انهيار نفسي

Apple_73772 🇪🇬

منذ 4 أيام

شعور مذنب

موضوع:

اتخدعت ف حد قبل كدة؟

عبّر عن شعورك بشكل مجهول

انا كنت بحب واحده وسابتني بدون اي سبب قعدنا سنه مرتبطين و4 شهور صحاب بس بدون تفاصيل لقيت نفسي بعد م سابتني اني عادي وطبيعي ودي حقيقه اتضح ليا اني مكنتش بحبها ودا كان تعلق بس تصادفني واحده حرفيآ مش هقول خطفط قلبي لا دي خطفط روحي حرفيآ انا مبقتش قادر ابطل اسمع صوتها بحبها بدون اي مقابل وكل ده انا مش عارف بحبها بجنون كده ليه بس سابتني بعد سناتين وقالتلي انها مش مرتاحه ف طبعآ حالتي النفسيه اتبهدلت 3 شهور حرفيآ مبخروجش من الاوضه شربت مخدرات ومش كله تحديدآ شربت حشيش بقيت كل م اشرب افتكرها واشوفها قدامي اشرب اشوفها قدامي ومبعرفش انام ولا عارف اعيش سابتني 6 شهور ولقيتها داخله تطمن عليا لما شوفت رقمها اتجننت ورجعتلي نفس حالتي تاني لا واسواء من الاول بس هي قعدت يومين تكلمني لقيت نفسي في اليومين دول حكيتلها كل حاجه حصلت معايا من ساعة م سابتني  وبدون تفكير لاني كنت ناوي اني هتجوزها ف كنت حرفيآ لو هقوم اشرب كنت بعرفها المهم بعد م حكيتلها كل حاجه لقيتها اتضايقت ف استغربت وبعد كده سألت نفسي سؤال؟  مش هي سابتني عشان مش مرتاحه معايا وفعلآ سألتها لقيتها بتقولي انا اه مش مرتاحه بس من المشاكل اللي كنا فيها ف استغربت اكتر وقفلت معاها ومكلمتهاش كانت بتبعت وانا مردش لأني حسيتها بتكدب ومن ساعتها وانا شايف كل الناس كدابه ومفيش حد ليه امان في الدنيا وهي لسه بتحاول اننا نرجع وانا اللي بهرب منها بس

انا عارف اني اتجننت

Mango_60502 🇪🇬

منذ 4 أيام

شعور قلق

يا جماعه انا معنتش قادر اكمل في مجالي (البرمجه) انا كنت داخل كلية حاسبات بحب المجال جدا وبذاكر كورسات و الدنيا كويسه لحد ما ادوات الذكاء الاصطناعي السنه دي بقت كويسه جدا بتعمل شغل كتير احنا كنا بنعمله و الفرص قلت عن زمان و تسريحات كتير و المستقبل بقي مظلم خالص انا هتجنن يا جماعه انا كنت محتار زمان م

Potato_71552 🇪🇬

منذ أسبوعين

شعور محبط

Kiwi_71514 🇪🇬 بص حاول تنسي ولما بتقدريش تعمل كده حاول تروح لدكتور نفسي الموضوع هيفرق جدا معاك بلص انسي الماضي ونصحي لسه عندك حياه تقدر تعيشها وربنا يوفقك

عرض الكل 15 نصيحة

عبّر عن شعورك بشكل مجهول

هاي ازيكو
انا مش ملاگ بس ف نفس الوقت مش شيطان عرفت بنات كتير واتسليت اكتر وارتبط كتير وكنت دايما انا الخاين والبايع ومكنتش بندم جايز قسوة اهلي عليا هي اللي خلتني انسان اجوف مش عارف بس انا غلط كتير وانا عارف اني كإنسان بشري وضيع لازم اعلق أخطائي ع اي شماعة بس للاسف حبيت كانت بالنسبالي كل اهلي وبنتي وامي وحبيبتي وصاحبتي كانت الروح اللي بتحركني بعد سنة م حبنا وكنت بجهز بيتنا اللي هنتجوز فيه وكنا متفقين شهرين بالظبط وهروح اتقدملها عشان والدها لسه طالع م عمليه كبيره وخطيره ف القلب يوم اتخانقنا خناقه تافهه زي باقي الخناقات اللي بتعدي كنا لسه الصبح لقيتها قافله النت خالص ملهاش اي ظهور ع السوشيال ورنيت عليها لقيتني محطوط ف البلاك ليست طبعا اتحولت م الغضب وانا لما بتجنن بسوق عربيتي وزي ماتيجي تيجي بعد ما خلصت جري بالعربية ومجازفات مطاردات ولعب قولت اركن ف جراچ ما ع البحر بدون ذكر اسمه انزل اجيب ريدبل او قهوة وامشي تاني والجراچ ده معروف ان اي حد مع بنت بيخش يركن فيه يعملو اللي هيعملوه ويظبطو السايس ويمشو المهم ركنت فلفت نظري حاجه 💔 لقيتها ف عربية مع شخص بتعملو اللي اي بنت ركلام مشقوطه م اي نايت ممكن تعملو لشخص ف عربيته ف جراچ ضلمه انا مكنتش متأكد ان هي وقفت تنحت قدام العربيه لقيت الولا اللي معاها بيقولها اتعدلي عشان اتوتر م وقفتي قدامه وهنا اما اتعدلو عشان يظبطو هدومهم اتأكدت انها هي الولا لسه بيفتح الباب عشان ينزلي لقيتها اتعلقت ف ايده ومش عارف قالتله ايه الولا فرك العربية وطار وكان هيخبطني انا م صدمتي مكنتش لا عارف اتحرك ولا انطق حسيت بوجع جامد ميتوصفش ف جنبي بعد كده الوجع طلع لصدري مقدرتش اتنفس وحسيت بصداع واغمي عليا وقعت ف مكاني كل ده حصل ف دقيقه فوقت لقيت الناس ملمومه حواليا هما اللي فوقوني سيبت العربية واقفه مكانها ف الجراچ واديت للسايس فلوس بزياده قولتله هسيبها هنا لحد بكره وركبت تاكسي لحد البيت وروحت وانا حاسس ان روحي بتتسحب مني دخلت الحمام فضلت ارجع وانا بعيط وحاسس بنار بتاكل اعضائي م جوا جسمي ونمت ع نفسي وانا ف الحمام بعيط وم ساعتها وانا مش لاقيني تايه مش عارف اشتغل بقيت بخاف م الناس ونظراتهم ملامح وشي كليا اتغيرت مش قادر اكمل حياتي حاولت كتير انتحر بس فشلت مرتين افوق الاقي نفسي ف المستشفي اهلي طبعا ما سألونيش مالك شتموني وهانوني اني جرجرتهم ورايا ف المستشفيات بقيت كل يومين لازم اعلق محلول انا بالمعني الحرفي اتدمرت جسمي مبقاش قادر يستحمل تعبي النفسي انا بس طمعان ف رحمة ربنا انه ياخدني عنده ويخفف وجعي مش اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_68085 🇪🇬

منذ 3 أسابيع

شعور آسف

انا علي حافة الانهيار انا 38 سنه حياتى ادمرت طلقت وشغلي قفلته وعليا ديون ونفسيتى اتدمرت واهلي بنسبه كبيىره هم السبب ف اللي انا فيه بجد تعبت كفايه بعدى عن ولادى واشتغلت عند الناس بعد ما كنت صاحب شغل بجد نفسي اخلص من حياتى مش قادر استحمل كل ده كتييير قوى

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_60081 🇺🇸

منذ شهرين

شعور مرهق

Mango_59444 🇺🇸 اولا كل الى حصل دا كان مكتوب يحصل يعنى مش انتى السبب فيه وبعدين رب الخير لا يأتى الا بلخير أدى فرصه للشخص الكويس وربنا يقدم الى فيه الخير

عرض الكل 4 نصيحة

عبّر عن شعورك بشكل مجهول

انا حاسه بحاله اكتئاب واني منهاره تماما انا مش عارفه ابدء منين الاول انا اتعرفت علي حد من السوشيال وهو مصري بس برا مصر المهم نزل مصر وقالي عايز نتقابل ف انا قلتله انا معتديش الكلام دا والي عايز يجي يشوفني او يقعد معايا ف يجي لبابا الاول ودا اخر كلامي ف المهم انه وافق وجه يكلم بابا واتفقنا ع سيناريوا يقوله لبابا منطقي علشان لو عرف انه من السوشيال هيحصلي مشاكل المهم جه وبابا نزله وطلع وشه باهت وملمحه متغيره وعرفت انه قاله ان عرفني من السوشيال وبقا يتهمني واسمع بيقول لماما ان التعارف ع السوشيال والكلام بيبقا عن ال**س وشكك فيا وف اخلاقي ودا كسرلي قلبي بشكل بشع انا مرضتش ومقبلتش انزل ويشوفني علشان احافظ على نفسي لكن لقيت من بابا رد فعل تعبني وبابا وقتها بعدها ب اسبوع او اتنين تقريبا جتله جلطه وعمل تلت عمليات ربنا شاهد وقتها  ان انا رنيت  97 مره علي الشخص دا علشان محتاجاه وهو مردش عليا وبعدها بتلت ايام رن يقولي انا عارفه ان باباكي فالمستشفي انا كنت بصيف وبعد اسبوعين جدي اتوفى ولقيته بيرن عليا وبيقولي انتي جتك اتوفى مع ان اقسم بالله انا معرفش ازاي عرف ولقيته بكل برود و وقاحه بيقول جدك مات امتي قلتله الفجر قالي لا جدك مات 7 الصبح اصل خروج الروح بياخد تلت ساعات تخيلو قد ايه هو مريض كان قايلي انه دكتور وطلع مش متعلم كان بيكدب فسنة قايلي 20  وطلع 24 سنة عارفه اني غلط اني اقوله كلم اهلي وانا معرفش حقيقته بس  انا كنت طفله وقتها كنت لسه 16 سنة وبالنسبالي لازم يجي علشان حرام ومكنتش فاهمه انا دماغي علي ايه ولا رايحه فين وقتها انا جالي زي تروما وانعدام امان وتعلق تجنبي غير ان انا بقيت شايفه ان مرض بابا وعملياته دي انا الذنب فيها وتغيره بعد العمليات واكتئابه ورفضه للشغل والمشاكل الي بينه وبين ماما كل حاجه كل حاجه حرفيا حاسه ان انا السبب فيها بقا عندي 20 سنة ومش قادره ابطل الاحساس دا وعلاقاتي بالاشخاص بقت غريبه بقيت بتعلق تعلق مرضي بقيت منهكة نفسيا مش قادره اتعايش ولا ابقا زي الاول حاليا انا فعلاقه مع حد من زمايلي فالدراسه والشخص دا وعدني انه هيتقدم كمان سنتين لما نتخرج وهو خلاني اكلم مامته واخته وهو بيكلم اهلي برضو وللامانه مبشوفش منه حاجه تخليني اقول انه وحش بس مش قادره اديله الثقه حقيقي مش قادره انا بقالي شهر كل يوم بعيط لدرجه اني تعبت دا كله علشان نزل شغل وكلامنا قل ف التروما وانعدام الامان وتفكيري المفرط هلكوني وشغلين فدماغي انا معرفش انا يمكن كلامي مش مترتب بس محتاجه نصيحه منكو  ودعوه حلوه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_55065 🇸🇦

منذ شهرين

شعور مرهق

بكل صراحة تشخصت باضطراب الشخصية الحديه والاكتئاب المبتسم وكلمت اقرب صديقة لي ع هالموضوع لكن قالت اني احط بنفسي مرض ع الرغم من انو وريتها الحبوب وشافت جلساتي وكلشي وفوقها تركتني بعدها.. اهلي قطعوا علاجي وجلساتي مصدقين انو الدكاتره يحطون فيني المرض. موضوع التعايش مع اضطراب زي كذا جدًا صعب انا ماعرف م

Avocado_49351 🇪🇬

منذ 8 أشهر

شعور مكسور القلب

أعترف إن وأنا على حافة الانهيار النفسي، مش بحتاج نصايح ولا عتاب، حتى لو النوايا طيبة. في اللحظات دي، كل اللي بحتاجه فعلاً هو الاحتواء، إن حد يحسسني إنه فاهمني وواقف جنبي من غير ما يحاول يصلح كل حاجة. بس وجود صادق يخفف عني الحمل اللي شايله. بحتاج حد يسمعني بجد، يخليني أحس بالأمان وأنا بفضفض من غير ما

Marshmallow_44417 🇪🇬

منذ 9 أشهر

شعور مكسور القلب

أنا بفكر وبركز في حياة الناس كتير لدرجة إني مش عارفة أعيش حياتي وبتخيل نفسي مكانهم ودة بيصعب عليه الحياة وبيوظها في نفس الوقت يعني دلوقتي سمعت علي وفاة محمد جيكا وهو قدي وقاعدة منهارة واكتءبت وتخيلت نفسي لو أنا اللي مت غفلة وموتة صعبة زي دي مع العلم إني معرفهوش خالص شفت فيديو اخوه بس أنا دايما كدة ب

Broccoli_34395 🇪🇬

منذ 9 أشهر

شعور متعب

بقالي فتره كبيره بدعي علي اللي في البيت و اقول يا رب خدهم كلهم انهارده قبل بكره و أنه ياخدهم في لحظه واحده المشكله اني مش عارف السبب اه هما مسببين مشاكل كبيره ليا بس مش للدرجه وصلت معايا لدرجه اني قاعد علي طول بتخيل سيناريوهات و انا لوحدي و مره حد فيهم مات و المشكله اني ببقي جوه الحدث و عايش جواه

Chocolate_42611 🇪🇬

منذ 9 أشهر

شعور غبي

موضوع:

تجربتك مع الطبيب النفسي

شيفاهم شوي. نصابين روحت لدكتوره فى لحظه انهيار منى ودفعت دشف مستعجل وانا مجمعه فلوسها بطلوع الروح متعشمه ان فيها امل دخلت قالتلى اتكلم بسرعه معايا ١٠ دقايق قولتلها فى حاجات كتير تعبانى قالتلى مفيش وقت قولى الحاجه الى جبتك قولتلها احساس انى منبوذه ومليش صحاب قالتلى ممكن هما الى وحشين وكتبتلى مهدئات و

Coffee_27700 🇪🇬 10 دقايق 👀 انا الجلسة بتكون ساعة وفيه دكاترة ٤٥ دقيقه وفيه نص ساعة. الفكرة إن الناس تختار دكتور صح شاطر مش مادي وخلاص. انا آسف ليكي على تجربتك. وبتمنالك التعافي وراحة البال 🙏🏻

عرض الكل 14 نصيحة

Blueberry_31287 🇪🇬

منذ 9 أشهر

شعور متعب

انا مخطوبه ولما خطيبي دا جالي جدو وتيتا مكنوش موافقين وشايفين انه مش مناسب وكدا المهم وافقنا وتمت الخطوبه وتمام هو كان عارف انهم رافضين وبعد الخطوبه بدأ يبعدني عنهم وهو عارف ان روحي فيهم وهما ال مربيني اصلا جدتي تعبت دلوقتي دخلت العناية ادعولها بالشفاء كلمته بشكيله وقد اي زعلانه وكدا لقيته بيقولي لو

Ice Cream_20764 🇪🇬 تيتا وجدو كان عندهم حق، سيبيه عشان اللي ميزعلش علي زعلك يبقي ميستاهلكيش بإذن الله تيتا هتقوم بالسلامه ربنا يشفيها ويشيل عنها يارب

عرض الكل 5 نصيحة

Apple_19291 🇪🇬

منذ سنة واحدة

شعور مهتم

وصلت نفسي بنفسى للانهيار نفسيا و عياط هستيرى لمدة شهر كل يوم عشان حاجه هايفه بالنسبه للى زيي و وخداها على قلبى اوى و انا شبه داخله فاكتئاب و بكتب ده و انا بعيط برضو مش عارفه ايه النفسيه القرف دي بسبب شوية مدرسين مخافوش من ربنا و اتقو ربنا فشغلهم و حسبى الله ونعم الوكيل و عارفه ان محدش هيعبرنى هنا بس

Apple_72583 🇪🇬

مشكلتي إني بأسامح الناس بسرعة وبعتذر وانا مش غلطان

أنا م عارفه اعمل اي عندي مشكله ف شخصيتي ف ناس قريبه مني تعرفها وف ناس لا هي مشكله كبيره جدا بحسها لاني لو حد عرفها ممكن يجي عليا جامد او يستغل الحته دي عندي المشكله هي اني عندي قدره اني اسامح الناس بسرعه جدا وبطريقه غريبه اوى ومهما عملوا ممكن اضايق واتعصب لكن بعديها بشويه بحس حاجه بتزقني كدا عشان اكلمهم واصالحهم حتي لو هم غلطانين ف حقي ودي الكارثه اني بمكس نفسي بالعافيه انا م قاسيه عندي حنيه الدنيا كلها فقلبي انا معرفش لي انا كدا معرفش والله انا حابه كدا وكاره كدا ف نفس الوقت لاني بحاول اخلي الناس تحترمني ومحدش يقلل مني او يجي عليا لاني انا بحاول اتغيىر عن زمان لاني زمان كنت حرفيا شخصيه غريبه جدا ولا بعرف ازعل لوقت طويل ولا بعرف احط حدود لحد ف انه يزعلني او كذا انا نفسي اعرف ازاى اتماسك واقسي قلبي شويه وابطل الحنيه اللي بتدفعني اني اكلم الشخص او اعتذرله واطلع نفسي غلطانه رغم اني م غلطانه عشان قال اي بخاف ع مشاعره انا بحس كدا بجد كرهتني 💔 ...عرض المزيد

1 الدعم

8 نصيحة

Strawberry_71387 🇪🇬

تعبت نفسيًا من صدمة التحرش اللي مريت بيها

السلام عليكم ورحمه الله وبركاته حابه اقول مشكلتى يمكن ارتاح او حد يقدر يفيدنى بنصيحه ،انا دلوقت بنت 19سنه وانا طفله شوفت بعينى حالة إغت*صاب ولما الشخص دا شافنى كان معاه ل سكينه ل مطوه مش فاكره كنت بحاول اهرب ووقعت وعورنى ف رجلي بجد انا واقتها مش هقلوكو حالتى كانت عامله ازاى مكنتش عارفه تكلم ٣ ايام ،محكتش لحد طبعا زدا انا ندمانه عليه انى محكتش جيت لما كبرت شويه كنت ف ٤ او ٥ ابتدائى اتعرضت ل حاله تحرش ان ابق ف مكان وواحده يحاول يعتدى عليا انا افتكرت الموقف الى شفته وحرفيا جسمى اتخشب من الصدمه والشخص دا كان هيتطاول ويبوس*نى بس الحمدالله مرا واحده بعد عنى ، ف اولى ثانوى نفس الكلام اتعرضت لحاله تحرش واحد جه قعد جنبى انا اتصدمت لما لاقيته بيمدح فيا وانا ببعد وهوا يقرب انا بجد حاله الصدمه بتجيلى ومش بقدر اتكلم ولا ااعمل اى رد فعل وقبل ما يحط ايدو عليا فوقت وزعقتله ونزلت علطول ولما نزلت اغمى عليا ،انا تعبت نفسيا من الى حصلى وكل مافتكر الى مريت بيه بتعب اكتر بقيت اشمئز من اى ولد او لو مثلا ف موصلات حتا لو واحد كبير قد جدى قعد جنبى بقعد اعيط ودماغى بترسم سيناريوهات انا تعبت بجد ممكن حد يفيدنى او يهون عليا انا بجد يشهد ربنا لبسى كويس جدا واسع مش ببين شعرى حتا ولا بحط ميكب ولا كريم حتا ...عرض المزيد

2 الدعم

2 نصيحة

Corn_74795 🇪🇬

حياتي اتخربت في ليلة.. واتخدعت من صحابي

انا اول مره ف حياتي اقع ف موقف زاي دا و خلاني فعلا معرفتش افكر كنت مفكر ان كل حاجه سهله و مفيش حاجه صعبه عليا تخليني اكتأب و احسن ان حياتي ادمرت ف يوم و ليله ممكن حياتك كلها تتغير و تتلغبط و متبقاش عارف تعمل اي كل دا ف لحظه من عمرك و ف اللحظه تبينلك مين الجمبك و مين العامل نفسو جمبك و البيقول انو بيحبك بجد محدش هيحس ب الانا بقولو دا غير الكان ف قاعده و القاعدة كلها كدابه... أنا متعود ان انزل اقعد مع صحابي ع القهوه كل يوم و نهزر و نضحك و الدنيا جميله و مفيش اي حاجة كررت ف يوم ان اخد عربيه ابويا و انزل بيها مع صحابي ساعه ولا حاجه و ارجعها و نسيت البس النضاره أنا نظري ضعيف حبتين المهم خدت العربية و نزلت لفيت بيها و ماشي براحه خالص لحد مقالو عايزن نشتري حاجه من السوبر ماركت أنا ببص معاهم آنهي واحد ولا فين لقيت نفسي عملت حدثه ف عربيه مركونه أنا معرفش مشوفتهاش آزاي ولا اي الحصل أنا لقيت مره واحده لبست فيها و العربيه مركونه بطريقه وحشه آوي يعني أصلا 60 ف الميه هو غلطان و ف نفس الوقت انا كنت المفروض اركز و أخد بالي كويس من الطريق المهم عملت الحدثه وكان معايا 2 صحابي واحد قالي اجري متقفش و التاني قالي اقف كدا كدا هما عارفنا أنا طبعا من التوتر و الخوف جريت و هديت بعيد شويه و وقفت ابص ع العربيه اتخضيت لقيت العربيه متبهدله حرفيا من قدام و ابويا مامني عليها و كنت خايف اقولو و للعلم مش خايف منو انا خايف عليه اوي ان يحصلو حاجه و مرعوب عليه ف انا طبيعي مش هقولو و بدات افكر هعمل اللي ولا انيل اي لقيت الناس بيتصلو ع صاحبي بيقولو تعالو احسن عشان الراجل صاحب العربيه مكبر الموضوع و عايز يحبسني انا طبعا اتخضيت أول مره اتحط ف حاجات زاي كدا ف ركنت العربيه و روحت للراجل طبعا صاحبي التاني القالي اجري دا قالي سبني انا هكلم قولت ماشي و انا ف نفس الوقت مش قادر اكلم حرفيا حاسس بوجع ف قلبي جامد و مش عارف أعمل اي حرفيا ساكت بس ف لقيت الراجل بيقول العربيه هتكلف 3500 و انا بنزبالي دا رقم انا مش شغال ف صاحبي قالو خليهم 3000 طبعا حتي لو كان قالو 500 انا مكنتش عارف اتصرف و فنفس الوقت مش عايز اعرف ابويا صاحبي التاني قال متقول ل ابوك و ريح دماغك قلت لا و بتاع و قعدت اعيط لحد مقالي التاني بيع فونك و صلح الاتنين عربيتك و عربيته عشان ابوك ميعرفش و نسكت الراجل التاني طبعا انا مش عايز ابيع الفون الفون دا غالي عليا و مش هعرف اجيب زايو تاني خدت الفون و سالت عند كزا حد قالي مش بشتري الفون دا و بتاع روحت خدت العربيه و نزلت وادي الملوك ع اساس ان الاقي حد يشتريه و كدا و انا مش عايز اعمل كدا بس مجبر و كنت مبطل السجاير بقالي 3 شهور و رجعتلها ف اليوم دا المهم سبت عربيتي تتصلح لحد مبيع الفون و كنت خلاص ف موقف اجباري لحد مظهر واحد صاحبنا تآني قال انا هشتريه و انا عارف ان هو عينه منو من زمان المهم قعدت اقول لا و بتاع و اتحايل ع دا يشوفلي حد بيسلف و دا يديني فلوس و انا عارف ان معاه بس هعمل اي بقا المهم الواد خدت منو الفلوس و بدل معايا الفون عشان معهوش المبلغ كلو اداني 5000 و اداني فونو و خد فوني كنت هبوس ايدو كدا يسلفهملي لا استغل الانا فيه و خد مني حاجه هو عارف ان دا كل حاجه يعتبر معايا و الفون عجبني و اتفقت ان و هو ان هيرجعه تاني لما الفلوس تحضر و هو مش عايز يقولي يعم انا اشتريت مش هرجع للفون دا اتخدعت ف اكتر واقت كنت المفروض الاقيهم جمبي بس جم عليا ف الوقت دا و من ساعتها حلتي صفر و مش طايق نفسي و مش عارف اعمل اي ...عرض المزيد

3 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع