مشكلتي مع الثقة والفراغ العاطفي في الجامعة بعد الخمار

Question

السلام عليكم..
أول مره في حياتي احكي عن مشكلتي واللي مضايقني على ابليكيشن عامةً أتمنى اي حد عنده نصيحة ليا ميبخلش عليا بيها
أنا كنت ثانوية عامة دفعة ٢٠٢٤ و كان حلمي أخش كلية صيدلة ذاكرت وتعبت ودعيت كتييير اوي والله مكنتش بسبب ركعة مبدعيش فيها بالكلية دي ربنا واحدة شاهد على تعبي .. وعشان كدا استجابلي بس باللي فيه الخير ليا و كتبلي كلية ألسن اللي كانت حاجة لا على البال ولا ع الخاطر قعدت أول شهر في الكلية بحاول أستوعب أنا بعمل ايه ودا مش مكاني والكثير من الصياح و البكاء ..وطبعا مكنتش بفتح كتاب .. ربنا دايما رحيم بيا عشان كدا طبطب على قلبي و رزقني الرضا باللي كتبهولي وبدأت فعلا أتقبل الكلية و المشكلة مش هنا خالص .. أنا اختمرت أول ما دخلت الكلية كان في نيتي أعمل كدا اول ما اخلص ثانوية عامة لأنها سنة قربتني جدا من ربنا بس من ساعة مادخلت الكلية وانا بشوف كل البنات اللي حواليا شكلهم حلو ازاي ميكب ولبس و إن أنا كبنت ببصلهم اومال الرجاله هيعملوا ايه😂 ..  أكيد يوم ما ربنا هيكتبلي نصيبي دول اللي الولاد هتعجب بيهم .. مش انا . بحس إن الخمار مكبرني مقارنة باللي بشوفه دا .. أنا أول ما لبسته كنت طايرة م الفرحة. دلوقتي أنا حاسة بعدم ثقة حاسة إني مش جدابة مهزوزة من جوايا .. انا عارفة إنه تفكير شيطاني و إن النفس ضعيفة بردو .. وانا على يقين تام إن سنين الجامعة دي هي أكبر فتنة اللي سنه صغير يتأثر بيها .. حاجة تاني .. بشوف شلل ولاد و بنات كتير اوي في الجامعة ضحك وهزار .. عارفين شعور انكوا نفسكوا تحسوا بالاهتمام من الطرف التاني بس انتو بتخافوا ربنا اوي؟ انا عمري ما كنت بفكر في حوار الارتباط دا الحمد لله عمرها ما حصلت والله .. بس أنا بحس اللي في سني عايشين كدا وانا بزعل إني مش زيهم.. ( مع العلم أنا بستحقر جدا الفعل دا لاني بستحرم بس انا بردو حاسة بفراغ عاطفي) خاصةً إنه دايما بيييجي في بالي إن ربنا لما يكتبلي نصيبي أنا مستحيل حد يعجب بيا أو بشكلي لأنه مثلا ممكن يكون حابب اللي معاه ملفتة و لبسها ملفت .. وانا مش كدا و شكلي مدي أكبر من سني بسبب الخمار شوية..  و الشعور دا بردو نابع من عدم الثقة و الهزة اللي جوايا .. انا عارفة إني رغيت كتير بس انا مخنوقة جداا و حاسة اني مش جذابة ومعنديش حضور وحاسة اني عمري ما هحس احساس الارتباط دا بردو.. ازاي أتقبل كدا ؟ اي حد عنده كلمة تطبطب على قلبي ميتأخرش

Cherry_45941 🇪🇬 · Accepted Answer

اخيرا بقي انتي بجد جميله اوي ونادره اوي ف الزمن الي احنا فيه دا وحافظي ع جمالك دا واوعي تخلي البيئه الي حواليكي تغيرك انتي حلوه وجميله وافضلي محافظه ع نفسك وصدقيني هتخدي كل حاجه في وقتها ولما تخديها في وقتها هتحسي بسعاده مش طبيعيه متسرقيش وقت مش وقتك ولسه ربنا مش كتبه انتي جميله وربنا يديم عليكي جمالك ♥️♥️

Cherry_45941 🇪🇬 · Answer

اولا فكره انك مش ف مكانك دي غلط جدا اعرفي انك ف مكانك ومكانك الصح والي المفروض تبقي في كمان ربنا مش بيخلينا ف مكان الا لما يكون المكان دا مكانا اصلا انتي لو ع سريرك دلوقتي ف دا المكان الي المفروض تكوني فيه دلوقتي لو كنتي في الشارع بتشتري حاجه متعرفيش كان ممكن يحصل ايه ولو انتي ف الشارع دلوقتي فدا مكانك الي المفروض تكوني فيه لو كنتي ف البيت مكنتيش تعرفي كان ممكن يحصلك ايه

Cherry_45941 🇪🇬 · Answer

ف دا مكانك الي المفروض تكوني فيه اصلا الي هي الكليه الي ربنا اختارهالك

Cherry_45941 🇪🇬 · Answer

بالنسبه للخمار لو حسه انه مكبرك ممكن تلبسي واسع ومحتشم ومش مبين جسمك مش شرط خمار ممكن طرح طويل لبس واسع هي مش بالاسم اني لابسه خمار هي بالاحتشام واتفرجي ع بنات كتير لابسين واسع ومحتشم وبطرح عادي دا بالنسبه لفكره انك مبقتيش حبه الخمار وحسه انه مكبرك

Banana_45161 🇪🇬 · Answer

انا مش مشكلتي مع الكلية خالص انا كاتبة اني اتقبلتها خلاص و رضيت باللي ربنا كتبهولي جداا

Cherry_45941 🇪🇬 · Answer

بالنسبه بقي لاحساسك بالارتباط دا شئ طبيعي جدا بس اوعي تضعفي هقولك علي حاجه كل حاجه وليها وقت لو خدتي حاجه مش في وقتها ربنا هيحرمك من سعادتها في وقتها لو ارتبطي دلوقتي هتتبسطي بس مش الفرحه ولا السعاده الصح ووقت ما ترتبطي ف الحلال ربنا هيحرمك من السعاده والفرحه الصح مش انتي خدتيها غصب عني ومش في وقتك هحرمك منها ف وقتها دا بالنسبه لشعورك بالارتباط

Banana_45161 🇪🇬 · Answer

مين قال إني عايزة اقلعه؟؟ انا مش عايزة الحل دا الخمار فرض حضرتك وانا ما صدقت ان ربنا رزقني بالخطوة دي لانه اكيد بيحبني

Cherry_45941 🇪🇬 · Answer

بالنسبه بقي انك شايفه ان الشباب عاوزين يرتبطو بوحده ملفته تفكيرك غلط جدا مفيش راجل اسمه راجل هيحب يتجوز ويرتبط ببنت يمشي يفرجها لخلق الله الراجل بيخاف ع مراته والبنت الي معاه وبيبقي عاوز يغطيها ف صدقيني الولاد دي يوم ما هتحب ترتبط هترتبط بيكي انتي مش بيهم هما لانك مغطيه نفسك ومحافظه ع نفسك هو هيختارك انتي لان هيشوف انك هتحافظي عليه وهتصوني فهماني

Sugar_46960 🇪🇬 · Answer

انا لا اعرفك ولا انتي تعرفيني بس انت حرفيا حته من جنه ربنا علي الارض انتي زي القمر فعلا طبيعي تكون مهزوزه لانك في مكان كله فتن وفي اخطلات بين البنات والولاد هي الفكره ان اي واحد من اللي بتشفيهم وقفين مع البنات ده عمره ما هيتجوز وحده بتلبس ديق ولا بتبين شعرها ولا بتحط ميكب ده هيتجوز وحده عرفه ربنا ترعيه وتهتم بيه وتربي ولاده ويكوني وريها صلحه مش هيتجوزو اللي مشين معاهم اللي لبسيبن الحزق والملزق

Sugar_46960 🇪🇬 · Answer

مش هيتجوز وحده يفرجها للناس

Sugar_46960 🇪🇬 · Answer

وعلي فكره كليه السون دي جميله اووي انا نفسي ادخله والله العظيم انا انهاردا دعيت وقولت يارب اجيب مجموع يدخلني السون و ظه مكانك اللي هتسبني نفسك فيه وهتتالقي وهتبقي متميزه لان ده اختيار ربنا ليكي و ده احسن لحاجه انتي هتعملها وتكوني فيها

Broccoli_47609 🇪🇬 · Answer

ٖ

Broccoli_47609 🇪🇬 · Answer

ٖ

Coffee_42926 🇪🇬 · Answer

الصراحة انا كسلت اقرأ بس شوفت الكلمة الأخيرة اللي هي كلمة تطبطب علي قلبي ف احب اقولك انتي جميلة(انا معرفش انتي بتكلمي عن ايه اصلا)

Banana_47169 🇪🇬 · Answer

اقولك حاجه والله البنات الي بتكون لبسه لبس ملفت بستحقرها انما والله المحجبه بي لبس حلو دي والله اني بقول أنهم من الجنه وي كمان بيلفتو لانظار اوي وي احب اقولك أن البنات دي الولاد عايزه البنت المحترمه الكويسه العفيفه وي كمان هتلقي انسان كويس يتجوزك أن شاء الله وي يحتوي مشاعر

Apple_43394 🇪🇬 · Answer

ده مكانك وان وبنت وإنشاء هعمل زيك انت قدوة