أحلى حاجة بقى ايه لما تيجي تكتب حاجة عن رحلتك الشخصية أو تجربة أنت اللي خضتها بناء على معرفتك انت وقناعاتك انت وتقول الحاجات اللي انت شفتها أو حسيت بيها، ويكون عندك جرأة وشجاعة تحكي انت غلطت في ايه وغلطك دا وصلك لايه.. أو تقع في مشكلة وتكون عارف السبب وتحكيه وتطلب النصيحة بناء على تجربة ناس مشيوا الطريق دا قبلك فيقوم بقى واحد متخيل نفسه وكيل نيابة الأخلاق والمتحدث الرسمي باسم البتنجان المحمر يروح داخل شاتمك، في اللحظة دي هو بيتخيل نفسه ملاك بأجنحة وبيتخيلك شيطان بقرون وديل شوكة ويصب عليك لعنات الآلهة ويطردك من النعيم الأبدي اللي هو واقف على بوابته.. وبعدين يقلع عباية وكيل النيابة ويلبس عباية القاضي وييجي يقعد في النص بين المستشارين وانت بتتحول لمتهم في القفص ولابس أبيض ويبدأ بقى يصدر عليك الأحكام الجميلة اللي طالعه من خياله الجميل.. وانت ممكن تكون أحسن منه ومن أبوه ومن عيلته كلها بس عو ما صدق لقى إنسان أشجع منه يكشف عن ضعفه الداخلي ويطلب مساعده أو يحكي قصة اتعلم منها حاجة.. أنا دلوقتي هعمل نفسي قاضي وهحكم علينا كلنا احنا أكتر ناس جياصة في الدنيا وكلنا بنجيص بس الشاطر اللي يخلي التجييصة بتاعته من غير صوت ولا ريحة 🤓🤓🤓🤓 مساء التجييص

2

0