مضغوط وقلقان من المستقبل ومش عارف أسيبه إزاي

Coffee_77026 🇪🇬

منذ ساعة واحدة

شعور قلق

انك تكون مضغوط جدا وفى نفس الوقت مطالب بحاجات تانيه اصلا قلقاك جدا زى مثلا كشوفات دكاترة لحاجات مش سهله ابدا ومستقبل انت مش عارف عنه حاجه ده غير أن شغلك فى وقت صعب جدا ومضغوط فيه وشاغلك لدرجه انك تأجل حياتك وصحتك وكل الأفكار دى دائرة فى دماغك ومش عارف هو اسوء سيناريو ممكن يحصل فى حياتك مع الحاجات دى كلها ايه طب هى ايه النهايه وشكلها ايه وانت اساسا عارف ان حظك دائما مش احسن حاجه متخيلين كميه القلق والخوف والرعب مش كل حاجه فى حياتنا بنقدر نسيطر عليها فى حاجات بتحصلنا منقدرش نعمل اي حاجه غير أننا ننتظر بس اراده ربنا ونشوف هو رايدلنا بايه بس طبعا ده مش سهل ولا فى حاجه تطمن القلب

مش واثقة في نفسي ولا في البشر وخايفة من الأذية

مكانش نفسي آجي هنا تاني، بس مش لاقية أماكن تانية، في عز انبساطي بحاجز يمكن كسرت جزء منه النهارده، على قد ما أنا تايهة جدًا، مش واثقة في الحاضر وخايفة من المستقبل، وده مرضي مش طبيعي. معنديش ثقة في البشر، مش قاد،ة أدي لحد الثقة بسهولة، بيصعب عليا ناس بحبها وبحترمها حاسين من ناحيتي بعدم ثقة، الموضوع مش بس أزمة بالنسبة لهم، لا هو أزمة بالنسبة لي أنا كمان، وفعلًا خايفة من كل البشر، متوقعة الأذية من أي حد مهما كان (مهما كان حرفيًا). مش شايفة نفسي كويسة في أي حاجه، رغم إن إلي حواليا بيقولوا عكس كده، وبستغرب حقيقي، مش شايفة نفسي حد كويس في العموم. طول الوقت بدور على الاهتمام والحب المبالغ فيه، إلي لو اتسحب مني هضيع ومش هقدر، بخاف أفقد الناس إلي بتحسسني بمشاعر كويسة، إني أستحق، إني أقدر، إني حد كويس بأي شكل. بخاف وخلاص، حقيقي بخاف وبس، والكلام ده قليل جدًا على إلي بحس بيه كل يوم وكل دقيقة حتى في أسعد لحظاتي. وبمناسبة موضوع الثقة، فأنا حتى مش بثق في نفسي. ...عرض المزيد

0 الدعم

13 نصيحة

حياتي بقت روتينية وقلبي مقبوض مش عارف أخرتها إيه

انا شاب 27 سنه متجوز وربنا رزقني ببنوته الحمد لله بشتغل فوظيفه الحمد لله كويسه وربنا مدينى نعم كتيره الحمد لله بس مش مبسوط من اى حاجه فحياتى حتى مع مراتى وفبيتى على طول قاعد لوحدى حياتى بقت روتنيه جدا ومريض بالتفكير الزائد فكر حاجه على طول قلبى مقبوض ومش مرتاح بقيت بكسل عن كل حاجه مبعملش حاجه فحياتى غير أنى اروح الشغل بس ممكن من وقت للتانى انزل لوحدى اقعد فعربيه فاى مكان هادى بالساعات ومبقتش عارف اخرتها اى ...عرض المزيد

3 الدعم

26 نصيحة

زهقت من خوفي ومن قلبي اللي بيوجعني

زهقت من احساسي بالخوف من كل حاجه زهقت من ان قلبي يوجعني كل ما ابدأ تجربه جديده او حاجه هحتاج اتصرف فيها لوحدي تعبت من تفكيري ف كل حاجه و كل التفاصيل و كل احتمال و الي حصل و الي هيحصل زهقت من خوفي من اني ممكن اغلط و مش بخاف بس لا انا بترعب من احتمال اني اغلط ف حاجه و ان حد يشوف غلطي و ان الناس تعرف عيوبي عايزه اتطمن انا بقالي كتير اوي خايفه كل يوم بفكر ف فكره سلبيه جديده و بقعد طول اليوم خايفه بسبب الافكار دي و ببقا عايزه اهرب و ساعات بهرب من المواجهه و بحس اني فشلت لاني هربت و مواجهتش نفسي اتقبل اني ساعات بغلط زي كل الناس و انه عادي لو مبقتش كل حاجه مثاليه لان كده كده مفيش حاجه مثاليه.. انا تعبت من الخوف ...عرض المزيد

5 الدعم

10 نصيحة