مش عارف اخد حقي ولا اسامح.. صراع جوايا!

Question

في أيدي أني ادمر حياة اللي دمرتلي حياتي و و خلتني لمدة 8 شهور ماشي بكلم نفسي و بلوم نفسي على كل حاجة عملتها عشانها و اول ما اتعافيت وقع تحت ايدي حاجة  ( بالصدفة والله العظيم و بدون اي ترتيب ) لو عرفتها للناس حياتها هتتدمر زي ما حياتي هي دمرتها و كل ما اجي اقول خلاص انا هعمل كدة و هاخد حقي في حاجة جوايا بتمنعني و بتخليني ارجع عن اللي في دماغي و حقيقي بعد ما كنت خلاص فكرت اني نسيت الموضوع دة بسبب اللي لقيته بقى في فرصة من دهب حقي يرجعلي و حقيقي مش عارف اعمل اية انا عارف اني لو عملت كدة هيكون حرام عليا بس كل ما افتكر اللي عملته معايا بحس اني عاوز اعمل كدة

Chilli_33643 🇪🇬 · Accepted Answer

بص يسطا كل ما تكون قادر أعفي هتفرق معاك بكره وبعدو لما تكون انت القوي سيب حقك وامشي

Chilli_33643 🇪🇬 · Answer

لو معندكش مانع نتكلم مع بعض شويه

Pineapple_30884 🇪🇬 · Answer

يسطا انك تأذي حد لمجرد انك شايل منو ده تفكير مريض حقك ربنا هيجبهولك و هتاخده من نفسك لما تبق شخص احسن متخليش الغيره تعميك لو عملت موف اون بجد مش هيبق فارق معاك لو حياتها بايظه او لا 
ففكر تاني

Marshmallow_33883 🇪🇬 · Answer

بص مش علشان الناس كانت وحشه معايا ابقي وحش معاهم ده تصرف خاطئ تماما زي ما انت فاكر الوحش الي هما عملوه هيجي وقت عليهم ويفتكروا الوحش الي انت عملتوا فيهم ويفضلوا يدعوا عليك ليه تخلي حد يفضل فاكرك ويدعي عليك ومش يسامحك حتي لو هو كان كده نص الناس الي بتعمل كده بتبقي مريضه اصلا

Lemon_27706 🇪🇬 · Answer

معنديش مشكلة طبعا اتفضل

Chilli_33643 🇪🇬 · Answer

عندك اخوات بنات في الاول ولا لاء

Marshmallow_32760 🇪🇬 · Answer

من ستر مسلما ستره الله يوم القيامة 
معتقدش انك هتحتاج حاجه اكتر من أن ربنا يسترك ف يوم زى ده ما احنا مش ملائكه وبتعمل ذنوب قد كده 
ده غير أنه زى ما قولت هيكون حرام عليك يعنى هتضيع حقك وهتشيل ذنب كمان 
الله يهديك امسح اللى عندك وحط نفسك مكانها

Potato_27813 🇪🇬 · Answer

لو انت شايف ان الشخص اللي عمل معاك الغلط شخصيه حقيره دلوقتي قدامك اختبارين اول اختيار انك ترد الاذيه و في الوقت ده هتبقا وحش زيوا عادي لان لو خنزير شخرلك مش هتشخرلوا و هيكون حقك انك ترد الاذيه محدش يقدر يلومك علي فكره و الاختيار التاني انك تعفو عنو و تكون احسن منو و تسيب حقك علي الله ياخده منو و ده علي فكره اسواء بكتير من انك تاخد حقك بأيدك لان ربنا كامل القوه و القدره و أظن أن ده أفضل و برحتك🤍

Pear_33834 🇪🇬 · Answer

العفو عند المقدرة والعافين عن الناس اعفي عنها لوجهه الله علشان انت محتاج اوي ان ربنا يعفو عنك ويرحمك وافتكر دايما ان دة علشان ربنا وعلشان ان محتاجو وبالله عليك بلاش وحقك ربنا هيجيبهولك

Lemon_27706 🇪🇬 · Answer

لا معنديش اخوات بنات

Sugar_33326 🇪🇬 · Answer

بص انك تسامح صعب بس متأذيش حد وحقق عند ربنا هتاخدو اكيد بس بصراحه انا لو مكانك كنت لعبة بيها شويه يعني اهددها باللي معايا وخليها دايما عايشه في رعب وقلق لغايه ما ارتاح انا 😂🙂

Coffee_28231 🇪🇬 · Answer

وخيرُ جليسٍ في الزمانِ كتابُ
تَسلو به إن خانك الأحبابُ.