انا منهاره ومكتئبه بعد صدمه ثقه وتعلق مرضي

Question

انا حاسه بحاله اكتئاب واني منهاره تماما انا مش عارفه ابدء منين الاول انا اتعرفت علي حد من السوشيال وهو مصري بس برا مصر المهم نزل مصر وقالي عايز نتقابل ف انا قلتله انا معتديش الكلام دا والي عايز يجي يشوفني او يقعد معايا ف يجي لبابا الاول ودا اخر كلامي ف المهم انه وافق وجه يكلم بابا واتفقنا ع سيناريوا يقوله لبابا منطقي علشان لو عرف انه من السوشيال هيحصلي مشاكل المهم جه وبابا نزله وطلع وشه باهت وملمحه متغيره وعرفت انه قاله ان عرفني من السوشيال وبقا يتهمني واسمع بيقول لماما ان التعارف ع السوشيال والكلام بيبقا عن ال**س وشكك فيا وف اخلاقي ودا كسرلي قلبي بشكل بشع انا مرضتش ومقبلتش انزل ويشوفني علشان احافظ على نفسي لكن لقيت من بابا رد فعل تعبني وبابا وقتها بعدها ب اسبوع او اتنين تقريبا جتله جلطه وعمل تلت عمليات ربنا شاهد وقتها  ان انا رنيت  97 مره علي الشخص دا علشان محتاجاه وهو مردش عليا وبعدها بتلت ايام رن يقولي انا عارفه ان باباكي فالمستشفي انا كنت بصيف وبعد اسبوعين جدي اتوفى ولقيته بيرن عليا وبيقولي انتي جتك اتوفى مع ان اقسم بالله انا معرفش ازاي عرف ولقيته بكل برود و وقاحه بيقول جدك مات امتي قلتله الفجر قالي لا جدك مات 7 الصبح اصل خروج الروح بياخد تلت ساعات تخيلو قد ايه هو مريض كان قايلي انه دكتور وطلع مش متعلم كان بيكدب فسنة قايلي 20  وطلع 24 سنة عارفه اني غلط اني اقوله كلم اهلي وانا معرفش حقيقته بس  انا كنت طفله وقتها كنت لسه 16 سنة وبالنسبالي لازم يجي علشان حرام ومكنتش فاهمه انا دماغي علي ايه ولا رايحه فين وقتها انا جالي زي تروما وانعدام امان وتعلق تجنبي غير ان انا بقيت شايفه ان مرض بابا وعملياته دي انا الذنب فيها وتغيره بعد العمليات واكتئابه ورفضه للشغل والمشاكل الي بينه وبين ماما كل حاجه كل حاجه حرفيا حاسه ان انا السبب فيها بقا عندي 20 سنة ومش قادره ابطل الاحساس دا وعلاقاتي بالاشخاص بقت غريبه بقيت بتعلق تعلق مرضي بقيت منهكة نفسيا مش قادره اتعايش ولا ابقا زي الاول حاليا انا فعلاقه مع حد من زمايلي فالدراسه والشخص دا وعدني انه هيتقدم كمان سنتين لما نتخرج وهو خلاني اكلم مامته واخته وهو بيكلم اهلي برضو وللامانه مبشوفش منه حاجه تخليني اقول انه وحش بس مش قادره اديله الثقه حقيقي مش قادره انا بقالي شهر كل يوم بعيط لدرجه اني تعبت دا كله علشان نزل شغل وكلامنا قل ف التروما وانعدام الامان وتفكيري المفرط هلكوني وشغلين فدماغي انا معرفش انا يمكن كلامي مش مترتب بس محتاجه نصيحه منكو  ودعوه حلوه بجد

Chilli_53162 🇺🇸 · Accepted Answer

الزمي الدعاء ده 
اعوذ بكلمات الله التامات التي لا يجاوزهن بار ولا فاجر من شر ما خلق وذرأ وبرأ ومن شر ماينزل من السماء ومن شر ما يعرج فيها ومن شر ما ذرأ في الارض ومن شر ما يخرج منها ومن شر فتن الليل والنهار ومن شر كل طارق إلا طارقا يطرق بخير يا رحمن

Mango_59444 🇺🇸 · Answer

اولا كل الى حصل دا كان مكتوب يحصل يعنى مش انتى السبب فيه وبعدين رب الخير لا يأتى الا بلخير أدى فرصه للشخص الكويس وربنا يقدم الى فيه الخير

Chilli_53162 🇺🇸 · Answer

الزمي الدعاء ده 
اللهم انت ربي لا إله إلا انت 
عليك توكلت وانت رب العرش العظيم
ما شاء الله كان ومالم يشأ لم يكن ولا حول ولا قوة إلا بالله العلي العظيم 
أعلم أن الله على كل شيئ قدير وأن الله قد أحاط بكل شيء علما وأحصى كل شئ عددا 
اللهم إني اعوذ بك من شر نفسي ومن شر كل دابة أنت آخذ بناصيتها إن ربي على صراط مستقيم

Strawberry_29889 🇺🇸 · Answer

بصي بعيدا أن الموضوع غلط من الاول بس خلاص اللي حصل حصل بس المفروض تكوني اتعلمتي من اول علاقه دي اصلا ومتدخليش ف اي حاجه لا صحاب ولا زمايل وغيره وتقطعي علاقتك بزميلك دا لو تعرفي وحافظي على نفسك ونفسيتك واتعلمي من كل موقف تقابليه عشان كدا انتي بتكرري نفس الغلط تقريبا اتمني ربنا ينور بصيرتك ويجبر بخاطرك يارب ♥️