انا كتوم وفاقد الشغف ومش عارف اجمع نفسي

Question

انا شخص كتوم جدا ومش بحب اتكلم مع حد وبقيت فاقد الشغف لكل حاجه الشغل و البيت حتي بقيت بقطع صحابي و بعملهم بلوك بدون سبب مش عارف انا بيحصلي اي كل السبب اهلي ان انا شب 25سنه الي في سني متجوزين ومخلفين انا واقف مكاني مبقيت عارف اجمع نفسي انا ديما مبتسم ع مبينش الي جوايا لحد او بمعنا انا محدش هيستحملني 
المشكله التانيه قلت النوم و شغل مش حبو و اهل متحكمن بطريقه صعبه عليا مهم حولت اني احكم في عصبتي و غضبي ادمهم مبقتش عارف انا حاليا بقيت بكلم نفسي وناس شيفاني مجنون

Banana_63178 🇪🇬 · Answer

استهدي بالله واعرف ان رزقك هيجيلك ورتب اولوياتك ومتبعدش عن حد بس حاول تقعد لوحدك شويه وفكر انتا محتاج تعمل اي

Apple_63563 🇪🇬 · Answer

كل الي بيحصلي ده بسبب اهلي

Banana_63178 🇪🇬 · Answer

مدي محدش بيخترها وصدقني حته الي اهلهم كويسين معاهم هتلاقي عندهم مشاكل برده وشيفنها محوريه حطلك هدف واوله انك تستقل بنفسك بس اهم حاجه متقطعش معاهم وحاول وربنا هيجزيك

Potato_63573 🇪🇬 · Answer

حاول تهدأ شوية وتعيد حساباتك من تاني.. 
أقصد إنك في الأول تشتغل على علاقتك بأهلك.. 
كلمهم كويس واسمع كلامهم بما يرضي الله 
وبما لا يمحو شخصيتك إنت.. 
ممكن تتكلم معاهم ومش شرط كل أفراد البيت.. 
اختار حد بتحبه أكتر وهيفهمك ودا الأهم.. 
وقوله إني بمر بفترة صعبة وانتو بتضغطوا عليا وأكيد مش قصدكم بس أنا مش متقبل أي حاجة الفترة دي عشان مرهق شوية.

Potato_63573 🇪🇬 · Answer

وحاول تغير الشغل.. 
لكن ماتاخدش الخطوة دي غير بعد استلامك للشغل الجديد.. 
حاول تكون كويس رجاءً عشان الدنيا مش عاوزة الشخص اللي بيتأثر زيي وزيك.

Potato_63573 🇪🇬 · Answer

بالنسبة لأصحابك.. 
مش هقولك فك البلوكات.. 
هقولك لو راحتك في البعد عنهم 
خليك بعيد.. 
مش دايما اللمة شفاء للألم.. 
ساعات بتبقى هي سبب الألم.. 
أو حتى مشاركة في جزء منه.

وربنا يفرج همك وييسر أمورك.

Coconut_15898 🇴🇲 · Answer

متستسلمش ل تحكمات اهلك انت خلاص كبرت مبقتش زي زمان يتحكموا فيك وزي ما قلت اللي ف سنك عندهم بيت يعني انت كبير كفاية انك تستقل بذاتك سافر او شوف بيت عيش فيه لوحدك و غير الشغل اللي بتشتغله و اتعرف ع ناس جديدة و غير كل ده

Apple_63563 🇪🇬 · Answer

اتمني

Ice Cream_63466 🇪🇬 · Answer

مفيش اهل بيكرهو اولادهم اكيد هما بينصحوك بس ممكن بطريقه شديد ه في الاسلوب حاول تفكر فيهم كده وغير معاهم طريقتك للاحسن  وبالنسبه اصحابك شوف الاحسن فيهم ويكون كويس ويفهمك دور علي اللي بيدعمك ويشجعك انك تكون احسن وافضل اكيد مش كل الناس  زي بعض وفالنهايه انت شخص كويس مش كل المشكله فيك