أخويا بيعاملني زي الخدامه والله بكره حياتي!

Banana_40578 🇪🇬

منذ شهر واحد

شعور محبط

يجماعه بالله عليكم تقوليلى حل لسه بحكى من شويه ان اخويا بيعاملنى زى خدامه والله بقيت اكره اوحش انسان شوفته فحياتى قليل الادب ممكن يضربنى ويشتمنى اوحش شتايم والله بيعاملنى كانى لسه عيله وابويا وامى اسكتى وخلاص عشان مش عايزين مشاكل وهو بس برد بقول وانا خارجع الطرحه مفيهاش حاجه جاى بليل يقول الطرحه مبينه شعرها والله يجماعه انا فحالى ولبسى كله واسع بجد وفحالى جدا جدا حتى مبخرجش من البيت لسه هنزل الشغل قريب بس بجد بكره بخاف توصل ان انا ادعى عليه اعمل اى بجد وكل مره بنسى واعدى وبيطلعنى قليله الادب وبرد وانا مع العلم متخرجه وعندى ٢١ سنه

خايفة أظلم الشاب اللي اتعلقت بيه.. أعمل إيه؟

السلام عليكم انا اتعرفت علي شاب هو اصغر مني بسنه هو تالته ثانوي وانا اولي جامعه اتعلقت بيه سالت سؤال لو جه حد اتقدملي رد فعلك هيكون ايه قالي لو انتي موافقه مش هقدر اعترض لاني مفيش في ايدي حاجه وانا مش عارفه اتصرف ازاي قلتله مش هيبقي في بينا كلام غير لما يكون فيه رسمي المشكله اني خايفه اكون بظلمه لانه ليه مش عارف هو عايز ايه افيدوني ...عرض المزيد

3 الدعم

11 نصيحة

مشكلتي مع اخواتي وأنا مكسورة نفسياً

عاوزه احكي مشكله اتمني حد يسمعني لحد الاخر ويرد عليا واسفه اني طولت جددااا احنا دلوقتي 4 بنات انا رقم 3 هقولكوا الدنيا بالنسبه ليا مع كل واحده من اخواتي عشان تعرفوا تحكموا اول واحده دي الكبيره ومتجوزه ومشيت بدري اوي كنت انا لسه صغيره بس الصراحه كانت ام تانيه لينا كلنا طيبه واخلاق وزوق ربنا يخليها لينا ويبارك ليها في عيالها ويخلهوملها هي فعلا معني كلمه سند في الاخوات اه مش قريبين بس لما بيحصل حاجه بتسمع ومريحه المهم تدخل علي الصغيره رقم 4 دي بقي انا حاولت بكل الطرق اني اصاحبها حرفيا كل حاجه كنت بجبها او بعملها لنفسي لازم هي معايا حرفيا لو جايبه سندوتش وهموت من الجوع لازم اسبلها لو سافرت واكلت او شربت حاجه هي مشافتها بس بردو لازم اجبلها كل حاجه بقي تيجي في بالكوا وبحاول بكل الطرق اقرب منها واسمعها وانصحها بس هي رفضاني تماما معرفش ليه المهم هقولكوا شخصيتي عشان تفهموني انا كنت طفل عندي ADHD وكهربا زياده علي المخ طبعا انا حوار ADHD معرفتوش غير لما روحت لدكتور وهو شخص ومازال موجود عموما يعني المهم طبعا دا ايامي مكنش معروف ولا كدا كان الطفل دا بالنسبه ليهم شقي وقليل الادب وكلام من دا وطبعا انا بنت وبيت كله بنات احنا كنت في بيت عيله وبيت العيله كله بردو بنات المهم كنت بتعرض للعنف اللاسري القاسي جدا لطفله 3 و4 سنين واقل كمان وطبعا دا مش في بيتنا ولا في اوضتنا لا دا كان قدام العيله كلها او في الشارع عادي قدام الناس وللعلم انا بنت بردو تاني وطبعا كميه نظرات وحشه جدا كنت بشوفها طبيعي دا هيخلق جوايا عدم امان لان خلاص انا اتكسرت بقيت شايفه نفسي متعريه قدامي واني مفضوحه قدامهم واني متهانه انا اه كنت طفله بس دا اللي فهمته من احساسي لما كبرت المهم كنت دايما بعمل لنفسي خط دفاع مكنتش بحب حد يقرب مني ولا من حاجاتي مش انانيه بس كنت بخاف ان اي حاجه بحبها تروح حتي لو تيشيرت المهم دا طبعا خله اهلي يتوقعوا اني انانيه مع اني لما كبرت شويه بقي عادي جدا جدا جدا كمان المهم طبعا الكل من رد فعلي الطبيعي لاي كائن حي هيتعرض للعنف ويدافع عن نفسه الكل بقي شايفني جاني مش مجني عليه انا اللي بقيت وحشه وبتعامل وحش واسلوبي وحش وبتاعت مشاكل وكلامي وحش مانا واحده عمر محد قالي انتي حلوه ولا حد طبطب عليا ملحوظه ابويا لما كان بيعمل كدا قدامهم للاسف مكنش حتي بيفكر يطيب خاطري كان الكل بيجبرني اروح اعتذر ليه عشان عصبته او عشان غلطت عمره مفكر مره يقعد معايا ويفهمني اي حاجه وطبعا دا عشان عمري ممريت بيه ان حد يقعد ويتكلم معايا بقي دلوقتي مستحيل اعرف ادخل في اي نقاش وبيجيلي انهيار عصبي وممكن اعيط يغمي عليا اصوت المهم عشان كدا الكل شايفني وحشه محدش فكر يقول البت دي اتظلمت البنت دي انضربت واتكسرت قدام الكل وبردو دي بنت لمعلوماتكوا مكنش اي حد في البيت بينضرب حتي لو ضربه بسيطه كان عقاب باي شئ تاني غير العنف المهم اختي بقي رقم 2 دي شخيتها متسلطه عاوزه تكون هي المسيطره وهي اللي كلمتها وماشيه وهي الكبيره وكلام من دا عمرها مفكرت تكون ليا اخت حتي بعد مكبرنا المهم واحنا صغيرين اتعرضت منها لمواقف وحشه كتير اوي اوي اقلهم لما كنت بقع في مشكله زي اي شخص كنت ببقي عاوزه اجري علي اي حد احكيله وافضفض معاه او حاجه حلوه كنت بروح كانت بتحسسني ان انا كافره اعوذ بالله حتي الحاجه الحلوه حقدها كان باين فيها اوي المهم هي بنت جوايا تجاها حوائط سد كتير اوي اوي بقت بالنسبه ليا بعبع بجد مش هزار المهم اختي دي انا طبعا مسافره عشان دراستي مش بروح عندهم غير قليل طبعا نزلت في مره هي مش عاجبها الوضع ازاي تكون في كليه زي دي وانا لا ازاي الكل فرحان بيها ازاي هي ماشاء الله ناجحه حقد وغيره وغل تروح تعمل ايه عشان توقع الدنيا تروح تتكلم في شرفي وعرضي ويشهد ربنا علي كل كلمه بقولها انا اقسم بالله مفي كلمه واحده من اللي هي قالتها صدق ولا كلمه طبعا انا الموقف دا جاب اخرته المشكله هي عشان من النوع اللي عارفه تاخد الكل تحت باطها المهم لما راحت قالت لماما واختي الصغيره طبعا الكل صدقها وصدق اني اعمل كدا وانا اقسم بالله العظيم محصل مني ولا كلمه من اللي قلته طبعا كل كلامها بالدليل اللي معايا انها غلط وكذابه طبعا هي عماله تكلمهم وتقولهم عاوزه اصالحها ومش عارفه ايه ومطلعاني انا اللي قلبي اسود ووحشه مش انا اللي اتقال عليا اني *انيه المهم انا قولت زي ماهي جات وقالت اني عملت والكل صدقها تيجي وتقول اني معملتش عشان بردو الكل يصدق اني معملتش حاجه ومش عاوزه منها غير كدا طبعا احنا بقالنا سنه مش بنتكلم وانا مش قادره اسامحها وصراحه حتي لو جات واعتذرت فات كتير اوي اوي اوي مش هقدر اسامح من قلبي اه ممكن ارجع اتعامل معاها بس مسامحه لا طبعا انا ابويا بردو وامي ظلموني كتير وكسروني وحرفيا انا دلوقتي معتش بعرف احط عيني في عين اي حد وشايفه نفسي قليله اوي اوي برغم اني الحمد لله ناجحه جدا بس شايفه نفسي قليله اوي انا مش قادره اسامح ولا ابويا ولا امي برغم انهم اقسم بالله بيعملوا حاجات كتيره اوي كويسه عشان لما كبرت دلوقتي بس مش عارفه احس بطعم اي حاجه حرفيا قلبي بقي جامد من نحيتهم بس والله غصب عني انا والله بيصعبوا عليا ومش بستحمل عليهم الهوا بس انا كسروني انا عايشه كل يوم في عذاب اني مش قادره اسامح لو جيتوا قولتولي طب ايه يراضيكي نفسي اوي ابويا يجي قدامهم كلهم زي مكسرني ويقولي انا غلطت في حقها وظلمتها وكسرتها وجيت عليها ومفهمتهاش واني فعلا اثأت تربيتها وكنت غلط وزي مكسرتها قدامكوا جاي ارد كرامته واعتبارها تاني واتمني تسامحني وتقبل اعتذاري اقسم بالله بعدها هجري عليه ابوس رجله واقوله سامحني اني شلت منك طول الوقت دا يرد ليا كرامتي يخليني اعرف ارفع راسي تاني انا كل يوم بموت من اللي بيحصل فيا من نفسي انا دلوقتي بسبب الضغط النفسي الحمد لله اللهم لا اعتراض عندي العصب الخامس والسابع والضغط والسكر نفسي والقولون العصبي ومعده عصبيه الحمد لله علي كل شئ انا نفسي حد يرد عليا ويريحني ...عرض المزيد

1 الدعم

4 نصيحة

بمر بفتره صعبه وخلافات الأهل بتوصل للطلاق

بمر بفتره صعبه جدا علاقتي باهلي مش احسن حاجه كل يوم زعيق وانا بكره الصوت العالي وبدايق منه جدا علاقه فرق السن بين الوالد والوالده كبير جدا فا ممكن دا يكون سبب انهم مش متفاهمين مش خلافات عادي خلافات بتوصل للطلاق وحاسه اننا بنتظلم فالنص وحاسه اني اكتر حد مظلوم لان المشاكل والخلافات ازدادت في فتره صعبه بالنسبالي (ثانويه عامه) انا من النوع ال بحب اذاكر وبحب المذاكره بس مبداتش السنه صح وحاجات كتير متراكمه مش بعرف اذاكر خالص بمسك الكتاب مش بكمل خمس دقايق ع بعض اتخنقت من البيت عشان بقي مصدر الازعاج بالنسبالي مش عارفه امتي هيخلصوا مشاكل وخلافات المفروض الحاجات دي تبقي بينهم واحنا منحسش بيها بس لا كل واحد فيهم عايز يطلع التاني غلطان ...عرض المزيد

10 الدعم

4 نصيحة