عايزها ومش عارف أضمن إن هاخدها قبل حد

Question

انا كنت متعرف على بنت قدي في أواخر اولى ثانوي و اتصاحبنا شوية و بعدين حبيتها و حبيتني و ارتطبتنا و لحد اولى جامعة ، ف بعدين اتفقنا اننا مش هنتكلم عشان العلاقة دي حرام بس اتفقنا يعني ان انا ان شاء الله هروح اتقدملها لما اجهز نفسي ف بطلنا كلام و بعد شهر دخلت بعتتلها كل سنة وانتي طيبة ، قالتلي مش هينفع نتكلم عشان مامتها عرفت الموضوع الي بينا و قالتلي انساني و صعب نكمل بس انا لسا عايزها و هي مجابتش اي سيرة عن مشاعرها ناحيتي لسا زي ما هي ولا لأ وانا دلوقتي قدها ف اولى بس انا ف تربية رياضية و رجلي تعبت و هتضطر احول من الكلية ف هأخر كمان سنة من حياتي. ف انا المفروض اعمل اي عشان اضمن ان انا هلحقها و محدش ياخدها قبلي

Olive_71364 🇪🇬 · Accepted Answer

نصيحة مني سيب الأمور زي ما هي من غير تدخل منك ولو هي مكتوبالك فهتكون من نصيبك ومحدش هيقدر يمنعكم من بعض واكيد انت فاهم ومؤمن بكده لأنك وقفت كلام معاها عشان حرام، انت اللي ممكن تعمله دلوقتي لو بتحبها انك تدعيلها وتدعي ان ربنا يجعلك الخير فيها وتكون من نصيبك. فصدقني مش لازم تتدخل خالص سيب الأمور ماشية زي ما هي وربنا هيختارلك الأفضل سواء هي أو غيرها
.. بالمناسبة انا في علاقة زي علاقتك وموقفين كلام🤍

Lemon_71305 🇪🇬 · Answer

لازم تكلم أهلها عرفهم ظروفك ولو اهلك ينفع يساعدوك اعملو خطوبه كدا لحد ما ربنا يسهل الحال ولازم تتأكد منها اصلا أنها لسه عندها مشاعر ليك وعايزاك علشان متبقاش معلق نفسك ب حاجه مش مضمونه واللي فيه الخير يقدمه ربنا وان شاء الله خير يعني

Almond_71252 🇪🇬 · Answer

يارب

Almond_71252 🇪🇬 · Answer

الفكرة ان انا حالياً مش منجز اي حاجة ف حياتي دا غير ان هقول لأهلها انا عرفتها منين دلوقتي وانا مش معاها ف الكلية بردو بس ان شاء الله هحاول اعمل دا قريب لما اظبط ظروفي شوية

Cookies_58332 🇪🇬 · Answer

أنا شايفه لو هي عندها مشاعر من ناحيتك لحد النهارده فهتستناك لحد ما تخلص وظروفك تبقي احسن فسيب الموضوع زي ما هو

Almond_71252 🇪🇬 · Answer

الي خايف منه ان أهلها ميرضوش يستنو عليها كتير لو هي عايزة تستنى

Cookies_58332 🇪🇬 · Answer

اكيد يعني مش هيجبروها لو هي فعلاً رفضت يبقي مفيش حاجه هتم

Olive_71364 🇪🇬 · Answer

متقلقش خير ان شاء الله يا صاحبي🤍