الزوجة مش بديل لحنية الأهل.. أنا تعبت من التفكير

Question

هو بجد الزوجة او الحياة الزوجية مش بتعالج شخص من حاجات كتير كان نفسو ياخدها من اهله اهمهم الحنية ولا لا انا عارف ان الجواز مسؤولية وانا قد اي مسؤولية ياريت حد يفيدني عشان انا تعبت من كتر التفكير 💔

Peanut_63801 🇪🇬 · Accepted Answer

لو كان الجواج مع الشخص الصح فأاه هتعالج حاجات كتيرة
هتلاقيها بتسمعك و بتهتم بيك و تهزر معاك و انت مش هتحتاج تكون كامل قدامها لانها هتشوفك كده

... طبعا من الافضل تحاول تعالج نفسك عشان ده بيخليك تتطور على النحو الشخصي و النفسي أسرع

Strawberry_63058 🇪🇬 · Answer

للاسف الجواز مش هو الحل لازم تعالجي الحاجات دي مع نفسك و متوقعش اللي قدامنا يتصرف تبع توقعتنا

Watermelon_58570 🇪🇬 · Answer

انا ولد + انا شايف ان الزوجة بتعوض عن اي حاجه معنوية ناقصه ده لو انا ان شاءلله تكون مختار صح ولا ايه 😔

Coffee_62965 🇪🇬 · Answer

كلام مع مختص أسري أحسن

Pistachio_63891 🇪🇬 · Answer

لو حد سوى هيديكى كل اللى اتحرمتى منه لو مش سوى هيعرف نقطه ضعفك و يدوس عليها

Orange_63783 🇪🇬 · Answer

لو شريك حياتنا مش هيعوضنا عن كل حاجه معنوية اتحرمنا منها يبقى ايه لازمته؟ كده وجوده زي عدمه، حتى لو احنا المفروض نعالج ده بنفسنا ونحب نفسنا ونعوضها عن كل حاجه اتحرمت منها لكن الزوج/الزوجة المفروض لو علاقة سوية ف برضو يعوضوا بعض لان ده اكيد احساسه مختلف

Mango_63911 🇪🇬 · Answer

مش شرط على حسب انت هتعرف تبني بيت و أسرة سعيدة و لا لأ اللي داخل الزواج ب نية الهروب او ب نية إنه يعوض اللي ناقصه مش هيعرف يتأقلم مع صعوبات الزواج والمسؤولية اللي هتواجهه ف الأول لكن لو انت سعيت انك تبني حياة صح أضمنلك إن أكيد هتعوض اللي ناقصك