انا انسان فاشل بجميع المقاييس كل حاجه حاولت فيها فشلت فيها حتى لو نجحت فيها لفترة زمنية صغيرة لكن انتهت بالفشل دايما اشوف الحاجات الحلوه لكن مش قادر اطولها و لو طولت حاجه بخسرها بشكل مؤلم بيخليني اندم اني حتى شوفت او عيشت الحاجه الحلوه دي ساعات بقول هو ربنا خلقني نازل من بطن امي عليا ذنب مانع عني اي فرحه !! ليه طول السنين دي قاعد بفشل و بتفرج على الحياة بس لكن مش بعيشها عمري ما دخلت ف علاقه عاطفيه حقيقيه عمري ما عرفت بنت و بقا بينا الاحاسيس اللي الناس بتحكي عنها و الذكريات الحلوه اللي بيعيشوها عمري ما روحت دهب عمري ما حد عملي عيد ميلاد عمري ما حد جابلي هدية عمري ما حسيت ان ليا صحاب بيسألوا عليا و بشوفهم عمري ما حسيت ان اهلي بيحبوني عندي امراض نفسية مش عارف اعالجها علشان انا فقير عمري ما حضرت حفله لمغني عمري ما حضرت ماتش كورة عمري ما حسيت ان في حد محتاجني ف حاجه

3

2