لا إراديا بلاقي نفسي بتعطل اوقات لما بقلب ف شات قديم أو عيني تيجي بالصدفة على الميموريز واشوف صورة أو منشن في بوست بيشاركني فيه ناس كانو غاليين عليا والنهاردة كل واحد بقا ف حتة وحرفيا مانعرفوش حاجة عن بعض فيه ال ظروفهم بعدهم فيه ال دماغهم بعدهم فيه ال ظنونهم بعدتهم فيه اللي كان دورهم إن يجرحوا ويمشوا وفيه اللي انا بعدتهم عشان لو كملت هستهلك ال باقي مني الأسباب كتير بس عامل مشترك في كل اللي مشيوا ان انا كنت فاكرة إن عقارب الساعة هتقف بعدهم والأيام اللي كنت متأكدة إن مش هيطلع عليها نهار طلع عادي الحياة اللي كنت فاكراها هتفضل محلك سر كملت عادي وانا كملت مهما كان حجم الوجع اللحظي أو مدته بس الحياة بتمشي كل يوم فيها جديد ومش بتقف على حد ولا على حاجة زي ما صاحبت وحبيت امبارح هتعمل المثل بكره برضو

5

2