المهم اختي ساعات بحسها بتتنمر عليا مع العلم انها بتكره التنمر و المتنمرين و العنص'ريين وكده .. و مكنتش بحس اوي لانو يعني كنت شايفة انها اختي ليه هتكون عايزة تضايقني ؟ و فعليا احنا بنحب بعض يعني و كنت بشوف اني الي مأفورة بس فمرة اتنمرت قدام اختنا و اختنا دي وقفتها عند حدها وقالتلها ليه بتقولي كده وبتاع و عدت فترة وعملت نفس الحوار تاني و اختنا برضو استنكرت الي هي بتقوله ... هو عمتا مثلا بتقولي ايه الفلح ده او انتي فلاحة ولا ايه .. و في كلمات بكون بقرأها بالانجلش فلما بقولها بتقعد تعدلي النطق لدرجة فمرة قالتلي "هو انتي ليه قاعدة تنطقيهم كده لا و بتقولي انك شاطرة فالانجلش " و المشكلة اني مش برد عشان مكبرش الموضوع يعني هي بتجيبه بهزار او فنص نقاش فمبكونش عايزة اغير القعدة وكده و ساعات بحس انها فعلا بتهزر ولو انا خدتها جد هتضايق فبسكت ... و كمان انه في فترة جت علينا كان بابا بيفضلني عنها انا بلذات وساعات مثلا مثلا ماما تسألنا اذا ذاكرنا فانا اقول اه وهي لا فماما تقولي شطورة وتضايق منها ،، فبحس اني مش هكون انا وهما عليها وبحاول استحملها عشان متشلش مني ،، بس برضو بقيت اتضايق لما بتقولي كده و برضو بحس اني الي مأفورة ويمكن هي بتهزر بس و يمكن لو رديت اجرح مشاعرها ،، واحنا برضو علاقتنا مش بقرب انها تهزر معايا كده مشعارفة اعمل ايه بجد ومظنش في حل اصلا بس حبيت احكي

3

0