موضوع:

ازاي تكون اجتماعي ؟

انا معظم فترة المدرسة كنت مقديها في البيت بلعب لعب اون لاين و مكنتش بخرج خالص و مش بكلم حد غير في الألعاب دي. كنت شايف ان صحابي الأون لاين كفاية أوي و مش محتاج حد من المدرسة أو كدة بالذات ان اهتماماتي وقتها كانت مختلفة، مكنتش بحب الدراما زي اللي معايا في المدرسة و الحوارات بتاعة البنات و الولاد و مين صاحب مين و ضرب مين عشان اتكلم على صحبته و جو العيال ده لحد الجامعة بدأت واحدة واحدة اتعرف على الناس و نتكلم في التخصص بتاعنا خصوصا اني اتخصصت حاسبات و معلومات و كان نفسي فيه و الحمدلله دخلته ، بعدين بقينا نخرج و تجمعنا مشاريع و مسابقات ساعات نخشها مع بعض. كان في حاجات كتير مشتركة و كانوا ناس محترمين الحمدلله بعد الجامعة كان الجيش اللي قابلت فيه أشكاا كتير جدا، و مع انه كان مؤذي جدا نفسيا إلا اني لقيت نفسي بعرف اتعامل مع كل الطبقات بطريقتها و اصاحبهم منغير ما حد يستغفلني الخلاصة من الكلام الكتير ده ان الموضوع مبيجيش فجأة، دي حاجة بتحاول تعود نفسك عليها و دايما بتنفعك جدا، الانطوائية مهما كانت مريحة هتيجي أوقات و هتتعبك جامد جدا فجأة. الأنشطة اللي انت مهتم بيها ممكن تلاقي ناس تانية بتحبها و تبقى حاجة تتعرف بيها على ناس و يبقى عندك صحاب كويسين

6

0