من وانا صغيره لحد الان كل اللي بطلبو من اهلي بيعملو كل ما يخص الماديات او غيرو لبس اكل خروج اي حاجه ممكن في سني احتاجه بينفذوها والحمدلله ظروفنا الماليه حلوه جدا انا مش البنت الوحيده لاهلي في غيري خمسه يمكن دا حرمني من المشاعر والحب والاهتمام اهلي دايما بيشتغلو ومش فاضين ليا خالص بحكم برضو ان كل اخواتي ياما متجوزين يا بيشتغلو المهم دي مش مشكلتي بس حبيت اوضح البيئه اللي عايشه فيها مشكلتي حاجتين الاولي ان بقي اي رفض من اي شخص في طلب ليا بيعصبني جدا هاديكم مثال كنت انهارده في درس كيمياء اتاخرت شويه فا قاعدت في الاخر المهم طلبت من بنت قصدي تميل شويه عشان اقدر اشوف قالتلي لا انا اتعصبت صراحه جدا مع انو حقها انا اللي جايه متاخره ومفروض اتقفل اي وضع واهلي لو رفضولي طلب بسيط او اتناقشو معايا في حاجه صوتي بيعلى وبجد محتاجه حل لاني مش عاوزه اعلي صوتي علي اهلي مهما حصل بس انا بتعصب مره واحده مش بقدر افكر المشكله التانيه ان مبقاش عندي تعاطف مع اي حاجه او اي حد لو شوفت حد بياكل من الزباله عفاكم الله مش بتعاطف معاه وعاوزه حل كمان اني ابقا قنوعه باللي عندي لاني بعد سنه يعتبر هادخل الجامعه وهاقبل ناس ممكن يكونوا اقل مني في المستوي المعيشي ومش حابه احسس حد بكدا او اني بصرف جامد وبخرج وهما لا فاهمني

2

0