمحض الصدفه الكامله من علي الفيسبوك ويصادف أنها قريبه مني بمسافه تقارب 10 دقائق مشي ومع الكلام ات

عبّر عن شعورك بشكل مجهول

الموضوع طويل فشخ يسطي بس استحملني معلش اخوك تعبان فشخ

معلش يا جماعه هطول عليكو شويه بس عايز احكيلكم علي حاجه وهمسح الابلكيشن تاني عشان مش عارف اتكلم مع حد في الموضوع ده .....

البدايه :
اتعرفت علي بنت بمحض الصدفه الكامله من علي الفيسبوك ويصادف أنها قريبه مني بمسافه تقارب 10 دقائق مشي ومع الكلام اتصاحبنا وحبه في حبه بقي في بينا مشاعر وطبعا بحكم أننا قريبين من بعض كنت يشوفها كتير المهم اننا عيشنا قصه جميله جدا بدون الدخول في تفاصيل بس كانت دائما بتحسسني اني مش لوحدي بالاخص اني وقتها كنت بتعافي من حادثه قعدتني في البيت 10 شهور مش بمشي علي رجلي ولا بتحرك من سريري 
عشان مطولش عليكو اكتر من كده حصل بينا مشاكل زي اي مشاكل بتحصل وكنا كل مره بنتخطاها لحد ما حصل سوء تفاهم وشافت شات بيني وبين واحده كانت صديقه قديمه ليا ورجعت تكلمني تاني فا للاسف شافت اني خونتها المهم بعدها حاولت كتير جدا وبكل الطرق ارجع ليها وفعلا رجعت لكن للاسف كانت دائما بتتكلم عن ناس معاها في الشغل بيعاملوها ازاي وقد اي شايلينها من فوق الارض شيل مع العلم اني فعلا مكنتش مقصر معاها وكنت بسعي كل الطرق لاسعادها ( استني يسطي انا مش بعيش دور الضحيه) حتي اني كان نفسي اشتري بايك عشان هي بتحبهم وكنت عايز اجبلها قطه عشان بنحبهم برضو غير لو حاجه عجبتها بسعي كل الطرق اجيبها ليها( ومكدبش عليكو هي كانت تستاهل) بس موضوع ده اثر عليا نفسيا وللاسف كلامنا وقتها بدأ يقل جدا وترد عليا بعد يوم او يومين بحجه أنها تعبانه في الشغل ومش بتمسك الفون وانا الفتره دي كنت مطرود من البيت وبيات في الشغل علي البلاط والدنيا كانت خربانه معايا وحسيت اني لازم انزل بنفسي شويه ولما انعزلت طولت شويه بعد اول شهر حسيت جدا أنها وحشتني بس كنت دائما بقول هكلمها ب انهي وش وانا يعتبر سايبها ومبررتش وخربت الدنيا وحرفيا لما حاولت ارجع اكتشفت أن فيه شخص تاني في حياتها وجاهز عني وهي مش هتسيبه عشان ملهوش ذنب ومأنكرتش أنها لسه بتحبني وقتها حسيت باليأس مع العلم قبل ما أمر بفتره الانعزال كنت جايبلها القطه ومسميها باسم الدلع بتاعها وجبت البايك وحسنت من نفسي كتير وبطلت شرب سجاير ومايه واموري اتحسنت كتير بس للاسف اكتشفت أن سعادتها مش معايا تقريبا
الفكره يشباب ويبنات اني فعلا مش قادر اكمل واتخطاها يجدع ويجدعه دنا كنت بفكر فيها كل يوم حتي وهي بعيده عني وحاليا كل شئ اعتزلته رجعتله واوسخ من الاول حتي البايك مبعملش حاجه غير اني بجري بيها علي سرعه وانا بسمع اغاني لمجرد انسي التفكير انا عارف اني مش سوي نفسيا واني سبتها بس صدقوني مش عارف اقولكم ايه بس انا فعلا بحبها وعملت كتير اوي هي بنفسها ممكن تشهد بيه علي حبي ليها ( يجدع ده انا في عز ما كنت بمشي علي عكاز  نزلت اجري في نص الليل عشان عرفت أن حصل مشكله وسابت البيت ورايحه لابوها وأبوه يسطي ابوها وامها منفصلين المهم نزلت من غير العكاز وجريت في الشارع زي المجنون لحد ما رجلي اتفتحت تاني ونزفت لحد ما وقعت علي وشي ) المهم انا مش مجنون ومش عاقل برضو انا مشيت وانا اللي بحبها وحزين فشخ عشان عارف ان ممكن يكون حد تاني دلوقتي بياخد حبها واهتمامها وانا مش بلومها بالعكس أنا كلامي ده كله بحكيلكم عشان تفهمو قد ايه الواحد وصل لمرحله كراهيه الذات والندم......
اسف لو طولت اوي بس حقيقي كنت محتاج اتكلم 
وشكرا جدا ليك أو ليكي لو قريت كل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_34665 🇪🇬

منذ 8 أشهر

شعور خجلان

انا دايما بنجذب للرجالة اللي اكبر مني بفروق كبيرة اوي وعارفة ان ده بسبب مشاكلي مع بابا من وانا صغيرة وبحس اني محتاجة اي اهتمام منهم و ده بيخليني احس بالقرف من نفسي وبكرهني بجد بيجي عليا فترة بحس اني محتاجة لراجل في حياتي وفي وقت تاني بحس اني كفاية لوحدي و مش محتاجة حد يتحكم فيا .. بجد زهقت وتعبت من

Donut_33839 🇾🇪 اكيد محتاجه اهتمام من أهلك ابوكي امك و لا تكرهي نفسك لانه مافي شخص ب الحياه يكره نفسك كيف ما انتي و انتي قمر مش شخص و انتي كافيه لوحدك لا تريدي احد يتحكم بك

عرض الكل 7 نصيحة

Chilli_28867 🇪🇬

منذ 8 أشهر

شعور مكتئب

موضوع:

بنات احكولي على تجاربكم مع الحجاب ؟

Pineapple_29683 🇪🇬 حبيبتي لو انتي فاكرّة ان قيمتك بشكلك صدقيني حتي لو شلتي الحجاب هتفضلي بنفس الشعور وفي بنات احلي منك بالحياةمنغير حجاب وبحجاب وكل م تدخلي مكان محدش هتحسي بالقص لانك حطه قيمتك ب شكلك احب اقلك ا قيمتك كدا قليله واعرفي ان الدنيا دار اختبار مش جزاء لو عشتي حلو او بشعه كلها ٩٠ سنه وتقابلي ربك وتعرفي ان اهلك عملو اتعلمي تحترمي عقلك وتتعلمي موهبه تنميها عشان تشعري بالسعاده فالحياة بالشكل الصحيح

عرض الكل 11 نصيحة

عبّر عن شعورك بشكل مجهول

من اسوأ الحاجات اللي حصلتلي في حياتي
ولغاية دلوقتي مش عارفه اسامحهم ولا اتقبل شكلي بالحجاب ولا اتقبل شكلي عمومًا
انا حجبوني اجبار بالغصب عني
انا لسه فاكره الايام ديه ومستحيل انساها ولغاية دلوقتي مش عارفه اتخطاها وكل مره بفتكرها بيرجعلي نفس الشعور
انا كنت زي اي طفلة بجد حتى معرفتش استمتع بشعري ولا بحاجه لاني انا اللي كنت بهتم بنفسي في اغلب الوقت
عارفين الطفل اللي دايمًا بيكون معتمد على نفسه؟ ومحدش بيسأل عليه ٩٠٪؜ من الوقت عشان معتمد على نفسه؟ ده كان انا 
انا معتمدة على نفسي من وانا في ستة ابتدائي 
المهم عادي مش مهم ده
انا كنت ساعتها في ستة/اولى اعدادي وكانوا ساعتها اصحابي بيتحجبوا وكده وكنت حابة الحجاب جدًا ورجعت في يوم من المدرسة وقولت عاوزه اتحجب وكنت مبسوطه اوي وقولت لماما وقولتلها هتحجب واتفقت مع اصحابيبس ساعتها كنت لسه صغيرة يعني مكانش وقت الحجاب لسه
المهم بعديها بفترة لما وقت الحجاب جه، لقيت مره واحده بابا بيقولي هتلبسي الحجاب اول ما تخرجي نن الببت، بدون نقاش بدون ما حتى يفكر يقولي او يقنعني لا هو زعيق وضرب وساعتها كمية خناقات حصلت
وكل لما اخويا يشوفني يفضل يقولي هتلبسيه هتلبسيه ويكرهني فيه اكتر و يكرهني في شكلي ويفضل يقوم بابا عليا ويقوله بنتك وبنتك وبنتك مع اني كنت ١١/١٢ سنة بس 
وبابا يفضل يهزقني ويزعقلي و كان توصل للضرب عادي
ساعتها كانت فترة الكورونا وما بعديها، انا ساعتها مخرجتش من البيت لمدة ست شهور كاملين ولا كنت بخرج عشان مجرد ما هخرج من البيت هلبس الحجاب وغصب ولازم حتى ساعتها مكانش عندي لبس بكم المهم اني اتحجب وخلاص 
ساعتها فضلت مسرحش شعري لمدة شهور ومش قلة نضافة لا كنت مكتئبة جدًا وكنت في اسوا حالاتي، وكمان مكانش في حد يطبطب عليا انا كنت لوحدي 
متخيلين كنت بعيط في الصالة كلهم بصوا عليا وجم هزقوني محدش طبطب عليا وقالولي بالنص كده " ايوا افضلي عيطي احنا قاهرينك احنا الوحشين عيطي " 
محدش فكر يحببني فيه محدش فكر يقولي الصح ولا الغلط حتى محجبنيش عشان حرام ولا حلال لا عشان اخنا في المجتمع لازم البنت تتحجب عشان الناس مش اكتر 
وكمان كان اخويا يفضل يكرهني في كل حاجه ويفضل يقوم بابا عليا، ومع ان بابا مكانتش في دماغه انه يغضبني عليه ولكن الناس اللي لعبوا في عقله، هو حتى مش بالنصيحة ك الدين ده اجبار عشان انا كوني بنت
انا حقيقي بكره كوني بنت بشكل كبير من وانا طفلة لاسباب كتيرة 
وانا من ساعتها وانا كارهة شكلي بيه ومش عارفه اتاقلم بس مستحيل
 اقلعه عشان حرام وانا اللي هاخد الوزر مش هما ف بحاول اتعايش لغاية دلوقتي 
اسفة على الاطالة بس ده كان جزء قليل اسفه مره كمان🙏

Cherry_16127 🇪🇬

منذ سنة واحدة

شعور Okay 😐

مساء الخير يمكن مشكلتي اتفهه مشكله هنا 😅 بس اقدر اعرف ازاي احب نفسي؟ و ابطل احط دايما نفسي في مقرانات مع الناس التانيه ؟ انا بعاني بقالي سنين في المشكله دي يجماعه ابسط مثال لو فلانه صحبتي قفلت وانا نقصت درجه افضل الوم نفسي كتير و اكره نفسي و ليه انا مكنش مكان صحبتي الي قفلت و هكذا ده مجرد مثال ص

التجربة أفضل عبر التطبيق

حمّل تطبيق توهيل على هاتفك لتجربة أسرع