مخنوقة بعد ما سيبته واتخطب من غيري

Question

السلام عليكم ورحمة الله وبركاته 
انا كنت مرتبطة لمدة ٥ سنوات و انا اللى سيبته من سنة عملت بلوك من كل حاجة بس للاسف لما عرفت انه خطب من اكتر من شهر نفسيتي تعبت جدا على الرغم انى عانيت جامد في التجربة دي و مشيت بعد ما عرفت انه شخص مؤذي بس بعد ايه بعد ما بقى عندى ٤٠ سنة كنت فاكره انه هيكون بنى ادم و يرجع و يقول ضيعت عمرها مينفعش اسيبها بقيت دلوقتى على طول مخنوقة و نفسيتي مش كويسه و حاسه بخنقه على طول اعمل ايه

Chilli_55904 🇪🇬 · Accepted Answer

طريقة تفكيرك غلط 
مش المفروض تبقي مستنيه يتصرف كدة ومينفعش تبقي مع حد من باب الشفقة او استخسار لسنين كنتو فيها سوا 
حاولي تتخطيه زي ما تخطاكي 
وكبري دماغك من فكرة سنك ومتخليهوش عقبة قدامك 
واقعدي مع نفسك كدة وافهمي انتي عايزة ايه فعلا مش المجتمع عايز منك ايه او اهلك عايزين ايه

Banana_55575 🇪🇬 · Answer

استعوضي ربنا وشوفي حياتك انتي لسا العمر قدامك 🤍

Avocado_51186 🇧🇭 · Answer

انسيه وانسي اي حاجه تفكرك بيه وفكري في حياتك وصدقيني والله العمر مجرد رقم مش اكتر وان شاء الله تلاقي الشخص المناسب ليكي اللي يعوضك عن اللي فات كله

Jackfruit_55633 🇪🇬 · Answer

فوقي استوعبي اللي حصل ادي التعب حقو والشعور ده وقتوا وهيروح وحطي ف بالك انو الحوار ده عامل زي اعراض الانسحاب بظبط فتره وتحسي بالفرق مش هقولك احسن حاجة علشان مبقاش كداب

Avocado_54882 🇸🇦 · Answer

ارميه ورا ضهرك وبصى اقدام والسن مش مهم المهم انك ماتاديش نفسك وتعيشى حياه سعيده وركزى فى شغللك لو بتشتغلى ولو مابتشتغليش دورى على حاجه اعمليها واثيتى فيها نفسك

Pineapple_55642 🇪🇬 · Answer

مفيش راجل بيقول ده انا ضيعت من عمرها ٥ سنين خالص، لانها هي كمان ضيعت من عمري ٥ سنين، صدقيني الرجاله بيفكروا بطريقه مختلفه، عموما ابداي من جديد وبالتوفيق ليكي وصدقيني رينا حيكرمك وتوصلي للي انت عاوزاه

Cheese_55665 🇪🇬 · Answer

شوفيلك استبن تنسيه بيه

Banana_55616 🇪🇬 · Answer

استبن