فراق

Avocado_67995 🇪🇬

منذ 3 ساعات

شعور وحيد

دلوقتي انا تايهه جدا مش عارفه اعمل اي مخطوبه لشخص اصغر مني ب سنتين بيعشقني بس اهله تقريبا مش بيحبوني وبقالنا 3 سنين مخطوبين وبباها عاوزنا نقعد سنتين تاني خطوبه عشان يكون كون نفسه وبنالو البيت وا وا بأمانه هو كوويس جدا وبيعشقني بس نا تعبت من مشامل اهلي ومشاكلي مع اهلو ومضغووطه خايفه افركش ملاقيش حد

Croissant_65335 🇪🇬 في رأيي بما ان الشاب كويس وشاريكي فعلاً ومعاملته معاكي كويسه وشايفه فيه الزوج الصالح والانسان اللي فعلاً تقدري تعيشي معاه حياه كريمه يبقا ترمي مشاكل اهلك واهله لحد ما يتم الفرح والجواز وتعيشوا مع بعض وتفككم من حوارات الأهل، والله ياجماعه الآهل مش دايماً كويسين وخايفين على مصلحتك والكلام والهري الكتير دا أحيانا في أهل بيكونوا تعب وقرف لأولادهم، ربنا يهديهم ويتم ايامكم على خير وتمملكم على خير.

عرض الكل 5 نصيحة

Mango_67724 🇪🇬

منذ 8 ساعات

شعور مكسور القلب

موضوع:

حاجة مش مسامح نفسك عليها ؟

مش مسامحة نفسي على شخص دخل حياتى وعلقنى بيه بكل الطرق واستنزف طاقتى كلها ومسابش طريق يوصل بيها ليا غير وعملها ومن غبائى صدقته ووثقت فيه كتير واقسي درس جالى منه وساب فجأة بعد حب شديد وادينا بقالنا كام شهر ولا اكنه يعرفنى بالرغم من كل القسم والحلفان انه مشافش الفرحة والراحة غير معايا بس كله كذب

Strawberry_65724 🇪🇬

منذ 9 ساعات

شعور متعب

احساس انى كان فيه حد في حياتك و فجأة مبقاش موجود حتى لو مكنش ينفع تكملوا أو العيوب لا تحتمل شعور صعب جدا و حقيقي سايب فراغ كبير أنا بصحى من النوم اعيط من الم الفراق كون انك اتعودت أن فيه حد شايفك ف الاول يعني اول اهتماماته و بيكلمك يطمن عليك يشاركك يومك و حياتك و تحميله مشاكلك تحس أنه فارشلك الأرض و

Chocolate_65012 🇪🇬 انا كل مفكر نفس التفكير دا افتكر اني مغملتش حاجه وحشه ولا قصرت فحاجه فابدا اتخطي الموقف لكن هي ايام لازم تعدي لحد م الجرح دا يتقفل شويه ونتعايش معاه ربنا يعينك ويعينا

عرض الكل 7 نصيحة

Apple_67876 🇪🇬

منذ 13 ساعة

شعور محبط

Pear_65018 🇪🇬 اسمعني يا قلبي . انت يسطا قدامك حل واحد و انا عارف انك من جواك هتحاول انك تتهرب منو بس صدقني انو هو دا الحل الوحيد . دام انو في عدم راحة في طرف من الطرفين و ملهوش حل فصدقني لازم تقرر انك تبعد . و بلاش من حتة انكو تكونو صحاب عشان دي صعبه و مستحيلة حتي لو في الوقت الحالي . انت لازم تديلها بلوك او تغير حسابك يعني لازم تبعد عنها لازم انت هتعيش حياتك و اشغل نفسك بشغلك و اسعي تحقق حلمك و تقرب من الله

عرض الكل 8 نصيحة

عبّر عن شعورك بشكل مجهول

معرفش مشكلتي فين 
انا كنت مرتبط ببنت من حوالي سنة و نص تقريبا
كات علاقتنا كويسة فالاول فضلنا صحاب فترة مش كبيرة
ارتبطنا لمدة سنة تقريباً و شهر
في خلال السنة دي عدينا بمشاكل كتير يعني كنا كل يوم بنعدي بمشكلة و بنخلصها مع بعض لحد ما وصلنا احنا الاتنين ان كدة خلاص
انا مبقتش قادر على كدة
هي معملتش حاجة،مكانتش بتحاول تأذيني 
بس مع ذلك حسيت اني برضو مش مبيوط وانا معاها
كانت مع المشاكل بتبعد عني
بتحاول تختفي
لحد ما في مرة لقيتها باعتة لصاحبتها تشوف لو الماسدجات بتوصل ولا لا
و بتحكيلها على مشاكلنا
دي كانت اول مرة احس ان حاجة فيا اتكسرت معاها
مبقتش عارف ارجع طبيعي ولا عارف اخليها بعيدة مكنتش فاهم حاجة
الحاجات اللي امبحبهاش اني بقيت راجل مكسور قدامها
بقيت بتذل عشان اصالحها
و مع ذلك مبقتش بتشوف حاجة من اللي بعمله
كل حاجة بالنسبالها مبتعديش
مفيش حاجة بتتحل
كانت بداية النهاية بالنسبالي لما كنا مع بعض في يوم برة 
قاعدين و حصل مشكلة 
في واحد فالشارع حاول يضايقني بالكلام
انا فالبداية مكنتش سامع حاجة ولا مركز
مع الوقت بدا صوته يعلى
قومتله
انا رفيع نوعاً ما و مليش فالمشاكل بأب شكل من الاشكال
معرفتش اروح اتخانق معاه
بس مرجعتش وانا بتخانق
كنت واقف وهو بيقرب ناحيتي 
مسك حجر من الارض
لما لقاني مرجعتش راح راميه تاني
فضل يزعق شوية
وانا برد  باسلوب محترم و صوت نوعاً ما مش عالي
لحد ما وصلت انه خلاص الموضوع خلص
قولتلها يلا نقوم عشان المكان مبقاش مريح هنا وانا ماشي راح مناديني
بيقولي متزعلش و معرفش عملت كدة ليه
حسيت من وقتها انها بقت شايفاني ضعيف
مش عارف ادافع عني ولا عنها 
لحد ما خلاص مبقتش عارف ابقا معاها
مبقتش مرتاح وانا شايف كدة فعينيها
مع انها مبتبينش حاجة
بس انا مبقتش مرتاح فكدة
اخر فترة مكانتش كويسة 
كنا بنتكلم كل كام ساعة نبعت او نرد على بعض صدفة
لحد ما نهيت معاها كل حاجة وانا دموعي اقسم بالله ما وقفت غير بعدها بشوية
و رجعتلها بعدها بشوية اقولها اني مش عايز اسيبها
وهي وافقت بس كانت مش عايزة
بس مقالتليش لأ،كانت عايزة تشوف انل هعمل ايه مش اكتر،مكانتي عاشزة ترجع عشاني
كانت عايزة ترجع عشان تصدق ان في امل 
و بعدها باكتر من ٣ او ٤ ايام اكتشفت انها سافرت وانا معرفش حاجة
اكتشفت انها عايشة عادي مع شوية الزعب العاديين اللي موجودين عند اي حد
انا تعبت من كل دة
مبقتش قادر اني اكمل كدة
عايز ابعد بس مش عارف ابعد
ثولتلها ان نبقا صحاب و عند بعض ولو حد احتاج حاجة يبعت للتاني و دة اللي بيحصل فعلاً 
بس انا مش عارف اتعايش مع الموضوع
كل وقت بيعدي عليا بحنلها تاني بس برجه اكتشف ان مكانش ينفع من الاول
هي شخصيتها مش متسلطة بس بتحب تتحكم فكل حاجة
وانا بحب ابقا على حريتي
يبقا قدامي الغلط و اختار اني معملهوش
مش ابقا ممنوع انب اختار الصح او الغلط 
انا تعبت و مبقتش قادر افكر بقالي اكتر من شهرين مش مرتاح كدة
بشغل نفسي فالشغل بس مش ببطل افكر فالموضوع
حاسس ان مبقتش قادر على حاجة
بس لازم اكمل 
اعمل ايه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_67849 🇪🇬

منذ 13 ساعة

شعور غير مكتمل

موضوع:

اكتر حد حزين انك فقدته ؟

أمي...... بعد سنين من رحيلها .. لازلت لم أتجاوز حزني عليها أبدا .. دايما بدور عليها وكل حاجة في حياتي ولو حتى صغيرة بتفكرني بيها. رغم المدة الطويلة دي .. لاكن لسه الحياة واقفة لحظة رحيل أمي وأبي.. ربنا يرحمهم ويغفر لهم

Tomato_67276 🇪🇬 افتكرلهم كل حاجه حلوه وطلعلهم صدقه ودعلهم دايما لازم تتقبل قضاء ربنا كلنا هنموت بس المهم لما نموت فعلا هنكون جهزين للوقت ده فا نصيحه من اخوك عارف انو شعور الفقد صعب جدا جدا جدا جدا عليك بس الاصعب انك تفضل واقف مكانك هما لو كانو شفوق واقف كدا كان هيكنو زعلانين جدا عليك فا اتحرك يسطا وان شاءلله ربنا هيغفرلهم هما في القلب دايما انت قدها يا صحبي مش بقلك اتخطي انا بقلك كمل وشوف حياتك الحي ابقي من الميت

عرض الكل 8 نصيحة

Sugar_65342 🇪🇬

منذ 14 ساعة

شعور محبط

لو رجعتى وفضلتي تستنيني مش هتلاقيني المرة دي. وشكرا على الايام الحلوة والوحشة. متحتاجينيش تاني علشان مش هتلاقيني. أنا اديتك كتير أوي ووقفت جمبك في أصعب ظروفك وبعد ده كله تسيبيني وتبعدي. أنا مش هقدر استمر في المهزلة دى مش هاجي علي نفسي عشانك تاني خلاص حرمت. أنا إللي عودتك انى دايما موجود ودايما بدع

Avocado_67771 🇪🇬

منذ 16 ساعة

شعور مكسور القلب

Mango_67775 🇪🇬 والله ياسطا شوف مش هقولك غير انك تقول الحمدلله لأن دي علاقه محرمه مع اني معرفش انت مسلم و مسيحي تاني حاجه يا صاحبي فكر فيها فعلا هتلاقي أن فعلا عندها حق انت اكيد في فتره شباب و دي حرفيا الفتره الدهبيه بتاعتك بتقدر تطلع كل طاقتك في حاجات كتير و عايز اقولك ده ممكن ميكونش حب او وجعك ده من الحب على قد ما هو تعود مش بقلل من أي شعور انت حاسس بيه والله و حقك اصلا بس انا بقولك اهو الدنيا مش بتقف

عرض الكل 6 نصيحة

عبّر عن شعورك بشكل مجهول

كنت في علاقه اونلاين مع واحده اجنبيه في فتره في حياتي كنت مكتئب وحزين ومش طايق الدنيا عادي فتره كلنا بنمر بيها اتكلمنا وارتاحنا لبعض لحد ما ارتبطنا والموضوع بالنسبالي كان ادمان كنت بعيش اليوم علشان اوصل للحظه اللي هتصل بيها ونتكلم وانسى همومي كنت بحبها اكتر من نفسي وكانت هي بتحسسني انها بتبادلني نفس الشعور والوعود بقى وكل حاجه حرفيا كاني عايش في حلم ومش عاوز حاجه تانيه غير ان احنا نتجوز وافضل عايش في القصه السعيده دي وفي الاخر بعد سنتين من ارتباطنا قالتلي ان هي فكرت في الموضوع بجديه اكبر ولقت انها حاجه صعبه جدا عليها تسيب بلدها واهلها وشغلها غير ان المستقبل مش واضح امتى فعلا هنتجوز وان هي زهقت من العلاقه عن بعد ومش حاسه ان هي في علاقه فعلا وما الى اخره الفكره كلها هنا اني في صدمه مش قادر اوصفها مش عارف اعيش حياتي مش عارف اكل مش عارف احس باي متعه او اي حاجه في اي حاجه حرفيا الموضوع وصل بيا لاكتئاب والموضوع صعب عليا جدا لاني لوحدي صحابي مركزين في حياتهم وانا مش في اولوياتهم خالص وبجد الموضوع اشبه بكابوس مش عارف اخرج منه ازاي محتاج فعلا نصيحه من حد مر بتجربه مشابهه لفراق شخص كان بالنسبالك كل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65724 🇪🇬

منذ 18 ساعة

شعور آسف

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

تيتة اتوفت من سنتين عمرى عمرى عمرى ما هقدر انسي اليوم ده كإنه امبارح من صويت ماما لما حالها الخبر و احنا بنجهز عشان ننزل الشغل لصوت دموعي أنا بستأذن انى مش هاجى الشغل لنزولنا ع السلالم و مشينا ف الشارع و احنا بتعيط ف التاكسي و السواق يهدينا لحد ما وصلنا المستشفي ملحقناش نشوف تيتة غطوها بملاية و نزلو

Avocado_63956 🇪🇬 استهدي بالله و كل يوم تقريلها ولو صفحة من المصحف عشان يبقى في صلة مستمرة بينك و بينها باستمرار ولو في اي حاجه ابعتي واحنا جنبك ربنا يرحمها ويغفر لها ويسكنها الفردوس الاعلى يارب

عرض الكل 4 نصيحة

Coffee_63907 🇪🇬

منذ 22 ساعة

شعور محبط

بعد 3 سنين سايبين بعض اقدر اقول اتي مش عارف احب غيرها ولا في حد عارف يجي ياخد مكنها عندي مش عارف انساها دايما في بالي مش عار اتكلم مع حد في للحوار عشان هيقول فكك عدا وقت بس هيا لسا مكنها موجود مستنيها ومتاكد انها مش هتيجي عامل نفسي مش واخد بالي ولا مهتم والكل فاكر اني تخطيت بس محصلش

Apple_67119 🇪🇬

منذ يومين

شعور مستنزف

عبّر عن شعورك بشكل مجهول

انا انسان حبيت واحده الانسانه دي منفصله ومع ثلاث بنات من اول يوم شفتها فيه اتعلقت بيه وهي بدلني نفس الشعور وشويه شويه حبينا بعض ونخرج نتكلم كل واحد عرف التفاصيل اللي جوه الثانيه من غير كذب او خداع عرفتها بقى لي كتير ما كنت بخلص شغلي بروح بنتظر تليفونها بنضمن نسهر مع بعض على التليفون ثاني ثاني يوم الصبح واحنا رايحين الشغل نتكلم وهي معايا في الشغل وكل يوم بشوفها وبغير عليها وربنا عالم انا بحبها قد ايه واتمنيتها قد ايه برغم الظروف اللي هي فيها وهي عارفه ان انا من غيرها هتعب وما زال لحد دلوقتي تعبان عشان هي جت من كام يوم قالت لي نكمل مع بعض لقيت المرض اللي هو العادي مش مقتنع بيه بتقول لي بناتي ممكن ما يوافقوش مع ان انا ما قصرتش معاه في حاجه ولا مع بناتها في اي حاجه بناتها عارفين اللي احنا زمايل في الشغل ما فيش حاجه بينا بس كانت اي مناسبه عندهم اولاد بنات كنت انا اللي بجيب لهم الهدايا انا اللي مهتم بيهم كان في واحده من بناتها كانت بتخرج معايا انا ومامتها وعارفه اللي احنا اصحاب كنا نخرج ونروح اي حته كل مكان بشوفها فيه او متخيل المكان دوت حد من جنبه والاقيها موجوده او ده المكان اللي احنا كنا فيه قلبي بيوجعني بقى لي اسبوع ما بنزلش الشغل عشان مش هقدر استحمل اللي انا اشوفها ولو لقيت اي حد بيكلمها هتعب زميلتها زميلها بيتكلموا في حدود الشغل فهي عارفه ان انا هتضايق وبغير فانا بقى لي اسبوع مش بروح الشغل كل يوم بفكر ان انا هنزل ورايا الشغل بس قلبي تعبني انا انسان عايش لوحدي مش لاقي حد اتكلم معاه ولا افضفض معي ش حد غير ربنا انا انسان تعبان دموعي مش عايزه تهدى وبرغم لما جيت قلت لها اللي جوايا وبصراحه قلت لها انا اتاذيت قبلك كثير وكنت قافل قلبي خمس سنين ما اعرفش حد ولا حبيت عشان جرحت كتير وقلت لها يمكن انت العوض الجميل اللي جاي من عند ربنا فهو الجرحى تكون منك انت مش هستحمل ان انا اقدر اتجرح منك لما كنت بشوفها زعلانه كان قلبي بيوجعني ولما كنت بشوف دموعها كنت بزعل قوي وبحاول اراضيها باي شيء اول ما دخلت حياتي بقيت بعمل حاجات عمري ما عملتها ممكن نهزر في الشارع ناكل نضحك نجري حاجات عمرانه اصلا ما عشتها مع اي حد انا عرفته لما كان بيجي عليا اوقات ما بروحش فيها الشغل كانت هي بتتعب وبتضايق وحاسه اليوم ما بيعديش عشان انا كنت افرحها كنت بنزل قبل ميعاد خروجها من الشغل وبروح استناها عند الشغل عشان نمشي مع بعض اوصلها لحد البيت وما تكونش زعلانه تفاصيل حياتي كلها كوم واللي انا عايشته مع الانسانه دي كم ثاني خالص انا بجد مش قادر استوعب اللي هي مش هتبقى في حياتي مع كل سجده لربنا بدعي له ان هو يرجعها لي تاني انا اتمنيتها من ربنا ارجو من كل اخ وكل اخت يدعوا لي دعوه حلوه من القلب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_65356 🇪🇬

منذ يومين

شعور محبط

موضوع:

اية الحاجة اللي حسيت انك اتسرعت فيها؟

اني حبيت وحده أو كنت حاسس اني بحبها و هيا كمان كانت بتحسسني بكده و كانت في يوم تعبانه و مخنوقه و انا كنت عايش لوحدي و جات عندي و اتسرعنه و نمنه معا بعض في الاخر بعدنه بسبب دا معا العلم هيا الي اغرتني ب كدا

Coconut_64334 🇪🇬 هو الزنا بقي عادي كدا عندكم ، دا كبيرة يا عالم توب ياعم الله يرضي عليك و هي ربنا يهديها و يبعد ولاد الناس عن كل واحد وواحد بالشكل دا

عرض الكل 1 نصيحة

Apple_66761 🇪🇬

منذ يومين

شعور مكسور القلب

حبيتها 5سنين حاربت الدنيا كلها علشان ابقي معاها حتي البيت عندي سبتو كذا مره علشان انا باقي عليها وبعد كل اللى حصل دا سابتني ووجعتني وبعدين حياتي واقفه من اليوم دا مش عارف اعمل اي حاجه هى كانت بتحبني انا دلوقتي عايز اكلمها تاني نفسي كانت تبقي ليا بجد مش ضعف مني بس حرفيا انا مش متخيل اني ممكن

Croissant_66979 🇪🇬 حاسه بيك عمتا حصلتلي الفكره ان بجد يلاهوي

عرض الكل 3 نصيحة

Pineapple_51151 🇪🇬

منذ 3 أيام

شعور غاضب جدًا

الفتره دي بفتكر شخص كتير جداً مش عارف ليه وللاسف الشخص دا مستحيل نعرف بعض تاني هي متجوزه بس الفكره ان الفتره دي فتحت اكونت اكس وظاهره كتير قدامي وانا خايف اضعف واغلط وابعتلها مش عارف انا عارف انه غلط وحتي لو انا عملت بلوك فضولي هيخليني اشيله وارجع اعمله تاني انا بس مش عارف افكر ازي بجد وحاجه زفت ال

Banana_66666 🇪🇬

منذ 3 أيام

شعور محبط

عبّر عن شعورك بشكل مجهول

مره شوفت واحده معيا في المدرسه كنا في ثالثه ثانوي سعتها  انا اول ما شوفتها اتمنيت اتعرف عليها بس سكت و سبحان الله بعد سنه هي ال كانت عاوزه تتعرف عليا و تتكلم معيا و اتكلمنا بعد ب شهر عملت حادثه جامده و رجلي اتكسرت كسر مضاعف و عملت عمليه و قاعد سنه في البيت السنه دي قربنا فيها اوي كنا بتكلم ٢٤ ساعه فعلا لاني كنت تعبان و نومي كان قليل و هي الصراحه مقصرتش معيا خالص و كانت اكتر واحده وقفت جمبي كنت ديما اقولها انتي جتي في وقت غلط لاني كنت تعبان و حالتي النفسيه زفت تعب و مش بمشي انا حرفيا ١٠ شهور نايم على السرير و الناس ال فاكرها هيقف معاك في منهم مجاش اصلا و ناس متتوقعش انها تجي جت بس هي اكتر واحده وقفت معيا لغيت ما اتصحبنا في ٤ شهر من الحادثه و كنت كل شويه اتخانق معها و طرقتي كانت واحشه معها اوي و والله غصب عني و انا قولتها قالتلي هستحمل بس للاسف زهقت و قالتلي طاقتي خلصت و تعبت من كتر الخانق و بعدت بعد لما ابديت ابقى كويس و افوق و ارجع كويس زي الاول بقالنا ٥ سنين مش بنتكلم حولت معها كتير بترد على القد و بعد كده مش بترد اكيد شافت حياتها بس انا عمري ما نسيتها ولا هنسها حتى لو صحبت او اتجوزت حتي مش عارف اخرجها من دماغي ٥ سنين مفيش ثواني راحت عن بالي و بدعي ربنا كل يوم ب فرصه تانيه انا عارف اني غلطان و هي مش مجبره بس اقسم بالله غصب عني و ربنا ما يكتبها على حد حولت كتير أصحاب و انسها و صحبت كذا حد بس ديما كنت بدور عليها و بفركش علشان انا كده بظلمها علشان مش عارف احب حد غيرها و مش عارف اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_66516 🇪🇬

منذ 3 أيام

شعور مرهق

موضوع:

حاجة مش مسامح نفسك عليها ؟

مش مسامح نفسي ودايما حاسس بذنب عشان سبت اكتر حد كان شاريني ف عز محنتي اكتر حد كان معايا ف الوحش قبل الحلو اكتر حد شجعني اقف ع رجلي تأني حاسس اني جيت عليها اوووي وكانت الحاجة الوحيدة ال كويسة ف حياتي اتمني ربنا يسامحني ع كل حاجة

التجربة أفضل عبر التطبيق

حمّل تطبيق توهيل على هاتفك لتجربة أسرع