أول مرة أحس إني حمل تقيل على حد وبحب شخص مش مهتم

Pistachio_77690 🇪🇬

منذ يومين

شعور مكسور القلب

اول مرة احس اني حمل تقيل على حد لما نكون كنا بنتكلم بشكل يومي وفجأة اختفى كل ده رد بارد كلمة او كلمتين وساعات مفيش رد اصلا ولا كأن كان في ٣ شهور قبلها كان اليوم ما يعديش غير واحنا متكلمين على الاقل فوق المية رسالة بس هقول ايه فعلا مش عارف التغير جه منين او امتى والفكرة انها حتى مش عايزة تقولي السبب على طول بتقول عشان حاجات كتير عشان حاجات كتير ومع كده عمري ما سمعت منهم حاجة فعلا 19 يوم عدوا كأنهم قرن من كتر ما هي تقيلة على قلبي بس لسة بحبها فهعمل ايه

ليه محدش بيحبني وانا مش وحشه؟ تجاربي مع الجرح

طول عمري من وانا صغيره نفسي احب واتحب كزت باعجب بكتير بس كلهم محدش كان بيبقا معجب بيا كل دا كان هبل طبعا بس اكيد اثر فيا وحبيت واحد اوي اوي. يعني بس هو للاسف محبنيش انا اتجرحت اوي وكتمت كله جوايا ومعيطش يعتبر وتجاهلت كل اللي حصل بسبب الشخص اللي حبيته دا هو محصلش حاجه ومرتبطناش بس مع كدا كنت اعتبر اكني مرتبطه بيه كنت بعرف كل حاجه عنه اغلب البنات اللي حواليا كانو بيكلموه الا انا كنت بعرف حاجات عنه منهم ومع كدا بردو كنت بموت مع كل كلمه بيقولوها فشاتهم هما كانو بيبقوا صحاب عادي يعني بس كنت بتوجع جامد اتعلقت بيه اوي يعني انا اول تلت شهور لما حبيته كنت مفكراه بيحبني وعرفت انه مش بيحبني بعد تلت شهور كدا قعدها بعدها خمس سنين احاول انساه معرفتش انا اصلا محترمه اوي ومبحبش اكلم ولاد ولو كلمت ولد ببقا هموت وبحس اني مش قادره اتنفس علشان بزعل ربنا وثقه اهلي بس حتي لما ببقا عايزه اعمل الحرام دا مبقدرش بجد بشكر ربنا اوي انه خله فيا كدا وفي الكليه صاحبت صاحبه تعرف ولاد كتير كنت بحس اني مش حلوه ووحشه ثقتي فنفسي قلت جامد مش بسببها بس بسبب اني طول حياتي محدش حبني مع اني شايفه اني مش وحشه كدا واني اعتقد حلوه يعني متوسطه في بنات وحشه اصلا وبيتحبوا عادي يشمعني انا وقتها ضعفت وقولت يمكن علشاني محترمه يمكن كنت عايزه. اتأكد فاتهبلت وضعفت بسبب صاحبتي وكلمت واحد كان صاحب واحد تعرفه كنا بنتكلم بس اكلمنا شهر معرفش ازاي قدرت ازعل ربنا مني كدا وقتها بس كنت وقتها ضعيفه اوي كنت محتاجه اثق فنفسي شويه حتي كنت بعامله وحش بصراحه كنت مجروحه من اللي حبيته دا ومش عارفه انساه كان اكنه خاني معرفش ليه اصلا طلع بيحب قريبتي بس هي مكانتش بتحبه كنت بحاول اخليها تحبه بس معرفتش حصلت حاجات كتير كنت بموت يعني المهم الولد اللي كلمته شهر دا كنت يعني دبش معاه بس يعني كنا ينتكلم اكننا مرتبطين بس عاملين نفسنا مش واخدين بالنا كنت بستغرب ازاي مستحملني كدا وكان باين انه معجب بيا اوي كدا يعني كنت لسه هبدأ احبه خلاص لقيته بيبعد وقالي مش هينفع نتكلم تاني بسبب موضوع اهبل وتافهه كدا قعدت احاول مخسرتش وقتها لانه انا كنت بعامله وحش وهو كان بيستحمل كنت بحسه باقي عليا يعني بس طلع كل دا هبل كان بيتسلي بيا اكيد عملي بلوكات بعد كام شهر فك بلوك الواتس بقا بينزل استوريز عليه مع انه مكانش بينزل في استوريهات كنت بنزلها الاقيه ينزلها وحاجات كدا بعتلي يوم عيدميلادي كنت منزله استوريهات يعني فغالبا اكيد مش افتكر لوحده بس وقتها قالي عامله ايه وكدا وكلمني وقالي بالاسم اللي كان بيعاندي ويقولي بيه وفي الاخر قالي هسيبلك لصحابك بقا ومكلمنيش بعدها كنت عارفه انه هيعمل كدا علشان اول ما اتعرفت عليه اول يوم بعتلي فضلنا نتكلم يومها وكلام واضح ان نتكلم بعده كل يوم. وكدا لا تاني يوم مكلمنيش بعتله تالت يوم تقريبا من وقتها بقينا نتكلم هو اخر موقف كان كويس فيه معاه كان خطوبه اخته وانا قعدت مكلمتوش تلت ايام كنت مستنياه هو يبعتلي بصراحه وهو فعلا بعدها اللي بعتلي بعد التلت ايام وقعد يقولي مبعتيليش من تلت ايام وكدا بعدها بيوم اتغير ويقولي صاحبتك راح قالت اني بكلمك وحاجات هبله هو دا كان سبب انه سابني المهم بعد ما بعتلي في عيدميلادي بعتله علي لينك صراحع فكتلي البلوك ليه لقيته عملي بلوك علي الواتس مش فاهمه ايه العبط دا بعتله علي الانستا اقوله عملت بلوك تاني ليه راح قالي معملتش اولاني علشان اعمل تاني وراح فاكك البلوك واتس ونزل استوري وعمله تاني مش فاهمه مش عايزني اعرف انه عامل ليه روحت قولتله انه عمله تالت وقعدت قولتله شويه كلام كدا راح قالي انا موعدتكيش بحاجه وكدا وانا اصلا مرتبط ازاي اللي انتي بتقوليه دا انا كنت بكلمك بس علشان الدراسه وعلشان انتي قدي وكدا واحنا اصلا مكناش بنتكلم عن الدراسه كان بيهتم بيا جدا قولتله انا مش هقولك حاجه ربنا عارف كل واحد عمل ايه ونيتك ونيتي اكتر مني ومنك راح قالي خلاص ماشي ربنا يصلح حالك وحالي استناني لما رديت وقولت يارب وراح عامل بلوك انستا الموضوع بالنسبالي انتهي من يومها الفكره انه انا كنت مضمره بسبب اللي كنت بحبه راح دا جاه علي الجرخ وضمرني اكتر منه لله المشكله انه انا كنت بقعد اقوله اني خايفه احس بحاجه ناحيته كان بيقولي متخافيش اما لما بحب حد بحبه بجد وحاجات كدا كتير بقا وفي الاخر يقول مكنش بينا حاجه وموعدنيش بحاجه كان نفسي يحس بس.قد ايه غلط فحقي علشان حساه مقتنع انه مغلطش مشكلتي دلوقت اني ثقتي فنفسي بقت اقل من 0 نفسي. اعرف ليه. يعتبر مفيش حد حبني زي باقي البنات واللي حواليا انا مش وحشه كدا بس انا غلطت اوي لما كلمته بجد ...عرض المزيد

0 الدعم

2 نصيحة

مش قادرة انساه بس هو بيستعبط معايا

اللي هقوله ده انا مش محتاجه فيه advice الصح والغلط عارفاه كويس وعارفة تبعات كل قرار دينيا ودنيويا ودي المصيبة اتعرفت عليه من سنة وبدأنا نقرب لبعض وانا حبيته واتعلقت بيه بس هو من day1 بيقولي معنديش اي مشاعر واحنا بس بنستعبط وبنتبسط جاية على كرامتي اوي بس كل مرة باخد قرار اننا نبعد يا اما يكلمني يا اما اكلمه ومش بقدر اقاوم او اصده لانه بيبقى واحشني عارفة ان وجودي معاه مجرد ملي اوقات فراغ بس هو مش كده بالنسبالي طب ليه مكملة؟ على أمل ان التضحيات اللي بقدمهاله تخليه يحبني ويعرف ان عمره ما هيلاقي واحدة تحبه زيي :( بنشرب سوا وبنسهر سوا وبفضيله نفسي حتى لو مشغوله بجيبله هدايا وبهتم بيه ومش بعاتبه على افعاله.. هل ممكن ده يخليه يقدر وجودي وتقديري ليه ولا يتعامل باستحقاقية اكتر حتى لو اختفيت مش هتبقى فارقة؟ ...عرض المزيد

1 الدعم

14 نصيحة

ليه بيبطلوا يكلمونا ويرجعوا وبنفضل مش قادرين نتخطى؟

ليه لما حد كان متعود يكلمنا ويهتك ويبطل فجأة وبعدين نصارحه يقول مشغول ويرجع كويس وبعدين يرجع تاني يختفي بس لما تكلمه يرد عادي بس بطل يبادر فاحنا بنبطل نكلمه عشان منحسش اننا تقال علي حد ، بس برضه بترجع تفكر فيهم وتعوز تكلمهم تاني مش بنقدر نتخطى ...عرض المزيد

0 الدعم

5 نصيحة