الخجل بيمنعني أعيش حياتي زي ما عايزة

Question

أنا بنت وفي حاجة بتضايقني جدًا
 بحس إن خجلي بيمنعني أعيش حياتي زي ما عايزة مش بعرف أتكلم أو أعبر عن نفسي، سواء في المدرسة أو مع أهلي،

وبخاف دايمًا من رد فعل الناس أو إن كلامي ما يعجبش حد.

الخجل ده خلاني أضيع فرص كتير، زي تكوين صداقات أو المشاركة في أنشطة. برجع دايمًا زعلانة من نفسي إني ما قدرتش أواجه المواقف. نفسي أتغير وأبقى واثقة في نفسي، لكن مش عارفة أبدأ منين.

Coffee_28231 🇪🇬 · Accepted Answer

الخجل مش عيب، بس لو بيمنعك عيشي حياتك، ابدأي بخطوات صغيرة زي الكلام مع حد جديد كل يوم. ركزي على نقاط قوتك، تخيلي أسوأ حاجة ممكن تحصل، واتعلمي مهارات التعبير بثقة.

Potato_32608 🇯🇴 · Answer

بودي انصحك بس مشكلتي زيك🥲

Cherry_35286 🇪🇬 · Answer

بصى أنا كنت كدة و حاولت شوية لحد ما ظبطت النقطة دى عندى بنسبة 60% ب انى بقيت بحاول اشارك و ادخل فى اى حاجة فيها ناس فى الاول بتبقى صعبة جدا و تقيلة عليكى و بتبقى حاسة انك عايزة الارض تنشق و تبلعك بس بعدين و مرة على مرة الدنيا بتبقى كويسة شوية بس بتفضلى متوترة جامد 
ده غير أن اى بنت بلاقى بينا اى حاجة مشتركة يعنى مثلا بتقرأ نوعية الكتب اللى بحبها أو بتحب هواية عندى مثلا و البنت كويسة بتعرف عليها و

Cherry_35286 🇪🇬 · Answer

يكلمها فى الاول برضوا بتبقى صعبة بس بعدين بتبقى عادة فيكى 
و اسمعى فديوهات كتير على اليوتيوب عن الثقة في النفس و متقوليش ملهوش علاقة لأ ليه حتى لو انت عندك ثقة في نفسك عادى و كمان اسمعى فديوهات عن فن الإلقاء على اليوتيوب برضوا هتفيدك شوية

Biscuit_50227 🇪🇬 · Answer

اطلعي برا الcomfart zone واجبري نفسك تعملي حاجة بتخافي منها زي انك تتكلمي قدام ناس لسة عرفاهم، حطي في دماغك أن الناس شايفة اللي ظاهر ليهم بس مش اللي انتي حاسة بيه يعني لو متوترة ومرعوبة من جواكي وخفيتي احساسك دا واتكلمتي بثقة *حتي لو مصطنعه* هما هيشوفوا دا ومش هيشوفوا توترك يعني مهما كنتي متوترة مثلي انك واثقة من نفسك  وواحدة واحدة هتصدقي الفكرة دي وهتلاقي أن الموضوع سهل وعندك ثقة في نفسك

Biscuit_50227 🇪🇬 · Answer

وحطي في دماغك أن الناس ربنا خلقها زيك زيهم مش اكتر منك ف حاجة علشان تخافي تتكلمي قدامهم ولو غلطتي مثلا وانتي بتتكلمي محدش هيفضل فاكر الموقف زي منتي متخيلة واقتنعي أنه عادي الكل بيغلط بس في اللي بيشوف الغلط دا بنظرة مصغرة ومش بيكبر الموضوع في دماغه ويحسس نفسه أنه اتحرج جامد ، دماغنا بتكبر المواضيع جدا وهي في الحقيقة مش كده وأبسط من كدا بكتير الدنيا مش هتوقف ع موقف اتحرجت فيه ومعرفتش اتكلم

Potato_51032 🇪🇬 · Answer

كلميني