ازاي أحب نفسي وأتخطى احساس الكره ده؟ 😢

Question

ازاي احب نفسي ياجماعه انا حاسه اني متحبش ابداا فقدت الثقه في الناس كلها حتي اولادي بقعد اقول بكره يكبروا ويكرهوني 
وجوزي اقول هياخد وقته ويبعد عني ويكرهني زي مابشوف كره في عين اهلي 
اعمل ايه عشان اتخطي الاحساس بالكره ده
ولما بلاقي حد من اصحابي حاببني اققول في نفسي بكره يكرهني 😢

Apple_38269 🇪🇬 · Accepted Answer

اهتمي بنفسك ونظافتك الشخصية دايماً واتعلمي ازاي تظهري بأجمل صوره قدام قرايبك او جوزك عشان نفسك اولاً ومتستنيش حتى كلمة حلوة من حد اتخيلي نفسك أميره وليكي مكانتك يعني دايماً قولي لنفسك انك تستاهلي كل حاجة حلوة وكل ما حد يعلق على حاجة قولي تحفه عجباني وطظ في اي حد وبكدا ثقتك هتبقى مليووون لان كلنا حلوين اصلا وشاطرين والناس لما يلاقوا ان ثقتك عاليه هيحترموك ومحدش هينتقدك💗

Apple_38269 🇪🇬 · Answer

من الآخر متستنيش كلمة حلوه او وحشه او رأي او حب حتى كره من اي حد في اي حاجة تخصك واللي يكلمك قوليله مش مهتمه

Nutella_39492 🇪🇬 · Answer

الحمد لله انا موظفه بس بجد خزلان الناس وحش جداا

Marshmallow_29286 🇪🇬 · Answer

شوفي اولا محتاجه ثقه في نفسك الاول ثم يبقى عندك ثقه في الي حواليكي.
يكرهوكي ليه؟ ايه العيب الي فيكي؟
بتعامليهم حلو بتتقي الله في اولادك وفي جوزك بتعمليلهم كل الي نفسهم فيه، بتلبي احتياجات جوزك من كل حاجه، صحابك لما حد منهم يحتاجك في حاجه بتقفي جنبه، وهكذا.
انتي نفسك شخصيه كويسه محترمه نضيفه من جواكي كل ده يخليكي واثقه من نفسك ان ليه اصلا يكرهوكي فجأه؟
انتي تستاهلي تتحبي من غير حاجه..

Nutella_39492 🇪🇬 · Answer

بكون حلوه اووي وكله جمبي وفي اققرب مشكله. التربيزه تتقلب عليا واتظلم ومحدش يسمعني ويصدقوا حاجات استحاله اعملها لدرجه اني معنتش بدافع عن نفسي في حاجه وبحزن ان متصدق فيا كده 
وانا كنت معاهم نيتي صافيه وكويسه وفاتحالهم بيتي واي وقت يحتاجوني بيلاقوني 
بس دايما بيبصوا لحته اني موظفه واخويا يقولي انا وصلتك للوظيفه عشان هو كمل تعليمي بعد بابا

Nutella_39492 🇪🇬 · Answer

انا بابين اني واثقه في نفسي ومش بظهر ضعفي لحد وانا في الاساس متكسره من جوايا

Marshmallow_29286 🇪🇬 · Answer

اهتمي انتي بنفسك اعملي الحاجات الي بتحبيها وبتبسطك متستنيش ان حب الناس ده الي يعملك قيمه ويخليكي تحبي نفسك بالعكس انتي حبي نفسك الاول لأنك شخصيه كويسه وفيكي صفات حلوه مش بتكرهي الخير لحد مش انانيه مش بتحسدي وغيره صفات عديها.
وعدي بردو عيوبك واعرفي ايه المشكله وصلحيها

Marshmallow_29286 🇪🇬 · Answer

بصي انك تبقي طيبه كويسه من جواكي وبتساعدي كل الناس مش معناه انك تبقي عبيطه لامؤاخذه وانك تسكتي عن حقك.
طالما حقك يبقى لازم تاخديه والحق بيتاخد بالعافيه مش بالذوق محدش هيديكي حقك بالذوق
الي يقولك كلمه رديهاله ب عشره خليه يسكت ويتكسف
ولو اخوكي بيذلك عشان وظيفه خليهاله وشوفي وظيفه تانيه.
والثقه دي بقى لازم تبقى نابعه من جواكي مش مجرد تمثيل لا انتي فعلا من جواكي واثقه