هي الناس فقدت الاحساس ولا انا بتكلم غلط امبارح خرجت مع صحاب اهلى و شوفت بنت صغيره عندها حوالي سبع سني و كانت بنت صاحبت ماما و في الحقيقه انا اول مره كنت اشوفهم بس عرفت ان البنت دي بتمر بظروف صعبه و ان البنت دي بتتعالج في مستشفى 57357 و الظاهر ان حالتها متاخره لان عندها من وهي سنتين و البنت وقفت الكيماوي و دلوقتي هي عايشه على المسكنات و سيباها على الله و الدكاتره كلامهم صعب يعني بيقولوا لاهلها سنه ولا اتنين وخلاص المهم ان البنت اللي بتحكي قصتها و احنا قاعدين لاحظت ان معظم اللي بيسمع بيحاول يهرب وان محدش قادر يستحمل يسمع الكلام دا لانه كان فعلا صعب اوي و ان احنا بقينا بنهرب من كل حاجه في حياتنا بتوجعنا او بتخوفنا علشان بس نعيش و ضميرنا مرتاح لدرجه اننا بقينا بنهرب من مسؤليتنا علشان نرتاح انا البنت دى بجد وجعت قلبي ولحد دلوقتي انا من اول ما شوفتها حبيتها وهي كمان فضلت تحضن و تبوس فيا لانها بجد جميله انا بطلب منكم كذا حاجه اول حاجه انكم تدعولها كتير في كل لحظه وفي كل صلاه و تدعوا لولدتها ان ربنا يصبرها و يفرحها لانها بجد شكلها يوجع القلب وتاني حاجه متهربوش و واجهوا لان الهروب اوحش بكتير من الضعف على الاقل الضعيف بيحاول اما الجبان هو اللي بيهرب

8

3