اهلي بيتريقوا عليا بسبب الدكتور النفسي

Question

انا بروح عند دكتور نفسي وكدا ف اهلي بيفضلو يتريقوا عليا و يفضلوا يقولولي ي مريض ي مجنون و الكلام دا بيضايقني اوي ف م عارف اعمل ايه

Banana_29935 🇪🇬 · Accepted Answer

متسمعلهمش، دخل الكلام من ودن و طلعه من التانية
على الأقل انت ادركت ان عندك مشكلة و بتروح لمتخصص يساعدك، انما هما يقولولك احنا كنا بنضرب بالحزام و طلعنا كويسين و هما ولا كويسين ولا حاجة، انت معترف بمشكلتك هم بينكروا مشاكلهم
كمل، انت ماشي صح

Jackfruit_36220 🇪🇬 · Answer

متهتمش ومتسمعش

Cherry_32550 🇪🇬 · Answer

مع الوقت اول ماتبتدي تشوف نتايج مع الدكتور بتاعك الموضوع ولا حيهز فيك شعره

Chilli_37784 🇪🇬 · Answer

متخدش في بالك عشان مش كل الناس عندها ثقافه الدكتور النفسي

Apple_30029 🇪🇬 · Answer

اديني معلومات اكتر انتي بتتعاملي كويس معاهم

Marshmallow_29286 🇪🇬 · Answer

اتكلم وقولهم ان الكلام ده بيدايقك وانك مش قابل ابدا الهزار في حاجه زي كدا، لو مامتك او باباك الي بيقولوا كدا اتكلم معاهم براحه ولو مسمعوش اصبر عليهم، لو اخواتك قولهم ان لو مبطلوش الكلام ده هتبطل تتكلم معاهم وخلي الحدود واضحه واه في بينك وبينهم حدود حتى لو اخواتك.
وانت طنش كلامهم انت عندك مرض وبتتعالج منه مش حاجه عيب ولا انت مجنون ولا حاجه.

Kiwi_37297 🇴🇲 · Answer

قول لهم انك خلاص ما عاد تروح … بس بالجهه الثانيه لا تهمل جلساتك 
…
او حاول انك تقنعهم بالفكره والاسباب وانه الدين حثنا ع العلاج والسعي للعلاج بحد ذاته عباده … لانه الاهل هم السند الاول ولو قدرت تقنهم ما في شيء راح يوقف في طريق علاجك💗

Strawberry_32237 🇪🇬 · Answer

يابختك والله انا نفسي اروح ليحد ويقولي اللي يقوله

Coffee_27700 🇪🇬 · Answer

لو بتضحك وتظهر عكس مشاعرك بلاش تعمل كدة. إما انك تظهر مشاعرك الحقيقية وهي انك متضايق ومتضحكش أو ترد عليهم باللين مرة وتفهمهم إن الكلام بيجرحك وبالشدة مرة وتزعق وتطالب بحقك.