حاسة بالوحدة والانبساط من صحابي بعد ما قربوا من بعض

Question

انا حاسة بوحدة شديدة انا كنت بادئة سنة جديدة دراسية و قررت اني هحاول اكون انسانة اجتماعية و اتعرف على ناس جديدة و فعلا اتعرفت على بنتين محترمين و كنت قريبة من الاتنين و بتكلم مع الاتنين بشكل متساوي و هما مكانوش قريبين من بعض اوي بعد كدة مريت بفترة صعبة و ضغط و احتراق نفسي فعزلت نفسي عن كل ناس و بعدت عن كل ناس مع بداية سنة جديدة رجعت لقيت الاتنين الي كنت مصحباهم قربو اوي من بعض و بقو بيمشو و يتكلمو و يقعدو من بعض و بقيت حاسة ان مليش مكان بنيهم مع اني رجعت اتعامل معاهم طبيعي و زي الأول بس هما قربو من بعض و بقيت انا حاسة اني منبوذة و حاسة ان كرامتي متسمحليش حتى اني احاول ارجع أقرب منهم تاني بما ان هما الي اختارو يبعدو و يسيبوني

Tomato_38019 🇪🇬 · Accepted Answer

دوري ع نفسك في نفسك يعني شوفي انتي نفسك في اي وعوزك تعملية واعملية خالص تفيكر وافعالك عكس بعض هتلقي نفسك مرتاحة

Blueberry_27226 🇪🇬 · Answer

نفس الموقف اللى حصل معايا بس اللى كنت اعرفهم مكانوش كويسين ف الحمدلله ان هما قربوا من بعض وبعدو عني 
وانتي متضايقيش طالما كانو بيستهلكو طاقتك ويتعبوكي ف بعدهم احسن بكتييير من قربهم

Croissant_39941 🇪🇬 · Answer

انا مش زعلانة عليهم هما ميفرقوش معايا الي فارق معايا نفسي زعلانة عليها انها لوحدها و يشوف الناس حواليا كل حبة عاملين شلة و انا كان نفسي يبقى عندي شلة صحاب ندعم بعض و نكون بنحب بعض بجد بحاول قدر الإمكان بردو اشغل نفسي و اصاحبها بس هو الموضوع في البداية صعب

Croissant_39941 🇪🇬 · Answer

دي نعمة من عند ربنا انه بعدهم عنك ربنا يرزقك بالي احسن منهم

Strawberry_37609 🇪🇬 · Answer

نفس الحساس 🥺

Popcorn_37087 🇪🇬 · Answer

شوفي بنات تانيه تصحبيهم وكدا

Croissant_39941 🇪🇬 · Answer

و انا كمان مشكلتي اني مش بحب الناس باعتدال الي هو لو حسيت ان الحد كويس بحبه جدا و ببقى شبه متعلقة بيه و بفكر ان الناس دي هتكمل معايا لفترة طويلة في حياتي فده بردو موضوع مأزمني😔

Blueberry_27226 🇪🇬 · Answer

وفى كل وقت صعب بس لما تفتكري انك محمية من أذيتهم هتشكري ربك

Croissant_39941 🇪🇬 · Answer

ما هو الموضوع بالنسبة لي مش سهل تقيل عليا اني اتعرف على حد جديد و خصوصا ان مفيش مواقف مثلا تساعدني اتعرف على حد جديد و كمان كلو كون جماعات فبحس بنفس الإحساس اني مليش مكان وسط اي مجموعة

Popcorn_37087 🇪🇬 · Answer

بصي هو انا بروح الدروس وبعقد لوحدي عشان مش عايز صحاب بس بلاقيهم بيتكلمو معايا وكدا يعني ف حاولي تفتحي موضوع عن الدرس أو افيه كدا يعني

Mango_35674 🇪🇬 · Answer

كبري دماغك احيانا بتبق كلنا فترات في حياه بعض انتي الناس مش ملايكه