تنمر عائلي

Potato_72742 🇪🇬

منذ 4 أيام

شعور مكسور القلب

Pistachio_73097 🇪🇬 لا يا جدع بص كل ما زادت الفجوه بين نفسك الحقيقه والشخص الي انت عوز تكون عليه كل ما هتتعب نفسيا الكدب ده مرض يعني اي تتعلم كل ده واهلك مش عرفن الي هو ليه مش عايش معهم مش عرفين انت رايح فين وجي منين وجبت فلوس لكل ده منين طلما هما مش عرفين

عرض الكل 7 نصيحة

عبّر عن شعورك بشكل مجهول

وانا وصغيرة كنت بتعرض للتنمر كتير من اهلي وكمان صحابي فلحظت ان اهلي بيحبوا الاطفال المميزين عن الاطفال التانيه فبدأت افكر اني ازاي ابقي مميزه فأتعلمت ارسم ومحدش لاحظني واتعلمت الانجليزي وبقيت اتكلم انجليزي بطلاقه في سن 9 سنين ومحدش لاحظ واتعلمت الماني وياباني وبقيت العب كاراتيه وبقيت احاول ابقي مميزه في عائلتي عن طريق اني اسمع اجنبي وبلاك بينك وانمي واغني واتعلم الرقص واتعلم البرمجه واكتب روايات واقرا روايات وكتب وكمان اذاكر واطلع الاوله وابقي اجتماعيه ولطيفه مع الكل ومش بكلم اولاد مع اني في سن المراهقه وملتزمه ومحتشمه بس برضوا محدش لاحظني بعد كل التعب ده ولسه عندي امل اني لو كملت اني اتعلم حاجه جديده ممكن حد يتقبلني في العالم 
بس في عمتي مش طيقاني حتي بعد مابقيت طيبه معاها بسبب انها فكراني زي اختي وبتتجاهلني وبتعامل بنات عمتي التانيه احسن مني مع انهم مش بيعملوا اللي بعملوا فبقيت احس بالوحده بسبب ان كمان امي متوفيه وابويا مش فاهمني وبقيت احس ان عمر ما حد هيحن عليا وحتي كمان بعد ما بقيت اجتماعيه كلهم سابوني ومعيش غير صاحبه واحده بس هي اللي فهماني وهي اللي معوضاني عن كل المعاناه اللي عشتها

هل من رأيكم انا صح ولا لا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_69403 🇪🇬

منذ أسبوع واحد

شعور غاضب

هو لي السيطره وفرض التحكم بقا اسموا حب وخوف وغيره لي القرف دا أنا حاسه اني في حرب مع مجتمع كامل ذكوري بنزل بوست اتكلم عن أسلوب أخويا المتشدد و القرف اللي بتعرض ليه بسببوا اللي مخليني اكرهه نفسي وجسمي و شكلي ومش بخرج من البيت بسببوا بقا هو دا الاخ الجامد الصح وانتي المتحرره والمتحرره اللي بتطلب ب أقل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_65043 🇪🇬

منذ 4 أسابيع

شعور لا مبالٍ

موضوع:

مشاكل فهم اهلك ليك

مش عارفه بس حقيقي عمر ما أهلي حاولوا يفهموني هما بيختاروا في كل موقف يقللوا مني بحس الموضوع ده سهل بالنسبهم احسن ما يقفوا جنبي يعني كان من كذا سنه حصل موقف سوء تفاهم ليا ولصحبتي لما بصيت على رده فعل ام صحبتي وأنها قالت إنها واثقه ف بنتها بس أمي ضربتني جامد مع اني معملتش حاجه وقتها قلبي انقسم نصي

Guava_65081 🇪🇬 ادعي ربنا اكتر و الجأي للصلاة.. وارد انهم مروا ب اوضاع صعبه خلتهم مش شايفين تصرفاتهم.. كلنا عندنا الاهالي دول والله.. الدنيا اهون من كدا.. و صدقيني كل دا وقت و بيعدي.. و هيبقى ليكي حياة و عيلة.. و هنا هتلاقي نفسك اتعلمتي درس ازاي تعاملي ولادك بدل ما كنتي تقسي عليهم.. هتديهم حنيه و هتعرفي تساوي بينهم.. و هتبقي ام كويسه معاهم.. دا درس والله.. اه صعب شويه.. بس بتهون

عرض الكل 29 نصيحة

Strawberry_64200 🇪🇬

منذ شهر واحد

شعور محبط

موضوع:

حد عاني من اهله قبل كده؟

انا اخواتي مش بيطيقوني او بيكرهوني ايهما اقرب. (انا الوسطانيه والبنت الكبيراللي عليها المسؤليه "على كلام ماما")( اخويا الكبير ولازم احترمه ولا اقوله لاء على حاجه)( واختي الصغيره الدلوعه وطلبهتا اوامر). حرفياً مش بيطيقولي كلمه او اي فعل، مثلاً: لو اديت رأيي في حاجه او اي موضوع يقولولي ملكيش دعوه،

Donut_64147 🇪🇬 لا متقبليش بكده خالص سواء ضرب اوجد اوهزار اعمليلهم حدود لانك حرفيا انتي احسن حد فيهم اصلا وواجيهم انهم وقت المصلحه كويسين معاكي فهميهم انك واعيه ومش هتقبلي منهم اي اهانه اومعامله غير بااحترام غير كده ميتكلموش معاكي

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

جماعة أنا عارفة ان(الذين قال لهم الناس ان الناس قد جمعوا لكم فاخشوهم فزادهم ايماناً وقالو حسبنا الله ونعم الوكيل فانقلبوا بنعمة من الله وفضل لم يمسسهم سوء)بس أنا مشكلتي يا جماعة اني ولا بعرف اتخطي كلام الناس اطلاقا وبيأثر فيا كتير بالاخص انه متكرر

أنا واحدة من الناس تعرضت لصعوبات في الولادة من وانا صغيرة بتعرض للتنمر دة اثر علي مستوايا الدراسي اهلي بدل ما يفهموا السبب قالو عليه فاشلة وخالتي الكبيرة قالت ادخل دبلوم دة من وانا لسي في سادسة وبدرس أصلا برة مصر المهم مفيش حاجة برة مصر اسمها دبلوم وكملت تعليمي عادي واخدت الثانوي وجبت مجموع عالي خالص بس صراحة مكنتش عارفة أنا عايزة ايه عشان ولا لحقت طب فأهلي قعدوا يقولو لي ادخلي معهد وانا قاعدة بقول لهم لا مش عايزة وأقنعهم وعاملين يعملوا لي ضغط لدرجة اني بقيت برجع دم وأسرتي تروح تقول للعيلة اصل هي ولا بتحب تشوف أخواتها احسن منها مع ان سبب ضغطي النفسي هنا كان بسبب ان دايما اهلي شايفني فاشلة مهما كل اللي حواليا يثبت اني شاطرة وهما دايما مركزين مع اخواتي وبس(وكنت اه يغير منهم في الحاجة دي)وهما عايزين يدخلوني معهد رغم مجموعي العالي وتيجي خالتي هي دي نفسها تقول لي انتي تدي اهلك الموقع وهما يكتبوا ليكي التنسيق وولا تساليهم خالص هما كتبوا ايه وولا تقنعيهم بحاجة او تكلميهم وتفتحي الموقع مرة واحدة تتفاجءي وفي الاخر طلعت بتقنعيهم اني ادخل اداب بس اهلي كانو عارفين ان كلامها هبل في هبل ومفيش حاجة اسمها كدة خلوني أنا احدد اللي أنا عيزاه وانا اخترت اني ادخل ذكاء والحمدلله جبتها بس منكرش ان مشكلتي دلوقتي مش عارفة هي غيرة ولا زعل علي نفسي ان اهلي مهتمين بتعليم اختي اوي ومدخلينها مدرسة خاصة وهي شاطرة ما شاء الله وخلاص كلنا متاكدين انها هتدخل طب وهي لسي في الثانوي كل العيلة بتقعد تقول ليها الدكتورة الدكتورة وانا مع اني خلاص في الكلية ولا بيقولو لي مهندسة ولا حاجة وبيقولو لي أخدها صدفة مع اني مش زي اختي في مدرسة خاصة وكله حكومي بس هما صراحة ولا يعرفوا يعني وانا الحمدلله عمري ما شلت مواد خالص فحاسة بزعل علي نفسي ليه هما مستقليين بيا الاستقلال دة كله وليه أنا بس مش اخواتي معايا كمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_26031 🇪🇬

منذ شهرين

شعور لا مبالٍ

عبّر عن شعورك بشكل مجهول

دلوقتي انا ف تانية جامعة و في حد قريبي اصغر مني بسنة ونص لكن في الدراسة في اولي جامعة ، المهم ان احنا مش بنشوف بعض غير في التجمعات العائلية بتاعت الأعياد و كان بقالنا فترة كبيرة جدا مش بنشوف بعض لأنه مكانش بيجي خالص و جه العيد الصغير اللي فات ، وقتها لما جه انا كنت بتعامل عادي لأنه اصلا بالنسبالي عيل صغير فا حصل موقف انا هزرت معاه و هزاري مكانش تقيل للدرجة لأني اصلا مش بحب الهزار التقيل ولا بتضايق منه من ساعتها و هو مسكني اليوم كله ، كل ما انطق حرف يتريق عليه و يعمل عليه حوار و انا كنت بعديله و بقول معملش حوار بس كنت برد عليه في الكلام علشان ما يعديش حدوده و جيت ساعتها غلطت نفسي و قولت انا اللي غلطانة ان هزرت معاه ممكن تكون دي طريقة هزاره فا طلاما مس عاجباني اتجنبه احسن و ما ابدأش انا حاجة ( للعلم انا بس اللي كان بيهزر معايا بالطريقة دي و بيتعامل مع الكل عادي ) جينا العيد الكبير دة قولت اكيد مش هيجي زي عادته لقيته جه بردو و تعمدت اني ما ابدأش هزار و اشوف هيعمل ايه لقيته هو اللي بيبدأ الهزار و كل ما اعمل حاجة يتريق عليها و هواره كمان بقي اتقل ، يشوفني بعدل الطرحة يقولي انتي كدة كدة وحشة و يضحك ، كان بياكل لب و عايز يحدف القشر عليا و يقولي اصل الباسكت الصغيرة بعيدة علي اساس ان انا الباسكت الكبيرة ، مامته بتقوله انت بتكلم كذ و كذا و كذا صحابك و اسم فيهم نفس اسمي يقولها لا لا كله الا دي مستحيل اكون بكلمها لا اسمها وحش ( اللي هو اسمي ) و انا كل دة ردودي في منتهى الهدوء علشان مش عايزة اعمل مشكلة و بقوله ماشي ماشي بضحك و بسكت بس جيت اخر اليوم مقدرتش و كسفاه قدامهم كلهم زي ما هو كاسفني طول اليوم و قولت لمامته ابنك محتاج يتربي يا طنط بهزار و هما خدوها بضحك و مشيوا بس حقيقي مش فاهمة هو ليه بيتصرف معايا انا بس كدا و انا بجد اكتر شخصية مسالمة ممكن حد يشوفها و عمري ما بعمل حاجة تخلي حد يعاملني بالأسلوب دة و مش بيعامل حد من قرايبنا بنفس الأسلوب الا لو دافع عني بيمسكه طول اليوم بردو تريقة . غير كدة بيجي عليه فترات يفضل يعملي لاڤ علي ريبوستاتي علي تيك توك حرفيا كل يوم اصحى علي كذا لاڤ منه  رغم ان بيكون فيهم حاجات تبع محتوى البنات ، و ايام تانية مايعملش اي حاجة خالص .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_41293 🇪🇬

منذ 8 أشهر

شعور منزعج

موضوع:

التنظير والشخص اللي دايما عايز يبينلك انه جامد

Pineapple_45749 🇪🇬 ده بيبقى مرض وأحسن حل التجاهل

عرض الكل 3 نصيحة

عبّر عن شعورك بشكل مجهول

عندي في العيلة شخص مش بكرهه بالعكس من اقرب الأشخاص لينا بس بجد الصفة دي فيه صعبة جداً 
هي دايماً مش عايزه حد احسن منها هي و ولادها ، من زمان ومفيش قعدة غير لما بتعلق على تصرفات كل الناس اللي قاعدين وكمان لما بيمشوا ، الأول كانت تفضل تعلق على تصرفاتي والنقاش دايماً لازم تكون هي الصح فيه مع ان اوقات لا دين ولا عقل بيقول كده بس بجد مبتعترفش ان هي غلطانة ابداً وفي نهاية النقاش لازم تقلل من اللي بتكلمه طالما متفقش معاها ، مكنتش بعرف ارد في الاول واوقات كنت بحاول اغير من نفسي عشان ارضيها لكن دلوقتي ادركت ان هي اللي غلط ف دايماً بقيت في خلاف معاها أنها مش عاجبها اني بمشي بدماغي وبعمله وهي مش راضية عنه ولما نتناقش في حاجة تحاول تقلل مني ف بقيت اصدها ، ف حالياً هي بقت متعلقش على تصرفاتي ، وفيه فترة عيشنا سوا في بيت واحد انا واخواتي معاها هي وجوزها و ولادها ف بجد كرهت اخويا في حياته من كتر التنظير ومقارنات بينه وبين ولادها مع ان بجد اخويا ده بيحاول يرضيها دايما لكن هي فظيعة واوقات توصل بيها انها تكدبه قدامنا كلنا وماما تدافع عنه اوقات واوقات تزعقله بسببها ، الفترة اللي كنا فيها في بيت واحد دي احنا بجد مكناش مرتاحين ابداً وكنا حاسين ان كل حركة بنعملها متراقبين فيها وهي مستنيانا نغلط عشان تنظر علينا وبجد بقيت احس ان ده مرض لدرجة انها بقت تعمل كده مع ولادها مؤخراً وبتتكلم عليهم مع كل الناس وخصوصاً ابنها الكبير وبسبب انه يعتبر اخونا وقريبين من بعض قالنا انه مبقاش يطيق يسمع صوتها حتى ، ده غير ان من زمان اوي كانت تعلق على اسلوب تربية ماما وخالاتي كلهم وتفضل تقول انا لو ابني عمل كده هعمل فيه كذا كذا وتلف الدنيا و ابنها يعمل كده واوحش من كده ومع ذلك متعترفش انها غلطت برده
ولازم دايماً تبين انها أجمد انسان في الدنيا اللي هو يكون حد فينا عمل حاجة هو شايفها انجاز وفخورين بيه تفضل تقلل من اللي عمله واللي هو ده انا عملته من زمان اوي ودايماً تبقى عايزة الاهتمام كله يكون على انجازتها هي بس

Avocado_38426 🇸🇦

منذ 9 أشهر

شعور مكسور القلب

Coffee_37463 🇪🇬 ما انتي حاولي تبعديها عنهم شويه وعلميها تتعامل كأنها زيهم وكده علميها اللغه يعني وانشاء الله كل حاحه تتعدل

عرض الكل 8 نصيحة

عبّر عن شعورك بشكل مجهول

جماعه عندى مشكله بنتى عندها 5 سنوات بتتعرض للتنمر والضرب من ولاد وبنات عمتها بداءت المشكله من سنه ونص من بنت عندها 15 سنه وحت اخوتها على بنتى من يومها بنتى مل اسبوع بتضرب منهم لما نتجنع عند حماتى هما كلهم مش مصرين انا بس المصريه الى بنهم وبنتى بتتكلم مصرى زاى بقول يمكن عشان حسين انها مختلفه عنهم ده غير طبعاً التريقه على كلامها هى فى المدرسه كل اصحبها بيحبوها بس مشكلتى مع اطفال العيله بس بنتى بطبعتها هاديه جداً مبتحبش الصوت العالى ولا الصراخ وعندها الضرب ده حاجه عيب اوى وحرام وانا مبسوطه بيها كدا بس لما الموضوع عيال عمتها ده وانا مخنوقه بنتى مش بتعمل حاجه غير انها بتعيط اخر ما اتخنقت قولتلها الى يضربك اضربيه بتقولى لاء لازم نبقى اصدقاء 🤦🏼‍♀️ وعمتها بيبقو شيفين عيالهم ومش بيتكلمو وهى عندها سنه ونص ابن عمتها كان 7 سنين زقها من مكان عالى قصد لان انا شوفته قبلها ولحقت البنت فى وقتها وقولتله متعملش كدا عشان هتعورها زقها وانا غفله عنها بنتى درعها اتخلع واتكسر وقعدت شهر فى الجبس وهى بيبى سنه ونص وامه ولا قامت اطمنت على البنت ولا حد اتحرك من مكانه انا دلوقتى اعمل ايه عيزا حد يفدنى اتصرف ازاى انا جبت هدايه والعاب خليت بنتى توزعها عليهم وبوديهم مع بعض ملاهى حتى بنشترك كلنا ونجبلهم نطيطه فى البيت عند حماتى العيال يقوللها متلعبيش معانا ابونا الى دافع حقها وعلى فكره هما كبار وفهمين عشان محدش يقول اطفال اصغر طفل فيهم 8 سنوات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_16423 🇪🇬

منذ 11 شهرًا

شعور مهتم

المهم اختي ساعات بحسها بتتنمر عليا مع العلم انها بتكره التنمر و المتنمرين و العنص'ريين وكده .. و مكنتش بحس اوي لانو يعني كنت شايفة انها اختي ليه هتكون عايزة تضايقني ؟ و فعليا احنا بنحب بعض يعني و كنت بشوف اني الي مأفورة بس فمرة اتنمرت قدام اختنا و اختنا دي وقفتها عند حدها وقالتلها ليه بتقولي كده وبت

عبّر عن شعورك بشكل مجهول

هو عمتا مثلا بتقولي ايه الفلح ده او انتي فلاحة ولا ايه .. و في كلمات بكون بقرأها بالانجلش فلما بقولها بتقعد تعدلي النطق لدرجة فمرة قالتلي "هو انتي ليه قاعدة تنطقيهم كده لا و بتقولي انك شاطرة فالانجلش " و المشكلة اني مش برد عشان مكبرش الموضوع يعني هي بتجيبه بهزار او فنص نقاش فمبكونش عايزة اغير القعدة وكده و ساعات بحس انها فعلا بتهزر ولو انا خدتها جد هتضايق فبسكت ...

و كمان انه في فترة جت علينا كان بابا بيفضلني عنها انا بلذات وساعات مثلا مثلا ماما تسألنا اذا ذاكرنا فانا اقول اه وهي لا فماما تقولي شطورة وتضايق منها ،، فبحس اني مش هكون انا وهما عليها وبحاول استحملها عشان متشلش مني ،، بس برضو بقيت اتضايق لما بتقولي كده و برضو بحس اني الي مأفورة ويمكن هي بتهزر بس و يمكن لو رديت اجرح مشاعرها ،،

واحنا برضو علاقتنا مش بقرب انها تهزر معايا كده مشعارفة اعمل ايه بجد ومظنش في حل اصلا بس حبيت احكي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_18101 🇪🇬

منذ سنة واحدة

شعور محبط

بتتعاملوا ازاي مع العيله الي مش سويه ؟ بدأت اسأل نفسي أن لو كنت زيهم مش سويه ومؤذيه كان ممكن اعرف اعيش عادي مش طبيعي أن يتقالي أنا هأذيكي كل شويه صح ؟ بيحالوا يوقفوا حياتي ب اي طريقه و بينجحوا يعني بالمناسبه قولولي بتتعاملوا معاهم ازاي يا حبايب ومحدش يقول مبنتعاملش علشان مفيش فرصه متعاملش معاهم مش

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_14901 🇪🇬

منذ سنة واحدة

شعور Not great 😕

تنمر عيلتي عليا من وانا طفله عشان تخينه مقلل ثقتي فنفسي اوي مبقدرش اشوفني حلوه و طول عمري بقول محدش هيبصلي حتي بعد ما اتخطبت شايفه نفسي مش حلوه و خطيبي حاسس بقله ثقتي بنفسي و بيحاول يزودهالي بس كل المحاولات بتفشل

Mango_13653 🇪🇬 اول حاجه كده لازم تحبي نفسك ف كل شكل ولازم تبني ثقتك ف نفسك شويه وتفكك من كلام اي حد ميأثرش عليكي بذره اصلا طالما انتي عاجبه نفسك خلاص ف داهيه اي راي الموضوع هياخد وقت ااه بس بعدها مش هتتاثري وبعدين مش بالشكل ولا بالجسم ولا اي حاجه من ده بال جواكي بطبعك وقلبك اخلاقك دي اهم حاجه وال احنا بنحب الناس منها رجعي ثقتك وحبي نفسك ي حبيبتي انتي جميله ف كل الاوقات

عرض الكل 31 نصيحة

Almond_56393 🇪🇬

صراعات جوايا وخوفي من الفشل

جوايا صراعات كتير قدامي اختيارات احلاهم مُر او أحلاهم اني مستسلمش واخد مهدئات عشان أقدر أكمل بحاول اغير حاجات كتير ف حياتي ، والتغيير المرادي عنيف لإنه في كل حاجة.. أوقات بفكر ارجع تاني لل safe zone بتاعتي بس مكنتش عجباني حياتي وقتها ، وعشان كده بحاول اتغير.. مش عارف بتمنى أنجح وخايف من الفشل بس لو فشلت هكون رجعت لل safe zone، هل ده وحش ؟ معرفش بس انا مش راضي عن حاجة وعشان كده بحاول.. ...عرض المزيد

0 الدعم

0 نصيحة

Pineapple_51151 🇪🇬

ليه معتش عندي صحاب بجد؟ الانانية وجع

هو ليه الواحد معتش عنده صحاب بمعني صحاب انا عارف ناس كتير مفروض انهم صاحبي لكن مفيش حد معاك كان نفسي يكون عندي اخ ولد كانت هتفرق مع ان بسمع ان بيبقي ف مشاكل بنهم هو ليه الانسان اناني ومش بيفكر ف حد غير نفسه ومصلحته ليه محدش بيقف مع حد ولا ممكن انا اللي اخترت غلط مش عارف ...عرض المزيد

0 الدعم

6 نصيحة

Strawberry_73609 🇪🇬

هل البعد عن أهلي قرار سليم بعد طلاق وضرب وسب؟

انا مطلقه بدون اولاد أهلى كانو سبب الجوازة دى من كتر الضغط النفسي منهم وافقت مكملتش ٦ شهور واتطلقت وحقوقى كلها طليقي استولى عليها واتجوز على عفشي وحاجات الخاصه عملت قواضي بس لسه المحاكم حبالها طويل المشكله ف أهلى كل شويه سب وضرب فيا لدرجة الخوض في عرضي وشرفى انا عندى ٣٥ سنه قدامى فرصه انى اسافر شرم الشيخ اشتغل هناك واكون حياة هاديه هناك عايزة ابعد عنهم لأنهم حتى لما بيجيلي عريس بيعملوا حاجات مش لطيفه يخلوه يمشي انا عايزة اعرف هل لما ابعد عنهم دا قرار سليم؟ ...عرض المزيد

1 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع