تعبت من كوني الابن الكبير المطلوب دايما

Question

الحضن والحنيه …
طول عمري الابن الكبير الي مطلوب منه يبقى شاطر متفوق قدوه ويعتمد على نفسه والخ الخ الخ 
لكن محدش من الي طالبين مني ده فكر يحن عليا ويحسسني اني مشاعري مهمه كانو بيعاملوني زي الاله وكل واحد عايز يحقق حلمه من خلالي محدش فكر في حلمي انا ايه 
كان نفسي اتحضن وكان نفسي حد يقدر مشاعري دلوقت انا كبرت وانا انسان بدي مشاعر دايما ومش بلاقي مقابل وبزعل وبضايق لان فاقد الشيء بيعطيه بكثره وانا فقدت ده وبديه وفي الاخر انا الي دايمه قلبي موجود وتعبان وحزين والحزن استهلكني معتش فيا طاقه وانطفيت وتعبت معتش فيه حاجه تقدر توصف حالتي غير اني تعبت حقيقي تعبت

Banana_71311 🇪🇬 · Accepted Answer

بص رغم ان موقفك صعب و احساسك اغلبنا بيمر بيه لكن لازم تتحمله انت راجل و اتخلقت راجل علشان متنكسرش مهما كانت الظروف معندكش فرصة انك تنكسر ووتنهار

Sugar_69803 🇪🇬 · Answer

سوري المجتمع ده متخلف لا بيحضن ولا بيطبطب عايزه يجب لك جلطه هيجيب لك في يومين ، بس إنشاءالله كله خير وتلقى العوض على حسن نياتك 🤍🤍

Marshmallow_70902 🇪🇬 · Answer

المجتمع للاسف ماثر على عقول اهالينا انا اكتر ناس موذيه في حياتي هي اهلي للاسف ودول مينفعش تعمل معاهم حاجه وكل ما بتستحمل وتكبر وتعدي بتحس بالحزن اكتر وبيتم استهلاكك اكتر وبتتشاف انك القوي الي مبيتهزش الجبل الي مبيتحركش بس محدس عارف انت حاسس بايه واليوم الي بتعبر فيه عن مشاعرك بيتقالك كلام رخيص اوي زي استرجل وايه المحن الي انت فيه ده 💔💔

Sugar_69803 🇪🇬 · Answer

مش قصدي اهلك اقصد المجتمع 
من حقك تحس باللي انت عايز تحسه مالوش علاقه بالمرجله دي حاجه و مشاعرك كبني ادم حاجه ثانيه الناس فاهمه المرجله غلط من حقك تعبر عن نفسك وانت واثق جدا انه من حقك

Marshmallow_70902 🇪🇬 · Answer

طب ليه هو ده مش من حقي انا اه راجل وشايل مسؤوليه ومش معترض بس عدم التقدير وعدم مراعاه مشاعري هو ده الي بتكلم فيه مفيش راجل يقدر يستحمل ده ومهما استحملنا هيجي الوقت الي هنقع فيه انا كنت بقول لنفسي اني قوي وجامد لحد ما بدات اقع وادوخ وصحتي تبوظ بدات نفسيتي الوحشه تبان في صحتي ضعفي بدا بظهر في صحتي انا مطلبتش حاجه والله ولا معترض بس انا اقل حاجه بطلبها انه محدش يستهون بينا ولا بالي بنعمله قدرونا وبس

Marshmallow_70902 🇪🇬 · Answer

شكرا 🙏 المجتمع فعلا وحش بس الاوحش انه يكون ده في اقرب الناس ليك شكرا على تفهمك

Sugar_69803 🇪🇬 · Answer

انت متعرفش ايه الللي هو مر بيه هو قال شويه كلام بس اكيد مش دي كل حاجه ودا تراكم سنين مش في يوم واحد  وعادي جدا ان الراجل يحس مش مشكله خالص يعني

Sugar_69803 🇪🇬 · Answer

العفو 🤍🤍
عبر عن نفسك براحتك محدش له حق يعترض + خليك واثق ان العوض جاي ادعي ربنا و اسعى وتلقى الخير إنشاءالله

Marshmallow_70902 🇪🇬 · Answer

شكرا على التفهم ده وهو ده حقيقي ده تراكم سنين 🤍

Marshmallow_70902 🇪🇬 · Answer

يارب شكرا على الدعم 🤍