جوزي بيخوني في الفلبين وعاوزه انتقم منه!

Question

انا كنت حكيت مشكلتى قبل كده وانى جوزى مسافر واكتشفت انه بيخونى وماشي مع بنات فلبينيات وانا في مصر مع الاولاد عاوزه انتقم منه واعلمه الادب حد عنده اقتراحات عاوزه البنات والرجاله كمان تساعدنى انا قلبي محروق والطلاق صعب حاليا لانه اخد منى كل فلوسي ومقدرش اعوى عيالي لوحدي

Durian_52455 🇪🇬 · Accepted Answer

تنتقمى منه!! هتستفادى اية لما تنتقمى منه
هل دخلك الشهرى هيتحسن ؟ صحتك هترجع زى الاول ؟ اولادك هيكونوا مبسوطين اكتر ؟

حافظى على الأمانة فى ولادك وفى نفسك قبلهم..إن لِنفسك عليك حق.. تقبّلى الأمر وفكّرى بعقلك علشان توصلى لحلول عملية مش عاطفية تساعدك على إنك تخففى العبء المادى والنفسى

Pineapple_62201 🇪🇬 · Answer

انا رايي ان انت تروحي تقعدي معاه في البلد اللي هو مسافر فيها انت وعيالك وتبقي قاعده فوق نفسه كده

Ice Cream_61738 🇪🇬 · Answer

اوعي تخوني حافظي على نفسك وعلي اولادك
الانتقام هيدمرك انتي قبل ما يدمره وهو اصلا متدمر

Coffee_52706 🇪🇬 · Answer

طيب انتي عرفتي ازاي انه بيخونك وانتي في مصر وهو هناك

Potato_61641 🇪🇬 · Answer

لا تردي الاساءه بالاساءه لو هو معيشك احسن عيشه خليك مبسوطه في مصر وهو مقضيها بره الخروجات بقى وكده قدامك طريق يا تسيبيه يعمل اللي هو بيعمله وانت تعيشي حياتك وما تهتميش بيه خالص هو هيلاحظ كده ووقتها الكوره هتكون في ملعبك تصارحيه الحاجه الثانيه سافري له حطيه قدام الامر الواقع موضوع الانتقام ده ما ينفعش لانه ابو ولادك يا تطلبي انه ينزل مصر وواجهه