أنا إنسان ميت بيتكلم - أول مرة أشارك وجع الخيانه

Question

اول مره أشارك و معرفش الدنيا ماشيه ازاى بس أنا حرفيا انسان ميت بيتكلم ...
من سنتين اتعرضت لأقصى وجع ممكن حد فى الدنيا انه يواجهه ...الخيانه و الخذلان ..
و للعلم فقط انا كنت حلم لإى شاب انه يبقى زيى و مثال حى للرجل إللى كل واحد بيحلم يكون فى نفس مكانه ، ناجح فى شغلى و بيتى و حياتى كلها معايا فلوس ووسيم و صحتى زى الحديد و أولادى ناجحين و يشرفوا اى حد و ليا أصحاب يسدوا عين الشمس ...
بس دلوقتى ...انا لوحدى منتظر الموت كل يوم بفارغ الصبر ...

Strawberry_31508 🇪🇬 · Accepted Answer

ربنا كشفهولك ع حقيقتة كان ممكن الاحداث تطور للاسوء
مش عشان حد ميستحقش ولا يستاهلك تسيبة يعمل فيك كدة
انت عارف نفسك و انت انسان ناضج و سوي نفسيا بس انت ناسي انك ف دار ابتلاء طبيعي يحصل مشاكل بس شوف و اتعلم   اصبر و ادعي و هتعدي حتى لو هتاخد وقت عادي

Mango_39196 🇪🇬 · Answer

لييييه؟ ف ايدك تخرج نفسك من الحاله دي 
اي السبب الي وصلك تقول كده؟
كلنا اتعرضنا للخذلان والخيانه بس بتعدي وبننسي ونبدا من جديد ليه معملتش كده!

Pineapple_25718 🇪🇬 · Answer

ليه كدا

Mango_32662 🇳🇬 · Answer

العين تُدخل الرجل القبر ، واظب على الرقية الشرعية و سورة البقرة

Ice Cream_40280 🇪🇬 · Answer

محدش شاف إللى انا شوفته و لسه بأشوفه لغايه دلوقتى ...
الخيانه لما تكون من أقرب الناس ليك بتكون صعبه ..
و لو اتعرضت للخذلان من شخص أو اثنين ممكن نتعافى..
أما انك تتخان من كل الناس بدون أستثناء ...
و حرفيا بدون أستثناء...
بدءا من آلام...و الأخوات...و الزوجه ...و الاولاد ...و الاصدقاء...يبقى اكيد أنا فيا حاجه غلط ...
و أكيد مش كل الناس بقت وحشه و انا بس إللى صح و كل دول غلط ...

Mango_39196 🇪🇬 · Answer

طب مايمكن انت الي شايف من وجهه نظرك كده معلش يعني ايه الخيانه من الزوجه والاولاد والاهل كمان مفهموك ايه عن الخيانه ؟

Ice Cream_40280 🇪🇬 · Answer

اولا انا راجل عندى ٥٠ سنه بكالوريوس هندسه و عندى البيزنس بتاعى من وانا عندى ١٦ سنه بأشتغل و عندى من الثقافه و المعرفه إللى عارف كويس اوى ان اى حد مش هيصدق كلامى و هيقول انى أكيد فيه حاجه غلط ،،
اقولك على الاحسن من كده ...
أنا نفسى مش مصدق و بحاول اقنع نفسى انى بأحلم و شويه و هقوم من النوم

Mushroom_40247 🇪🇬 · Answer

ممكن تحاول تتكلم وتفضفض مع شخص 
لو مش متوفر ممكن تجرب تروح لدكتور نفسى بحيث يساعدك تخرج من الحاله دى ويصلح الحجات ال اتكسرت جواك

Mango_39196 🇪🇬 · Answer

طب اقل حاجه حاول تفضفض مع حد الكتمان غلط غلط قول كل الي جواك هنا لو عاوز وكده كده محدش عارفك يمكن ترتاح شويه او يمكن تكون وجهه نظرك ف الي حوليك غلط.

Cookies_39462 🇪🇬 · Answer

ارجع زي زمان واحسن وان شاء الله ربنا هيك مك ادعي ربنا وربنا هيرزفك هو اللي رزقك في الاول وهو القادر علي رزقك مرة أخري الحل في القرب من ربنا

Tofu_33766 🇪🇬 · Answer

هون عليك ماهي الا الدنيا، و انما الاخره هي دار القرار