أدمنت العادة السرية ٥ سنين ومش عارفة أبطل

Question

انا مكسوفه من الي هقوله بس انا ادمنت العادة السرية بقالي ٥ سنين بعملها شبه يومي وحاليا بعملها ٤ او ٥ مرات في اليوم وكل تفكيري في اليوم بيكون فيها وبس ارجوكم محتاجه حل لاني بجد تعبت ونفسي ابطل لما بحاول ابطلها بكون متعصبه وبعمل مشاكل مع اي حد في وشي وطول ما بعملها بكون هادية ومبسوطه😩😫

Coffee_57654 🇪🇬 · Accepted Answer

قتلتي الفراغ انتصرتي ... مع الوقت العاده السريه  بتبوظ مركز المكفاءت في المخ و مخك مش هيفرز دوبامين زي الاول و مع الوقت هيجيلك اكتئاب و نسيان و ضبابيه في المخ ... اقري عن اضرارها و انتي تعرفي قد ايه هي مهلكه ... علشان تتخلصي منها لازم تبعدي عن القعده لوحدك و تدوري علي حاجه تشغلك و تملي عليكي حياتك

Apple_59271 🇪🇬 · Answer

انتى كام سنه

Mango_59564 🇪🇬 · Answer

عموما لو عايزه مساعده ممكن نتكلم عادي. لإن  محدش هيقدر يفيدك في كومنت علي بوست

Apple_59577 🇪🇬 · Answer

ادعي ربنا ان هو يعينك واستبدلي العادة بعادة تفرحك او تديكي كمية الدومبامين اللي انت متعودة عليها وياريت متكونش فيها ايحاءات  ومتقعديش لوحدك كتير  ومتحطيش في دماغك انك مش هتقدري تبطلي ده كله بمزاجك انت محتاجاها عشان تسدي الفراغ العاطفي بس ممكن تسدي احتياجك العاطفي من روايات رومانسية محترمة على واتباد

Onion_59576 🇪🇬 · Answer

بصي لازم الأول تفرقي ما بين انتي بتعملي عادة سرية عشان عايزة تعمليها ولا بتعوزي تتفرجي علي شئ مثير ثم تعملي عادة سرية 
لو بتعمليها لمجرد انك عايزة تعمليها، تتكلمي مع معالجة نفسية و تشرحي لها الوضع لانها هتساعدك افضل من اي حد و هتفهمك جدا جدا صدقيني لان دا تخصص اصلا في العلاج النفسي 
اما لو بتتفرجي علي شئ مثير ثم تعمليها فانت محتاجة تروحي  لمعالجة نفسية بس  بسرعة و مش تقولي ادمان المعالج هو من يقول

Pistachio_56152 🇪🇬 · Answer

في ابلكيشن اسمه واعي نزليه هيساعدك

Apple_59577 🇪🇬 · Answer

واستعينوا بالصبر والصلاة

Banana_49508 🇸🇦 · Answer

فعلا زاي ماقال كوفي قتل الفراغ انتصار

Strawberry_39895 🇪🇬 · Answer

الحل في الفراغ طول مانتي مشغوله مش هتفكري تعمليها

Marshmallow_57721 🇪🇬 · Answer

طيب ايه نصيحتك معلش ممكن تقول

Carrot_59580 🇪🇬 · Answer

انا كمان

Mango_58587 🇪🇬 · Answer

ولا هتفيدها لما تتكلم

Cookies_56544 🇪🇬 · Answer

استخدمي ابلكيشن واعي هيفيدك كتير ، هو ابلكيشن فكرته الانتصار على ادمان الاباحيه و العاده السريه

Avocado_59561 🇪🇬 · Answer

العصبية والتوتر دول من أعراض انسحاب نقص الدوبامين... فاقري عن اعراض انسحاب العادة السرية علشان تبقي فاهمة المشاعر اللي بتمري بيها وتعرفي تتعايشي معاها لحد ما تبطلي باذن الله

Marshmallow_58142 🇺🇸 · Answer

ملهاش علاقه كنت ببقى مسحول ف الشغل اكتر من ١٢ ساعه وباجى بليل حرفيا مافيش حيل بس نفسيا محتاج حاجه تهون فالشيطان كان بيخلينى اعملها وساعتها احسن ان كان حد طبطب عليا .. اللى خلانى شبه بطلت هو الصلاه والصيام والخوف انى اموت وانا عاملها هل مش بنتكس لا طبعا بيحصل بس بقى قليل بالشهور ببقى متماسك رغم ان الفكره بتيجى بس بجاهد فالموضوع مش فراغ بس

Pistachio_52720 🇪🇬 · Answer

دا تسكين لى الم عندك … حاولى تدورى جواكى عن مشاكل الطفولة

Mango_59499 🇪🇬 · Answer

وانا كمان

Waffle_59213 🇪🇬 · Answer

اول حاجه البعدي عن اي حاجه بتثيرك خالص تاني حاجه اشغلي وقتك بمسلسلات طويله او هوية مفضله انزلي واخرجي كتييير متفضليش قاعده في البيت وقربي من ربنا ده اهم حاجه احنا بشر بنقوم وبنقع بس لازم نقوم ونقرب من ربنا وربنا يهدينا جميعا

Toast_57636 🇪🇬 · Answer

بصى دورى على حد قتلى وقتك معاه وتحكيله مشاكلك وتدورى على اللى بيفرحك وينسيك الهم دا