بصوا يا جماعة، أنا عايزة أخد رأيكم في موضوع محيرني جدًا. زمان من فترة كنت بكلم ولد، والعلاقة بيننا كانت متطورة شوية… بس مش لدرجة الحب الكبير اللي من غيره مقدرش أعيش، لأ، هو كان مجرد ارتباط بسيط أو تعلق عادي. فجأة كده عرفت إنه اتجوز، ومن غير أي مقدمات اختفى وسافر. وقتها قلت خلاص، كل واحد في طريقه وربنا يكرم. المهم، بعد فترة مش قصيرة، سمعت إنه طلق مراته ورجع. ما اهتمتش قوي، لأني كنت خلاص قفلت الصفحة دي. بس اللي صدمت فيه إنه لسه بعتلي دلوقتي رسالة بيقولي وحشتيني. أنا بصراحة اتلخبطت جدًا، مش عارفة أرد ولا أتجاهل ولا أتعامل إزاي. جزء مني بيقولي: إنتي ليه تفتحي باب قديم ممكن يرجعلك وجع مش ناقصاه؟ وجزء تاني بيقول: يمكن اتغير فعنمان أو عايز يصلح. أنا دلوقتي بجد محتاجة رأيكم: أتعامل إزاي؟ أدي له فرصة يوضح قصده ولا أقطع الموضوع من أوله؟

0

21