ليه الطيبة بتبقى ضعف في زماننا؟

Question

لو سمحتو انا عندي 30 سنه اكتشفت ان كل الي اتربيت عليه مش ماشي مع الحياه عموما دلوقتي وانك تكون طيب ومتربي وعلي حسن خلق ومحترم الناس بتشوفك ضعيف وبيحاولو يستغلوك بكل الطرق تحت بند الهزار والسماجه خصوصا اني عايش فمكان مش احسن حاجه فا
اكمل علي الي اتربيت عليه واعيش حياتي ولا اخليني انسان جاحد ومش محترم وقليل الذوق وبجح لان كده محدش هيعرف يعمل معايا ولا مع الي بحبهم اي حاجه

Cherry_63124 🇪🇬 · Accepted Answer

انك متربي في الزمن ده دي حاجه تميزك بجد الناس بجد بقت صعبه اوي اوعي تعملي الي هما عايزينو و تبقي زيهم بالعكس انت لو محترم الي حواليك هيحترموك و يبقي عندك وقار كده خليك زي مانت محترم بس مش ضعيف في اوقات لازم تقف واقفه كده لو الموضوع زاد عن حده بس برضو بأدب

Watermelon_64042 🇪🇬 · Answer

بحاول علي قد ما اقدر بس بلف في دايره اكمل الي فاضل من حياتي كبني ادم صالح ولا اموت وانا مكروه ووحش وجاحد بس والله انا مش عايز كده

Carrot_60760 🇪🇬 · Answer

هي حاجه كويسه انك متربي ولازم تحافظ ع ده ف نفس الوقت اللي تتعامل فيه مع الناس وتعرف تاخد حقك زي ما شفت قبل كده مقوله بتقلك كن حريصا وانت تصارع الوحوش حتى لا تصير واحدا منهم هما اصلا بطريقتهم دي بيحاولو يخلوك زيهم بس انت اتمسك بمبادئك

Potato_64068 🇪🇬 · Answer

انا فاهمة أنه الموضوع صعب بس حاول تكمل على اللي اتربيت عليه 
وشايفة أنه تتجنب الناس السيئين وتخرجهم من دايرة معارفك  وفي نفس الوقت تعرف ازاي  تاخد حقك بأدب من اللي يضايقك

Watermelon_64042 🇪🇬 · Answer

انا عايش فمكان اغلبيته مخدرات وناس مش متعلمه وتجار خرده والتعامل نفسه مع الناس صعب وفنفس الوقت انا مش خايف عليا قد اخواتي وابويا وامي وكمان انا مش عارف احل مشكله القلق من الموضوع ده ازاي مع العلم الحمد لله انا مش ضعيف واقدر اتخانق واعمل مشاكل بس هكون فاضي لمين ولا مين وفنفس الوقت اكيد مش هقدر اغير كل دول واخليهم كويسين

Watermelon_64042 🇪🇬 · Answer

في كلمه في فيلم لليوناردو ديكابري كان بيقول 
هذا المكان يجعلني اتسال ان اكمل حياتي كرجل صالح او العكس 
وانا اتولدت لقيت نفسي هنا بقالي 30 سنه في الاول مكنش فارق معاياوالمكان كان تمام دلوقتي اتملا تجار خره كتير بسبب الناس الغريبه الي ملو الشوارع الي بيلمو زباله دول ومخدرات وخناقات وكده  بس دلوقتي في ناس بحبهم مش عايزهم يتاثرو بلمكان ولا الي بيحصل فيه بس هحاول وهعمل بنصيحتك اكيد ومتشكر جدا

Carrot_60760 🇪🇬 · Answer

انت عامل شبهي الى حد كبير اوي انا برضو واخواتي كلنا محترمين ومتمسكين بمبادئنا والمنطقه اللي احنا فيها مفهاش اكتر من الحشيش والكلام ده كله بس الحمدلله الواحد عمره ما بصلهم فكك منهم خالص متتخانقش مع حد ع الفاضي وركز ع هدفك انت عايز تبقى اي بعيد عنهم اكيد انت حابب تنضف وتبقى ف مكان راقي مش عايز تعيش حياتك كلها بتتخانق معاهم ف شوف اي اللي يوصلك لده ولو حد جه عليك بس تاكله غير كده اتعامل مع كله باحترام

Peanut_63801 🇪🇬 · Answer

اولا انت شخص محترم و دي حاجه تفتخر بيها حتىلو محدش قدر ده انت لازم تعرف ان لازم تفضل دايما كويس و طيب لأن ده هو الصح 
الحل انك تحط حدود مع الي حواليك عشان يحترموك و ميجوش عليك
خليك واثق من نفسك و متجيش ع نفسك عشان حد خالق

Watermelon_64042 🇪🇬 · Answer

king

Watermelon_64042 🇪🇬 · Answer

حاضر واكيد فعلا والله انا بحاول اكون علي طبيعتي ومحدش ياثر عليا وهحاول علي قد ما اقدر اني استمر علي كده وبجد شكرا علي النصيحه

French Fries_64080 🇪🇬 · Answer

الفكره هنا انك متبقاش شبههم ولا تتطبع بطباعهم و انت علفكره كده كويس جدا وعمر الرجوله ماكانت ببجاحة وقلة الادب والجعير وهكذا
انت خليك زي مانت انت كده وهتعيش كده متخليش حاجه تأثر عليك ومتنساش انت اقوي بكتير منهم "اتق شر الحليم إذا غضب"

Popcorn_41523 🇪🇬 · Answer

الموازنه يصديقي اعرف امتا تكون طيب و امتا تكون جاحد و افتكر دايما انك متجيش ع نفسك عشان خاطر حد

Watermelon_64042 🇪🇬 · Answer

باذن الله الي جاي خير واحسن واكيد ربنا شايلنا حياه احسن من دي حتي لو مش في الدنيا

Watermelon_64042 🇪🇬 · Answer

انا مبجيش غير هلي نفسي 😂

Popcorn_41523 🇪🇬 · Answer

ده غلط يصديقي اوقات ده ممكن يكون صح لاكن مع اللي يقدر ده لاكن مش مع كلو فاهم قصدي