أنا عندي اكتئاب ومش طايق نفسي.. بتمنى أموت

Question

أنا عندي 12 سنه .. من رغم صغر سني أنا داخل في أصعب حالة اكتئاب ومش طايق نفسي لدرجة اني بتمنى اني أموت الدنيا صعبه معايا وامي ضيعتلي ثقتي بنفسي والدنيا وحشه اوي معايا ومش مبسوط خالص أنا بتفرج على دكاتره في متلازمات بيتكلموا عليها مفيش ولا متلازمه واحده طلعت مش عندي … وانا مش بصلي وبعيد عن ربنا بس بحاول اصلي وارجع واقرب لربنا بس بحس ان في حاجه بتشدي ومش بتخليني اقرب من ربنا هل كل اللي بيحصلي ده بسبب اني مقصر مع ربنا ؟ وإزاي اقرب من ربنا عشان أنا بحاول كتير  بس مش بقدر !

Orange_61792 🇪🇬 · Answer

انت لسه صغير جدا جدا ع الكلام ده ،و ده مش تقليل منك 
انت فعلا لسه صغير عشان تعرف الاكتئاب اصلا 
متشخصش نفسك بأي حاجه ،و الحاجه الوحيدة اللي تركز عليها من خلال كلامك 
هي الصلاة ،
اسمع الاذان صلي على طول متأخرهاش ١٠ دقايق حتى ،دي خطوة ممكن تساعدك ،اي ميديا بتشوفها بتزود شعورك ده وقفها،اتكلم مع والدك و والدتك و اعتمد عليهم جدا ف النقط دي ،الانترنت كله هيضرك ف متثقش ف حد

Ice Cream_63106 🇪🇬 · Answer

اول حاجة لازم تعملها انك تدعي
ايوه اقعد ادعي لنفسك بالهداية
تاني حاجة لازم الصلاة ولو انت راجل أنزل صلى في المسجد
لازم تصلي حتى لو مش بتخشع في الصلاه
لازم تعود نفسك على الصلاه
لأنها الرابط الوحيد بينك وبين ربنا
ثالث حاجة القرآن
لازم الورد اليومي عشان قلبك يرتاح
لازم يكون القرآن جزء من حياتك
حتى لو ربع ساعه يوميا
لكن متقطعش ابدأ لان القرآن نفسية

Ice Cream_63106 🇪🇬 · Answer

اخر حاجة انت لسه صغير وقدامك فرصة كبيرة انك تكون كويس 
و اسمع الكلام وخرجه مش تخليه يأثر فيك عشان صحتك والله والناس مش بترحم حتى الاهل
وانصحك تسمع بودكاست( ايه المشكلة)
وخلي عندك صحبة صالحة
بجد في السن ده إياك تصاحب واحد مش كويس اياك
المرء على دين خليله