مش مستعده للنقاب دلوقتي.. اتصرف ازاي؟

Question

السلام عليكم ورحمه الله وبركاته 
ابي جبلي نقاب انهارده مفجاءه بس انا بصراحه كان نفسي اوي فيه فعلاً ولما بنت عمتي اتنقبت انا كنت مقرره قبلها اصلاً بس دلوقتي رجعت في قراري لاني حاسه اني مش مستعده انا الحمدلله بلبس فساتين واسعه ومختمره وبلبس ادنيا بس لسه معنديش من الحاجات دي كتير وحاسه ان الخطوه دي هتكون افضل لما اوصل للجامعه بس،  وكمان انا معنديش خبره فاني البسه ازاي والف الخمار عليه ازاي وكده وبصراحه اتوترت اوي من المفجاءه دي 
ايه رايكم 
اتصرف ازاي.

Donut_33839 🇾🇪 · Accepted Answer

ليه راح تتأخري للجامعه يعني مو لازم تتأخري كثير البسي النقاب راح تطلعي احلى بكثير و اذا ما عندك خبره اكيد الكل راح يساعدك لأنك تبي تلبسي النقاب و مسألة انه يتأخر مو لازم يتأخر اتخذي قرار بسرعه

Cookies_31114 🇪🇬 · Answer

انا شايف تتعلمي كل حاجة من واحدة تكون منقبة او من اليوتيوب .. و دي حاجة حلوة اوي عامة

Sugar_30596 🇪🇬 · Answer

انا بصراحه حاسه انوا مسؤليه كبيره يعني مينفعش انهارده انزل بنقاب وبكره اقول لاء وانزل بخمار مش عايزه اخد قرار وارجع فيه وكمان انا لسه من فتره بدات البس لبس شرعي ف مش عندي غير اربع فساتين وخمارين والاتنين لونهم ابيض وبصراحه انا متوتره اوي من الخطوه دي

Popcorn_33653 🇪🇬 · Answer

ده خير عمل هتعمليه مافيش حاجه احسن عند ربنا من ستره النساء وجمالك هيزيد وانت لابساه

Marshmallow_33883 🇪🇬 · Answer

اول حاجه النقاب مش فرض ولازم نفهم الحته دي كويس تاني حاجه احنا لازم نتخذ قرارنا مش في يوم وليله لازم نقعد نفكر كويس جدا يا تري هيقابلني مشكله يا تري هقلعه يا تري ربنا هيقدرني عليه تالت حاجه القرار ليكي ويرجعلك لازم تاخدي القرار كويس وتفكري فيه وان شاءالله ربنا يثبتك عليه وتلبسيه صح وعلي فكره انا شايفه انك ما شاءالله ملتزمه يعني لو مش مستعده انك تاخدي قرار النقاب دلوقت ممكن تاخديه في وقت تاني

Onion_32306 🇪🇬 · Answer

اول ما جت الخطوة الصح الشيطان راح داخل على طول وطلع تبريرة 
انا لبست النقاب وانا ف ٢ ثانوي وكان احسن قرار خدته في حياتي لو لبستيه مش هترضي تقلعيه من حلاوته وان محدش شايفك ونظرة العالم اختلفت تماما ليك 
فما دام هتخدي خطوة صح خديها بدون تفكير 
انا كنت مقررة البسه رحت لابساه ونزلت 
اسمعي واتفرجي على منتقبات وغيري كل شوي في نوع النقاب لحد ما يعجبك واحد

Sugar_30596 🇪🇬 · Answer

بس انا لسه في تلته اعدادي 
انا معنديش مشكله في السن للني الحمدلله لبسه الحجاب من رابعه ابتدائي بس انا خايفه معرفش البسه كويس او معرفش اتعامل بيه كده وبقول اني لما اكون في الجماعه اكيد هتكون عندي خبره اكتر من كده وهرف ساعتها اخد القرار الصح والحمدلله ابي مش غاصبني علي بس انا اتوترت لاني في الاول كنت متحمسه وعيزاه بس دلوقتي رجعت في القرار شويه.