"عايزة أعرف.. أجيب الثقة في نفسي منين؟"

Question

كل اما اقول انا حاسة اني مش حلوة او مش شاطرة او مش اي حاجة حد يقولي خليكي واثقة في نفسك لكن عمر ما حد قالي اجيبها منين الثقة دي

Strawberry_16961 🇪🇬 · Accepted Answer

الثقه بالنفس بتيجي لمه تقعديش لمه تعملي غلط تجلدي في نفسك لانك مش أو واحد تغلطي ولا اخر واحد كلنا بنغلط بس بنحاول نتعلم منو....بتيجي لمه متسمعيش لرأي الناس في شكلك  أو اي حاجه علشان انتي جميله زي ما انتي من غير متغيري حاجه....

Avocado_16047 🇪🇬 · Answer

انا مش بسمع رأي حد اصلى لكن انا الي من جوايا شايفة كدا محدش يقول رأيو فيا

Apple_17097 🇪🇬 · Answer

انتى أتت إلى بتعملى الثقه دى لنفسك بأنك تشيلى كل التفكير السلبى ده من دماغك ومن الواضح طبعا ان مفيش حد تتكلمى معاه تخرجى كل إلى جواكى عشان كده التفكير هو إلى مسيطر عليكى

Avocado_16047 🇪🇬 · Answer

في ناس اتكلم معاهم لكن لما تيجي للمواضيع دي محدش فاهمني بيفكروا في الموضوع من وجهة نظرهم عني عشان كدا جيت هنا

Apple_17097 🇪🇬 · Answer

يبقى هما ملهمش لازمه فى الكلام معاهم أصلا لان هما كده مفيش اى اهتمام لكلامك إلى بيهتم بيفضل معاكى ويسمعك صح ومش فاهم يقولك يخليكى توضحى اكتر لكن انتى كده كأنك بتتكلمى مع نفسك

Avocado_16047 🇪🇬 · Answer

فعلا كل نصيحة بسمعها منهم بتبقي حرفيا هما هيعملو ايه لو كانو مكاني بيقولو كلام لانو سهل عليهم يقولوه عشان معندهمش نفس المشكلة مع اني مبعملش كدا معاهم انا بقدر اننا بني ادمين مختلفين رأيك اقول حاجة عن الموضوع؟ لاني بجد زهقت