بحب ابن عمي من طرف واحد ومش عارفه اعمل ايه

Donut_27852 🇪🇬's منشور

Donut_27852 🇪🇬

منذ 3 أيام

شعور وحيد

انا بحب ابن عمي من زمان جدا من وانا عندي ٩ ودلوقتي انا عندي ١٥ و متعلقه بيه جامد لاننا كنا دايما سوا من واحنا صغيرين و انا بجد بحبو بشكل مش طبيعي بس المشكله انو مش بيبص فوشي حتى يعني من الاخر حب من طرف واحد بجد انا تعبت وانا بلمح والمشكله اني ساعات بحس انو بيحبني و ساعات بحس انو مش بيطيقني حتى مع اننا كنا دايما صحاب و قرييبين دايما و للمعلومات كان بيحبني واحنا صغيرين بس معرفش ايه اللي غيرو و بجد بحبو لدرجه اني ساعات بتخيلو قدامي ف انا حقيقي مش عارفه اعمل ايه و حاولت انساه كتيير بس مفيش امل.

Hazelnut_52786 🇪🇬

أفضل نصيحة

منذ 3 أيام

بصراحة يا حبيبتي، اللي بتحسيه طبيعي في سنك، بس لازم تفهمي إن ده مش حب حقيقي، دي مشاعر لسه بتتكوّن ومش ناضجة. متعلقيش قلبك بحد مش بيقدرك، ولو بيحبك بجد كان بان عليه حتى من غير كلام. اصحي لنفسك وسيبي عنك الوهم، حياتك ومستقبلك أهم بكتير من تعلق بوهم بيعذبك

French Fries_54548 🇪🇬

منذ 3 أيام

صرحيه الصراحه احسن شي ممكن يكون معجب بيكي اكتر ما انتي معجبه بي بس هو خايف يعرفك علشان بيكون حسيس انو مش في بالو تعملي مشاكل لو فتحك في موضوع الصراحه بتجيب النهايه ان السكوت هتفضلي انتي ساكته هو ساكت الخوف هيكون ما بنكم مش هتلاقى حل غير ان نفسيتك هتيعب كل ما تشوفيه او كل ماتيتعملي معاه هتحسي ان قلبك تعبك

Strawberry_25620 🇪🇬

منذ 3 أيام

بصي يا حلوه ، الحب في حد ذاته مش حرام بس فكرة الارتباط والكلام هيا اللي حرام ، وانتي لسه صغيره يمكن ماتكونيش فاهمه ده العمر قدامك لسه لا شفتي ولا اتعاملتي، متفكريش في الحب دلوقتي ذاكري كويس وركزي في الحاجات الاهم دلوقتي وهوا لو بيحبك لما هتكبري هيدخل الباب من بيته .. ولو هوا متدين فعلا وبيحبك ف الاكيد انو مش عايزه يعمل حاجه حرام او يرتبط عموما، ويمكن مستني اما تكبرو فا سيبي كل حاجه لوقتها

Strawberry_25620 🇪🇬

منذ 3 أيام

ما تستعجليش على حاجه كل حاجه صح وحلوه بتيجي في الوقت المناسب ، ركزي في المرحله الي انتي فيها دلوقتي ولو فيه الخير هيبقا ليكي بس ف الوقت الصح

French Fries_54349 🇪🇬

منذ 3 أيام

حبيبتي انتي كإنك بتحكي ع حياتي ، انا كنت زيك وبحبه لنفس اسبابك مع بعض من زمان و كده ، بس عارفه حصل اي لما عرف اني بحبه كحبيب مش كأخ متتصدميش بقا ، بقالو ٦ سنين مش بيكلمني ، م بيبص ف وشي حتي ، عارفه يعني ايه يعني خسرت اخويا خسرت صديق طفولتي وايامي بسبب شويه مشاعر غلط انتي مش عارفه تفسريهم حبيبي ده تعلق ع معاكي من زمان واكيد نفس السن ، نصحيه مني افهمي مشاعرك وافهم انك بتحبيه كأخ ومتخسريهوش

Popcorn_52587 🇪🇬

منذ 3 أيام

مشاعرك طبيعية، لكن المهم إنك تركزي على نفسك وسعادتك. لو هو اتغير ومبقاش مهتم، فده ممكن يكون نتيجة نضوجه وتغير اهتماماته. اشغلي وقتك بحاجات بتحبيها، ووسّعي علاقاتك علشان ما تركزيش مشاعرك على شخص واحد. لو حسيتي إنك محتاجة توضيح مشاعرك ليه، كوني صريحة بدون ضغط. والأهم، افتكري دايمًا إنك تستحقي حب صادق ومتبادل

التجربة أفضل عبر التطبيق

حمّل تطبيق توهيل على هاتفك لتجربة أسرع