مش قادرة انساه بس هو بيستعبط معايا

Question

اللي هقوله ده انا مش محتاجه فيه advice الصح والغلط عارفاه كويس وعارفة تبعات كل قرار دينيا ودنيويا ودي المصيبة
اتعرفت عليه من سنة وبدأنا نقرب لبعض وانا حبيته واتعلقت بيه بس هو من day1 بيقولي معنديش اي مشاعر واحنا بس بنستعبط وبنتبسط
جاية على كرامتي اوي بس كل مرة باخد قرار اننا نبعد يا اما يكلمني يا اما اكلمه ومش بقدر اقاوم او اصده لانه بيبقى واحشني
عارفة ان وجودي معاه مجرد ملي اوقات فراغ بس هو مش كده بالنسبالي
طب ليه مكملة؟ على أمل ان التضحيات اللي بقدمهاله تخليه يحبني ويعرف ان عمره ما هيلاقي واحدة تحبه زيي :(
بنشرب سوا وبنسهر سوا وبفضيله نفسي حتى لو مشغوله بجيبله هدايا وبهتم بيه ومش بعاتبه على افعاله.. هل ممكن ده يخليه يقدر وجودي وتقديري ليه ولا يتعامل باستحقاقية اكتر حتى لو اختفيت مش هتبقى فارقة؟

Coffee_74932 🇪🇬 · Accepted Answer

إمشي أحسنلك وإوعي تكملي حرفيًا وقتك ومجهودك بيضيعوا ع الفاضي، التضحيات اللي بتعمليها دي مش هتفرق معاه بالمرة لأنه أصلاً مش داخل جد ولا هيدخل جد ف خلاص بقى بالمسبة له الموضوع مجرد وقت بيقضيه.

Peanut_75647 🇪🇬 · Answer

للاسف لا.. الموضوع صعب وللاسف اتحطيتي فيه.. علي كلامك فانتي مش فارقة معاه وهو لو علي نفسه فمش هيحب انه يكمل معاكي بس واخدك انه بيتسلي معاكي

Coffee_75715 🇪🇬 · Answer

لو اتعاملتي بنفس طريقته بالظبط هيتحول لشخص تاني

Peanut_75647 🇪🇬 · Answer

وللاسف كل لما تعملي حجات اكثر كل لما الموضوع هيزعلك اكثر… لو هو من البداية مش عايزك بلاش تضيعي وقت معاه هتتوجعي في الاخر.. انتي اكيد خلتيه يتعلق بيكي بس دة بشكل مؤقت ولما يجيله واحدة مكانك هيسيبك في ثانية… غير كدة هيفضل معاكي لحد لما واحدة تجيله

Cheese_72921 🇪🇬 · Answer

للاسف كل اللي بتعمليه دا هو مش فارق معاه هو ب النسبه له انك مجرد شي موجود وضامن وجوده والدليل انك لما تختفي بيدو عليكي مش ع شان حب بس ع ان هو اتعود انك موجوده وبتضحي دا شي بيعزي الغرور عنه ف صدقيني محدش هيتعب غيرك وانتي اللي هتخسري حجات كتير ف مقابل هو مش هيخسر حاجه 
ف ياحبيبتي لما تقرري تسيبي واحد اول حاجه تعملها انك تقطعي اي حاجه تقدر توصلك بيه او يوصلك بيه ان كان رقم واتس فيس اي حاجه من دي

Peanut_75647 🇪🇬 · Answer

انا عارف ان الموضوع هيوجعك بس بلاش تعمليله حجات فوق طاقتك عشان خاطر يقدرها.. وفري طاقتك للشخص المناسب.. ودة مش معناه تتعاملي وحش بالعكس اتعاملي كويس.. بس لو معاكي ١٠٠ جنيه مثلا بدل ما تجيبي حاجة وتديهاله، جيبيها لنفسك.

Mango_75519 🇪🇬 · Answer

انا عارف ان ممكن كلامي يوجعك بس هيفوقك هو مبيعملش حاجه غير انه بيتسلي بس ولله يوم ما الرجال بيخرب الدنيا ويعوز يتجوز بيقولك انا عايز وحده مخرجتش اصلا من بيت ابوها انت قدمتي تنازلات قللت من قدرك وشخصيتك هو من الاخر لما يجيلو مذاج هيكلمك ولما يعوز يكرفلك هيكرفلك فاهمه حاجه وليه تتنازلي كده اصلا مفيش بجد حد في الدنيا مستهال ده ربنا يقربك ليه اكتر ويرزقك الجنه

Peanut_75647 🇪🇬 · Answer

وحاجة كمان، دايما عقلك وقلبك هيمنعوكي من انك تمشي او تقللي الحجات الحلوة… بس للاسف دة الصح لو حابة تكلميه خليكي في وقت فراغك.. لان زي ما هو بيتسلي بيكي خليكي انتي اتسلي بية.. صح الحجات دي غلط وكل حاجة بس للاسف الانسان بيكون ضعيف ولازم تاخدي بالك فاحسن حاجة تعمليها هي انك متعمليش حاجة غصب عنك.. بلاش تفضي وقت عشانه.. وقت فراغك بس كلميه.. ولو حاجة هتساعدك اتعرفي علي ناس جديدة تشغلي وقتك عشان متحسيش

Grape_55150 🇪🇬 · Answer

بيحصل انتركورس ولا لا

Blueberry_62794 🇪🇬 · Answer

علي مدار حياتي مشفتش راجل حب واحدة علشان ضحتله وكدا

Onion_73960 🇪🇬 · Answer

ماتكمليش هتتعبي وهو ولا كأنه شايفك

Onion_75729 🇪🇬 · Answer

انا كنت زيك كدا بس البنت هي الى مش فارق معاها بصي قدمت كل حاجه وعملت كل الى اقدر عليه وكانت بتتجاهلنى وتقولى احنا بنهزر بس فى النهايه مهما عملت مش فارق فا نصيحه انتى بتحاولى فى أرض مش أرضك ولما يكتفي منك اما هيهجرك او هيخليكى بديل حاجه بضيع وقت فيه وبجد هتتعلمى أوسخ درس فى حياتك انا يوم ماتفرقنا انا حسيت انى بسقط بسقط ومفيش أرض أسقطلها انا كنت ضايع ومانسيتش ولا هنسي بس فوقت واتغيرت و اتعلمت

Onion_75729 🇪🇬 · Answer

نصيحه حبي نفسك وقدريها واعرفى انك غاليه ومش أي حد كدا تبقى كدا مسلمه نفسك ليه بأمل انه يحبك انتى تتحب  وتستاهلى أحسن منه بمراحل حبى نفسك  حبى ربك نفسك مش بتتغير عليكى 
ربك مش بيسيبك بس

Tomato_74700 🇪🇬 · Answer

ولا هتفرقي معاه هيفضل مبسوط بس مش اكتر ولو بعدتي ولا زعلتي هيشوف غيرك يا اما هيصالحك علشان ملقيش 
انما لو عملتي اي مش هيحبك متضحيش بنفسك على مفيش