حياة اجتماعية

Tofu_71960 🇪🇬

منذ أسبوع واحد

شعور مرتبك

موضوع:

تحت مسمى متغلطتش غلطتي ؟

متعملوش صحاب سوشيال بس اتعرفوا كمان علي حواليكو متبقاش حياتكو كلها عالتلفون خليكو اجتماعيين مع الناس بس صحابك الي فالحقيقه اوعو تعرفوهم علي الي فالسوشيال ولو انت مثلا ف شلتين اوعا تعرف الشله دي عالشله التانيه عشان لو اتخانقت مع شله تروح للشله التانيه متبنوش علاقات كتيره فالسوشيال وتنسوا الي حواليكو

Orange_69336 🇪🇬

منذ 3 أسابيع

شعور محبط

دلوقتي انا عايش بقالي سنتين تقريبا حياتي عباره عن اني بصحى اشتغل ارجع اتغدى العب جيمين فالورنتوا واحضر اي كورس قدامي انام واصحى اكرر اليوم، مبخرجش كتير مبقتش اسافر لوحدي زي زمان حسيت ان كل حاجه بقت ممله وانا بعملها لوحدي، هل دي هي الحياه في العشرينات ولا انا اللي ماشي غلط، حاسس ان فعلا فيه حاجات كت

Cookies_68494 🇪🇬

منذ 3 أسابيع

شعور عاطفي

السلام عليكم ورحمة الله وبركاته لو سمحتم كنت عايز اتكلم شوية وياريت الي يقدر يساعدني يبقا جزاه الله خيراً انا طالب في سنة اولى تمريض كان حلمي ف اول سنة اني اطلع من أوائل المحافظة جيت قبل الفاينال بشهرين بدات اذاكر مع اصحابي ف المهم جبت ٩٤.٢ % والاتنين انا مش بتكبر بس الحمد لله مستوايا اعلى منهم

Watermelon_64942 🇪🇬

منذ شهر واحد

شعور عاطفي

مش بعرف اشرح اوي بس هحاول انا من يوم وفاة بابا من 7 سنين وانا حاسه اني عندي مشكله ما في تكوين العلاقات والمحافظة عليها يعني بحس ان لي ادخل علاقة اصلا وكده كده مسيرها الانتهاء يعني لو مكنش الفراق باختيارنا فهو هيجي غصب عننا كده كده حد هيخرج من حياة التاني الاول فلي اصلا اكون علاقات وده خلاني شبه معند

Biscuit_59433 🇪🇬

منذ شهرين

شعور ضائع

عندي مشاكل في اني اكون صداقات تفضل من زمان اوي من وانا طفله و الموضوع كمل معايه و انا عندي ٢٢ دلوقتي ولسه لوحدي وده شئ بيدايقني اوقات و اوقات ممبقتش بحس انها فرقه معايه بس دلوقتي وسط ما اللي حوليا بدؤا يتخطبوا و كده بدئت احس اني هفضل وحدي طول عمري و الموضوع بدء يخوفني شويه رغم اني بدءت اتقبله انا اه

Strawberry_59553 🇪🇬 بصي انا زيك كده بظبط بس الفرق اني اصغر منك و الفكره ان المشكله مبتبقاش فينا بتبقي فيهم هما سواء بيبقو شيفينك احسن منهم او انجح او اجمل ، مثال وحده لسه جديده فالشغل و اتعرفت عليكي لقت فيكي مميزات مش موجوده فيها و الناس بتلحظك أنتِ ومش مهتمين بيها ف بتغير ف بتحس انها تبعد احسن و كذالك ف كل حاجه مش شرط الشغل بس ، الجواز وكده دي مرحله و أنتِ ف ايدك تختار تتجوزي او متتجوزيش ومفيش حاجه اسمها قسمه و نصيب

عرض الكل 2 نصيحة

Kiwi_59065 🇪🇬

منذ شهرين

شعور قلق

انا لوحدي ما بعرفش اتأقلم مع اللي حواليا ، ف الاول ما كنتش بعرف اتكلم اوي و ما كنتش يبادر ، لكن دلوقتي بتكلم و ببادر لكن بقي كل اللي ف حياتي معارف ، مفيش علاقة ثابتة و حقيقية كلهم مجرد معارف ، مفيش حد مهتم ب اي حاجة ليها علاقة بيا، أو ف الاول بيبقي انبهار مؤقت و خلاص بينتهي ، هل دي أنانية مني ان

Chocolate_58050 🇪🇬

منذ شهرين

شعور محبط

انا مشكلتي الوحيده ان انا ما عنديش اصدقاء كثير في الحقيقه ممكن انت ما اعرفش ايه المشكله ممكن لان شخصيتي هزليه شويه بحب اتكلم كثير قوي بس دي نفس صفاتي برده وانا بلعب وانا ورا الشاشه انا ورا الشاشه عندي اصدقاء كثير جدا بكون بلعب في اي لعبه بيكون الفريق بتاعي في ناس مستنياني بره مش مجرد ان انا معايا ال

Lemon_50969 🇪🇬

منذ شهرين

شعور ضاق ذرعًا

انا دايما بتعرض لفقد بدون سبب وان دايما اي حد يدخل حياتي بيزهق مني ويمشي ويكرفلي من اني حلوه وذكيه وبعرف اتكلم واعبر وافهم الي قدامي بس اي حد يدخل حياتي بيبقي منبهر بيا وعايز يكلمني 24 ساعه ومهتم يعرف كل تفاصيل بس بعد فتره بلاقي الناس بعدت عني مع انهم كانو بيموتو عليا وصحابي بيحبوني وبيحبو خفه دمي

Pineapple_55642 🇪🇬 فاهمك كويس جدا والحل عندك، لما حد يخش حياتك منبهر اوي بيكي حاولي تفرملي الموضوع شويه، مش عاوزين تقل لا، بس خلي الموضوع بتاع الإبهار ده يبقه بطيء شويه والوقت مع الناس اقل، بحيث يعرفوا يتعرفوا عليكي ويفهموا طباعك مع انبهارهم بكي، فيتحول الانبهار بالتدريج للتعلق والصداقة الحقيقيه

عرض الكل 21 نصيحة

Apple_54758 🇪🇬

منذ شهرين

شعور مكسور القلب

انا الحقيقي عندي حاجات كتير مضيقاني و مشاكل كتير هحكيلكوا عليها بعدين … بس اكتر حاجة مضيقاني دلوقتي اني معنديش اصحاب و ده انا مش عارف انا السبب فيه و لا لا …عندي ناس كتير بتحبني و بحبها بس مقدرش اقول اصحاب ..لما بشوف صحاب على القهوة و انا قاعد لوحدي بيبقى هاين عليا اقولهم عايز اقعد معاكم ..عمري ما

Avocado_54559 🇪🇬 اشغل وقتك

عرض الكل 5 نصيحة

Strawberry_44032 🇹🇳

منذ 8 أشهر

شعور وحيد

امراة جميلة مثقفة لديها وظيفة محترمة من عائلة طيبة و طبعها مرح و تؤمن بالعائلة و الحب الصادق و الاحترام لكن سنها 33 سنة اغلب وقتها بين الشغل و المنزل هذه انا اعيش روتين يجعلني انسانة وحيدة بالرغم اني احب الخروج ووالاستمتاع في الخارج لكن ليس لي اصدقاء او رجل في حياتي و هذا بسبب روتيني الذي اعيشه بسبب

Almond_35207 🇦🇪 لماذا ذكرتي السن على انه عائق؟ اولا عليكي بزيادة ثققك بنفسك، والاقتناع بان لم يفتكِ شيء ،حاولي اصنعي صداقات جديدة وابدأي من اول وجديد، واصنعي حب وعائلة. تذكرني انه بنفس الوقت الذي تعتبرين نفسك فيه كبيرة بالعمر و فاتك القطار، هناك شخص ما يبحث عن امرأة جميلة مثقفة لديها وظيفة …

عرض الكل 9 نصيحة

Carrot_42352 🇪🇬

منذ 9 أشهر

شعور شاعر بالملل

"الواحد ساعات بيحس إن الدنيا مش دايمًا على مزاجه، وبيكون محتاج حد يشاركه اللحظات الحلوة والمرة. لو إنتي كمان حاسة إنك عايزة تلاقي حد تكوني معاه على راحتك، تتكلمي معاه عن أي حاجة، سواء عن يومك العادي أو عن حاجات أكبر بكتير، يبقى إنتي معايا في نفس المود. مش لازم تكون علاقة عميقة من أول يوم، ممكن تبدأ

Banana_29935 🇪🇬

منذ 9 أشهر

شعور ممتن

موضوع:

ازاي تكون اجتماعي ؟

انا معظم فترة المدرسة كنت مقديها في البيت بلعب لعب اون لاين و مكنتش بخرج خالص و مش بكلم حد غير في الألعاب دي. كنت شايف ان صحابي الأون لاين كفاية أوي و مش محتاج حد من المدرسة أو كدة بالذات ان اهتماماتي وقتها كانت مختلفة، مكنتش بحب الدراما زي اللي معايا في المدرسة و الحوارات بتاعة البنات و الولاد و مي

Donut_34240 🇪🇬

منذ 9 أشهر

شعور محبط

احساس وحش اوي لما كل مراحل حياتك تعدي وانت معرفتش تعيشها عشان معندكش ثقه كفايه صعب اوي لما توصل لسن23 سنه ومعملتش صداقات وناس بتحبك بجد كل العلاقات اللي عدت عليا ناس مستغله وفيك مشاعري بتبوظ حرفيا لما بشوف شله صحاب ماشين او قاعدين سوا او حتي بيعملوا تيك توك الفكره ان انا اصلا انسانه بتحب الحياه ونف

Peanut_34311 🇲🇦 اتمنى أن رسالتي توصلك الفكرة اللي انا هحاول اشرحها لك لأني ما اعرف اشرح المهم انا من نفس سنك يعني اعتبريني وحدة معدية من شارع و واقفة تكلمك عادي أولا موضوع الثقة يتعزز من خلالك اهتمي بنفسك بشرتك شعرك لبسك نفسيتك و هكذا و اما الأصدقاء ف انا شخصيا اعتبره رزق مثل ما كل شي فالدنيا رزق الأهل و المال و الأولاد .. ف حتى الأصدقاء رزق ف إذا ربي ما رزقك بهذا العمر ممكن يرزقك بعدين المهم كثري دعاء يكون خير ☺️

عرض الكل 4 نصيحة

Apple_12588

منذ سنة واحدة

شعور Okay 😐

انا ببقي في الشغل شخص اجتماعي جدا بضحك وببقي مريحه جدا مع الحالات اول ما بخرج بتحول لي شخص متواحد لو شفت حد من الناس الي بشفهم في الشغل بعمل نفسي عاميه ولا اكني شيفه حد معرفش انا ليه بعمل كده

Apple_11048

منذ سنة واحدة

شعور Bad 😞

معنديش صحاب ؛ يعني أتعرفت على ناس سوشيال وريل بس مفيش مش زي الصحاب اللي بشوفهم أنهم يتكلموا مع بعض على طول ويسألوا على بعض ويخرجوا سوا ويلعبوا سوا معنديش كده ؛ بجد لما بشوفهم كده بحس بزعل بس والله مش جوايا حاجه وحشه ليهم

Coffee_40546 🇪🇬

تجربتي مع الثقة ف النفس و الذنب ف الجامعة

انا بنت ف جامعة و حياتي قبل الجامعة كانت كوم و بعديها كوم تاني انا قبل ما ادخل الجامعة كنت ف مدرسة خاصة بنات بس و عمري ما عرفت ولاد برا عيلتي مع ان زمايلي ف المدرسة كانوا بيعرفوا عادي من نشاطات و النوادي و كنت وحيدة شوية عشان مفيش بنات ف سني ف العيلة و صحابي مكانوش كتير علاقتي ببابا مكنتش كويسة خالص و دا اللي خلاني افقد الثقة ف نفسي و احس اني اقل من البنات اللي حواليا و للاسف مكنتش اعرف اني اتجرحت اوي كدا منه غير لما دخلت الجامعة كنت فاكرة ان مشاكلي ف المدرسة من اني مبعرفش اتعامل اوي و كله كان يقعد يقول عليا مؤدبة و متربية و بس محدش كان بيقول اني صاحبة حد يحب يقرب منها كنت فاكرة دي هتبقي اكبر مشاكلي لحد ما دخلت الجامعة و اضطريت اتعامل مع ولاد و بردو حسيت بنقص كل البنات حواليا كانوا بيقدروا يتعاملوا و انا لا و كلهم كان عندهم علاقات قبل كدا و صداقات دا غير ان داينا كان في ولاد معجبة بيهم و هما بيتغروا اوي ف نفسهم انا اللي كنت لسه بتعرف علي الدنيا من جديد كنت هبلةاوي و لسه دماغي صغيرة مع العلم اني جميلة و بهتم بنفسي بس فعلا الثقة ف النفس و طريقة التعامل بتفرق ف حياتنا اكتر من شاكلنا او شخصيتنا الطيبة (الهبلة اظن) المهم لما اعجبت لاول مره بواحد مقدرتش اققرب محبش اعرفه اني معجبة عشان بطبعي بتحرج بسرعة ف كنت بعامله زي اي زميل بس كنت بحاول اكون كويسة معاه بس هو زي حس و كان بيجريني لكن مظنش بدلني الشعور و بعدين للاسف كلمته وحش مره و ساعتها بعد عني مكنتش اعرف اني حبيته اوي كدا كنت فاكراه مجرد اعجاب هيعدي بس لا اكتئبت جدا و تعبت لان كمان انا رجعت افكر اني مش كفاية و اني اقل من الباقي عشان كدا محبنيش و زي ما بيقولوا البنت اللي مخدتش حنية و عاطفة كفاية من ابوها هدور عليها برا ف كنت مضايقة مع ان الاهتمام اللي اداهوني لا شئ يذكر و مع ذلك اتعلقت كنت ف الفترة دي ف شلة كدا و كانت ميكس ولاد و بنات قولت تمام اخيرا هحاول اتعامل و اعتبر دول زمايلي و تبقي في علاقات كويسة ف الكلية لحد ما واحد منهم كان مسيحي دخل فجأة كان شكله عيل جدا و كان فرفوش اكنه واحدة صحبتك قولت دا امان دا عشان مسيحي و اكيد هشوفني زميلة بس ف كنا بنهزر كتير و كل دا كان بحسن نية مني مكنتش متوقعة انه شايفني بطريقة تانية لحد ما قالي و انا اتفجعت هو بجد في حد معجب بيا و بيحبني؟؟ قمة السذاجة اكني كنت مستنية اي حب من اي حد زي العبيطة للاسف ابويا محسسنيش اني استاهل احسن ف كنت تمام مع اقل و اكتر حد مينفعش و لا دينا و لا موضوعا و لا شخصيته شبهي و لا هو يحل ليا اصلا للاسف سبته قريب مني و اكن والله بتعامل مع شيطان متجسد ف شكل انسان كنت اول مره اشوفه كدا و انا للاسف مكنتش اعرف عنه حاجه من حد كان بيلعب ب دماغي عشان عارف اني مليش ف الكلام دا و عمري ما صاحبت و كنت دايما ضد الموضوع دا عشان حرام كان بيحاول دايما يحسسني ان كل الناس كدا و كله بيصاحب و ان مسيحي و مسلمة حاجه عادية و منتشرة و ان انا اللي بكبر الحوار فضل يلعب ف دماغي و بدأ يلمسني و كنت ببعد عنه و بنفر بس للاسف انا كان متهيألي ساعتها اني بحبه برده زي ما تقولوا كدا كنت بحاول ابقي علي اي حد يديني مشاعر بس لما بدأ يلمسني كتير و بطرق مش لطيفة كنت بشعر بالذنب كل يوم اني سمحتله يقرب مني عشان دا مش انا و دا حرام كنت ساعتها بدأت اصلي كنت قبليها بعيدة عن ربنا شوية مكنتش منتظمة ف الصلاة بس ف وقتها بدأت اصلي كل يوم من الندم و من الخوف كنت بعيط بالساعات و كانت حالتي النفسية مضمرة لحد ما قررت اخيرا اسيبه بعد شهرين و ف وقتها كان اخويا عمل حادثة و دخل المستشفي و اهلي حالتهم كانت تصعب عل كافر و انا كنت مش ف الدنيا كنت شبه ميتة كنت وحيدة جدا مش عشان سبته لا بس من الذنب الكبير اللي شايلاه كنت كارهة نفسي و كنت بدعي ربنا يغفرلي مع اني مرتكبتش كبيرة من الكبائر بس الذنب كان كبير بشكل لا يوصف بالنسبالي حسيت اني مش قادرة اكمل كدا دا غير اكتئابي من حوار اخويا كان البيت سودوي و مكنتش قادرة اتعايش خسيت جدا ف الفترة دي من قلة اكلي و اكتئابي المستمر و مع الوقت حاولت اتعافي و بعد ما دورت كتير و عرفت ان ربنا هيغفرلي لاني عدت اليه نادمة و قربتله حاولت ارتاح بس فضلت خايفة من كلام الناس عشان اكتشفت ان هو شخص مش كويس و كتير ف الكلية كان عارف انه ولد مش كويس و دا خوفني اكتر يمكن يفتكره اني بنت مش كويسة عشان كنا قريبين بذات انه كان قايل لصحابه اننا كنا سوا و دي كانت كوابيسي مكنتش عايزة حد يعرف كنت مضايقة ان اللي حواليا عارفين بسببه ما بالكم بحد ميعرفنيش هيقول عليا ايه؟ بعدت عن كل الولاد ساعتها و هو تجنبته تماما و كنت بحاول ابين ان كل حاجه طبيعي و لو حد سألني دا كان مجرد صديق صحابي القريبين اوي هما اللي وقفوا جمبي ساعتها و ساعدوني اعدي المحنة دي مكنتش حكيالهم تفاصيل عشان محرجه و عرفت انه اللي ربنا ستره ميفضحش نفسه احسن بس مكنتش قادرة كنت بعيط كل يوم و كنت حاسه اني اقذر شخصية ف الكون كنت محتاجة حد يسمعني و يقولي حاجه تواسيني حكيت لواحدة بس كانت اقرب حد ليا و قالتلي كلام فرق معايا قالتلي بصي انتي مش غلطانة لوحدك ليه شايفة نفسك كدا هو عليه الغلط الاكبر هو كان بيجرجر فيكي و لعب بدماغك و اي اتنين يختلوا ببعض الشيطان ثالثهم و انتي عملتي حاجه مفيش ناس كتير بتقدر تعملها سبتيه و بعدتيه و قربتي من ربنا غيرك كتير كانت هتفضل و تكمل عادي و مكنتش هتحس بالذنب كدا و خايفة من الناس ليه ؟ لو شافوا دلوقتي هيقولوا دا هي بعدت و هو بيجري وراها هي مبتكلمش ولاد اصلا و فحالها و هو بيجري ورا دي و دي و كله عارف سمعته و صحبتي التانية حكتلي عن سر مشابه ليها عشان تبينلي ان كله بيغلط و محدش ملاك زي منا فاكرة و ان محدش ليه حق يحكم عليا و هو ميعرفنيش و هي مكنتش يبان عليها تعرف ولاد اصلا ! و في واحد قالي ان الناس هيعرفوني لما يتعملوا معايا و ان هو كان اصلا فاكر الولد المسيحي دا كويس عشان انا اعرفه الناس دي كلامها اثر فيا جدا مع انهم ميعرفوش الحكاية كاملة بس وسوني جدا بس مازلت بفكر اروح لدكتورة نفسية عشان اقوي ثقتي بنفسي و مهتمش لكلام الناس و اخيرا انا اتعلمت بالطريقة الصعبة اني لازم اقرب من ربنا و لما قربت ارتحت و اكتشفت اني مكنتش عايشة بس للاسف الذنب دا مازال ملازمني و محسسني بالخوف خايفة من اللي حواليا دايما و يا تري هقدر اقابل حد يحبني بجد و لا هفضل احس بالنقص و الذنب معرفش اتمني محدش يحكم عليا عشان انا عارفة غلطي و اتعلمت منه كتير يمكن دي اكتير عقبة غيرتني للاحسن انا بس كان نفسي افضفض و انا عامة شاطرة ف دراستي و مش كل اهتمامي الحجات دي ف بحاول اركز دلوقتي اني اخلص و امشي من المكان دا عشان احس اني تمام انا هخلي النصائح ظاهرة عشان لو حد زي حالتي يقراها يمكن تنفعه شكرا لو وصلت لحد هنا❤️ ...عرض المزيد

0 الدعم

0 نصيحة

Apple_74141 🇪🇬

مستمع جيد تحت أمر الجميع

مستمع جيد جدا .من لديه اي مشكله يكلمني تحت امر الجميع .------------------------------------------ ددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددددد ...عرض المزيد

2 الدعم

1 نصيحة

Lemon_73746 🇪🇬

يوم صعب ومش عارف أتزم في المذاكرة

انهارده يوم صعب يوم صعب بادي بقله نوم تفكير زايد عدم التزام في الكورسات افتكر ذكريات سيئه علاقه قديمه خلصت دماغي تسرح وتجيب وتودي طب ياتري هنوصل طب أنا لازم انتقم منهم واعرفهم اني قوي وناجح وهنجح اكتر واكتر طب نسكرول شويه عاليتيوب طب نحاول نذاكر شويه فالاجازه عشان تتحسن مفيش..طب قوم اعملك حاجه لنفسك عشان تفلح ...يوم مملل ولكن الحمد لله اللي جاي احسن بإذن الله كدا كدا كلنا بنقع وبنقوم المهم نقوم تنصحوني اعمل اي عشان التزم في مذاكره الكورسات واهتم بنفسي !؟ نفسي انجح واكون شاطر في مجالي بس نفسي مسوحاني وبصعب علي نفسي الأمور وبستصعب المشوار الطويل ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع