الطلاق أسوء حاجه في حياتي.. وطفلي ضاع

Q: زهقان مرعبه وعايز أتخطى حياتي.. إيه الحل؟

انا عايز اتخطى حياتى اعمل Skip بجد يمكن الاقى حاجه مهمه او تشدنى شعور انك عارف ناس كتير ومحدش قريب منك دا سئ انا بقيت عايز اختفى من حياتى يمكن تكون احسن والله الفكره انى راضي و الحمدلله على كل حال و عارف ان اى حاجه بتحصلى هى الخير من ربنا وانى اكيد فى نعمه بس انا زهقان لدرجه مرعبه و مش عارف اعمل ايه او ايه اللى يخرجنى من الحاله دى

Question

اكتر حاجه شوفتها و عيشتها في حياتي الطلاق….الطلاق ده اسوء حاجه ممكن تحصل ل طفل ابوه و امه انفصلو و اطلقو حتي لو هما صحاب حتي لو هما بص بيسيت فريند الابن بيضيع 
مبالك بقي بالي عايش مع امه و في مصانع الحداد بينها و بين ابوه و ابوه يطلع راجل وسخ و يبيعك لحد ما يبقي عندك ٢٢ سنه و امك تبيع الي وراك و الي قدامك و في الاخر جاي عايز نتعامل معاه كويس و في الاخر انت مش طايقه و في نفس الوقت مش عايز تغضب ربنا…..طلاق الاب و الام بيخلي الطفل مش سوي نفسيا مهما حاولت الام او الاب في ده ….عمره ما بيكون عنده الشغف للحياه و بيكون نفسيتي متدمره و فيها جانب مظلم محدش شايفه مهما قعد يهزر و يضحك و يمثل انه كويس محدش بيشوف النص الي جواك مهما كان الشخص فهمك ….اكيد ربنا له حكمه في كده بس بيصعب عليا حالي لما بشوف الابهات بتساعد عيالها انهم يشغلوهم و يعملولهم حاجات و اجي اتكلم مع حد يقولي اعتبره ميت ….يا ريته كان ميت علي الاقل الواحد يستفاد منه ب حاجه

Durian_52455 🇪🇬 · Answer

لو تخيلت اسوأ سيناريو فى الحياة مش هيكون سيناريو حياتك.. لإن فيه اسوأ منه
نُكرانك للعالم ونظرتك السوداوية هتفضل محفورة جوا عقلك طول ما إنت بتغذى عقلك بنفس الكلام الوحش عن والدك و والدتك!
انت دلوقتى بقيت شاب عارف الصح من الغلط.. الحلال من الحرام
هل ده لوحده مش نِعمة ؟
طيب صحتك اللى بمقام ٣٠ راجل عدوا الأربعين سنة… ده لوحده مش نِعمه ؟
كون إنك قادر تشوف بعينك
وتسمع بودانك
وتتكلم بلسانك.. ده كله مش نِعمة؟

Durian_52455 🇪🇬 · Answer

كون إن ربنا حطك فى إبتلاء خارج عن إرادتك، ده مش معناه إنك تشيل ايدك من الدنيا كلها
وتحط كل الحِمل على أشخاص اللى لولاهم مكنوش جابوك للدنيا
فين دورك إنت ؟

متكلمنيش عن تأثيرهم السلبى عليك، كلمنى عن ازاى قدرت تحمى نفسك من أذاهم

Durian_52455 🇪🇬 · Answer

وبلاش تعيش دور الإبن اليتيم، لإنك مش مُدرك نعمة ان والدك ووالدتك يكونوا "عايشين" حتى لو هم اسوأ خلق الله!
عايز تبص لأبهات غيرك وتكون ناقم على النعمة اللى بين ايدك.. براحتك
بس عُمرك فى حياتك ماهتكون راضى طول ما إنت بتبص تحت رجلك

معلش وآسف إن كلامى قاسى جدًا عليك، بس ده الأسلوب الوحيد اللى اقدر اقولهولك للأسف، خوفًا عليك من بطش الدنيا لو استمريت بنفس العقلية دى

Blueberry_52260 🇪🇬 · Answer

بص الحياه ممكن متكونش عادله بس ربنا اسمه العدل ربنا سبحانه و تعالى عادل عمره ما بيظلم عبد من عباده، ربنا بيختبر كل حد فحاجه معينة و مش بيختبره فيها الا و هو عارف ان الشخص ده قدها و هيقدر يتحملها و يعديها ، كلنا هنا في دار ابتلاء و كل واحد بيبتلى بحاجه تانيه غير التاني ، و كل واحد ربنا انعم عليه بنعم مش موجوده عند غيره

Strawberry_40306 🇪🇬 · Answer

ف كلمتين كدا عشان نلخص
بالظبط دي الحياة لما جت عليا فترة شبهك كنت هنتحر بس مكمل ف الدنيا و هعمل إللي عليا
ربنا إللي جابني و هوه إللي هياخدني خلصت

Chilli_31943 🇪🇬 · Answer

كنت بسمع ديما الي ايده في المياه مش الي ايده في النار بس اول مره اشوفها

Durian_52455 🇪🇬 · Answer

ربنا هو اللى هينقذك... ده لو إنت عايز تنقذ نفسك