بابا وعمتى راحوا ومش عارفة اتخطى أو أعيط

Question

بابا وحشنى اوى توفى شهر ٢/٢٠٢٣ مش عارفة احكى زى الاول ولا ارجع زى الاول وعلى طول ساكتة وجوايا كلام كتير كنت بحكى معاه وبيفهمنى وبعده ١٨ يوم عمتى اللى هى حماتى توفت اكتر اتنين كانوا فى حياتى بحبهم وبرتاح معاهم وقولت بعد ماتوفوا حملت وجبنت بنت قولت تغير فى حياتى وتهون عليا 
هو تغير والحمدالله بس بفتكرهم كل شوية وعلى طول والمواقف مش قادرة اتخطى انا معيطتش ومش عارفة اعيط كانو بيفهمونى بس انا بتعامل فى الدنيا عادى والدنيا ماشية بس حاسة انى انا مش انا

Coconut_32160 🇧🇭 · Accepted Answer

ربنا يصبّرك علي فراقهم وتحاولي تتأقلمي بسرعه ان شاء الله.. أنا بشوف ان الموت راحه للإنسان من الحياه اللي عايشنها دي اللي كلها صراعات ومشاكل وقرف وتخرجي من صراع تدخلي في غيره 
عموما ربنا خلق فينا نعمه النسيان علشان نقدر نتجاوز ونكمل الحياه وربنا يصبّرك ويصبرنا علي كل اللي فارقونا ويجعل مثواهم الجنه ونعيمها ان شاء  الله

Donut_38353 🇪🇬 · Answer

يا رب يصبر قلبك وبجد حاسة بيكي اوي لاني بردو ماما توفت بس من ٢٠٢٠
انا تخطيت شوية الصدمة بس طبعا عمرنا ما بننساهم ووجع فراقهم بيقل لكن عمره ما بيروح
صبري نفسك بإننا ف رحلة وكلها شوية ونروحلهم ونجتمع بيهم في الجنة إن شاء الله

Strawberry_38903 🇪🇬 · Answer

حاسة بيكى انا بابا وماما توفو ورا بعض تقريبا معلش اصبرى وادعيليهم علشان هما عاوزين كدة منهم وطلعى كل الى اتحرمتى منة ادية لبنتك وجوزك هما الى موجودين دلوقتى ربنا يصبر قلبك ويرحمهم ويرحم امواتنا جميعا

Banana_37403 🇱🇾 · Answer

فقدان من نحبهم ليس بالامر السهل ولكن هذه سنه الحياه وهكذا الدنيا تستمر وتستمر يجب علينا ان نعلم جيدا ان الحياه والموت بيد الله وليس لنا شئ في ذلك تجاوز ذلك بشئ كان الفقيد يتمني ان يراك عليه واعمل علي كل شئ كان يحبه فيك