نصيحة للبنات: متخفيش وخليكي بجحة مع المتحرشين

Question

هحكي وياريت البنات اللي هتقرا دا تبقا قلبها جامد وتتصرف كدا 
انا جسمي ملفت شوية حتي لو لبست اي جربت الخمار وللاسف قلعته لظروف غصب عني ولبسي كله فساتين عموما زي ما قولت جسمي ملفط من كل حاجه بمعني انا حلوة شوية ودا غرور عادي 😹😹
المهم انا شغاله وبخلص شغلي الساعه 8 بليل مسافة مابروح بتبقا 9 بركب المشروع عادي جدا لقيت شخص اعد جنبي وعمال يفرك وعمال يحط ايده علي رجلي حظه كنت جايبه مبرد ضوافر جديد يعني بمشي بيه لاني بحب اهتم بمظهر ضوافري روحت كسرته وغرزته ف ايده جابت دم واتعور جامد تقريبا راح قالي للسواق علي جنب ونزل ابن المرا مع العلم كنت لابسه عبايه سمرا🙂
تاني واحد كنت بردو مروحه من الشغل عادي ومشيه ف امان الله لقيت واحد جي بيقولي يخربيت...... اللي هو جسمي من فوق بالاسم روحت سحبتله شخره خليت المنطقه دي كلها واقفه تتفرج عليه وانا بشتمته وهو حلاوته بيعدي السكه وطلع يجري بس للاسف محدش ادخل ولا حد اتكلم ولا حد ف اي كله واقف يتفرج وواحد جي يقولي عيب اللي بتقولي دا روحت شخرتله وطلع يجري هو كمان 🙂
نصيحه يعني لكل بنت متخفيش وخليكي بجحه علشان الاشكال دي مش بتحب كدا بجد 🙂😚

Onion_63591 🇪🇬 · Accepted Answer

موفقك في كل الي قلتيه بس بردو انت بنت يعني عيب انك تشخري وا تشتمي بطريقه دي وا انك تقولي كده علني كده الرجاله مش هيتشدولك لما يلقوكي كده لا بلعكس مش محتاج هوا رجلين في بيت واحد تاني وا لازم فعلا محدش يدخل ما حضرتك بتشتمي اكيد شتايم محدش من الي وقفين يقدر يقلها وا الحاجه الاخيره مفيش حاجه اسمه مش عارف احكم جسمي ياما حلوين مسطورين تحت لبس الطهاره فا مندحكش علي بعض وا شكرا ❤

Coconut_41635 🇪🇬 · Answer

انا مش عارف اقول انتي جدعه ولا اقول اي انا نفسي مبعرفش اعملها

Chilli_63343 🇪🇬 · Answer

للاسف الشارع بيعلم لاني شغاله وانا 13سنه فشوفت كتير اوي وقبلت كتير اوي فطبيعي اتعلم

Ice Cream_63106 🇪🇬 · Answer

طيب نصيحة ليكي انتي بقا
اهم حاجة في الحجاب اصلا انه يخفي الزينة
واضح من كلامك انك مش بتحققي الشرط ده
عشان كده خدي بالك وحاولي تعدلي من حجابك عشان كده بتاخدي ذنبٍ
وبعدين في نفس الوقت ازاي مش بتخافي على نفسك وانتي خارجه كده
الزمن ده مرعب
خلي بالك وحسني لبسك يا جميله♥️

Chilli_63343 🇪🇬 · Answer

حبيبتي مش بقول اني بنزل بشعري ولا ببين شعري انا عرفه كويس اصول الدين والتربيه ولبسي كله واسع وحجابي مدريه رقبتي وشعري كامل مش واخدة بالك حضرتك ان الزمن دا صعب زي مانتي قولتي بتبقا منتقبه وبتتعاكس قدامي ومش بلبس ياقمر احنا زمن مفهوش رجاله

Peanut_56462 🇪🇬 · Answer

هو كويس انك مش بتدى فرصه لحد يحاول اصلاا
ولكن مش لدرجة الشخرة 😂🙂

Onion_56875 🇪🇬 · Answer

صدقني مش ب أنك محقق شروط ولالا في اجسام فعلا كده مهما كنت لابس بيبان ان جسمك ملفت في حاجات بتستخباش ف مش كله يبقى ذنبها مدام هي سترت نفسها يبقى هو بعض بصره ولو كانت مش لابسه حتى كل حد عليه باللي عليه

Onion_56875 🇪🇬 · Answer

والمال هتقوله اتفضل أعمل العايزه؟ولا هتدافع عن نفسها ؟ وانت مش بنت عشان تعرف المعاناه ف قل خيرا ام اصمت والمتحرش ده مش فارق معاه قالعه ولا لابسه لانه كده كده ابن تييت ومش متربي ولا جا بجنب شارع التربية واللي بيدافع عنه زيك يعني مع كامل احترامي ف هو ا.و.س.خ منه وشكراً

Chilli_63343 🇪🇬 · Answer

هما بيجيو بالطريقة دي الله😹😹😹😹

Chilli_63343 🇪🇬 · Answer

مين قال لحضرتك اني مستنيه حد يدخل 😹مانا سديت وعلمتهم الادب اللي محدش قدر يعلمه والله حضرتك يعني لو كل واحد يحترم نفسه انا مش همشي اشخر ولا اشتم انا مش مجنونه علشان اعمل كدا + مين قالك اني مستنيه راجل يتشدلي مش مستنيه من الصنف دا اصلا لاني مشوفتش راجل يوحد ربنا قبلته ف حياتي 
ياما حلوين ومستورين تحت النقاب وبس متعرفش هما اي من جواهم ومش بالبس للاسف شعب تعبان ف دماغه والله حتي ف الابليكيشن دا سبحانه

Chilli_63343 🇪🇬 · Answer

عاش جدا ❤️‍🩹

Tomato_62425 🇪🇬 · Answer

جدعه فإنك متسكتيش وتاخدي حقك 
وزي مبيقولو اخد الحق حرفه 
خلي الشتايم و العملتي ده اخر حاجه خالص 
لي؟
أكيد مش علشان الشخص الوسخ علشان صورتك كبنت وصورة الحياء البيزيد البنت جمال 
المبرد حلو ماشي بس الكان ماشي في الشارع وقال كلام  ده المبرد مش هينفع معاه فعايزك تجيبي صاعق كهرباء تقدري تطلبي اونلاين متاح وسهل وخفيف وبيجيب نتيجه وتقدري تهزقي بصوت عالي أوي منغير شتيمه

Chilli_63343 🇪🇬 · Answer

بص مع احترامي لحضرتك يعني انا غصب عني اني دي ردت فعل انا مش فخورة دا اني عملته يعني بس غصب عني والله اني اتعصبت ان واحد جي يقولي كدا فطبيعي اسوء حاجه تطلع مش هروح اقوله بجد الله يعني عجبك جسمي واشكره يعني +دا اللي هعمله وهجيبه باذن الله وهرخصه وهتعامل بيه

Peanut_63074 🇪🇬 · Answer

بسم الله ما شاء الله عارفة اصول الدين والتربية وبتشخري انتوا بتشربوا ايه يا جدعان فوقوا بقي من اللي بتشربوه 😅
وده مش معناه انك تتقبلي اللي همى عملوه وتسكتي لكن لو كنتي قولتيه بس يا حيوان كان طلع يجري برضه هو مش خايف منك هو فعلا حيوان خايف من الناس فاهمة حاجة انتي لو في حتة مقطوعة وشخرتي للطلعلك ده لو هو هو نفس الشخص حتي مش هيسمي عليكي وهيقول ديه فاج.... بتشخر وهيتبسط اكتر منك

Tomato_62425 🇪🇬 · Answer

وبالنسبة ليكِ أنا معرفش أي الظروف أكيد الخلتك تقلعي الخمار بس وقرات كلامك إنك مش بتبيني رقبتك ولبسك واسع وأنا عايز أتأكد أن عندك معلومه شروط الحجاب أنه يغطي الشعر والرقبه وينزل على لصدر فالطرح في الغالب لو مش كلها مبتحققش شرط الحجاب وحاجة ثانيه إنك بتحبي تهتمي بمظهرك بره وأن المفروض في الحجاب اخفاء الزينه اه حلو  الاهتمام بالمظهر جدا بس ده مع صحباتك أهلك او الزوج مش قدام الأجانب

Tomato_62425 🇪🇬 · Answer

ودي نصيحه ليك متفهميش منها إني بقول أنه ده مبرر للأشخاص الوسخين البيعملوا كده

Peanut_63074 🇪🇬 · Answer

وبعدين ان جيتي للحق اصلا طريقة كلامك مش حلوة فيها رسايل كده (انتي او انت) اها فاهمها كويس انا بس كتبت علشان شوفت حد قال كلمة حق صح ولقيت الكلمة ديه ممكن تضيع هدر كده علشان انتي رديتي رد بايخ عليها فمهانش عليا كلمة الحق مش انتي انتي حوارك ملوش لازمة اصلا لان المومنين حتي لو حصل معاهم حاجة بيقولوا لنفسهم اذا بليتم فاستتروا إنما انتي مبسوطة بكل حاجة عملتيها حتي كتبتي قاعد عمال يفرك

Peanut_63074 🇪🇬 · Answer

ولاد الاصول حتي لو عايزين يحكوا علشان محدش عارف اسمهم هنا يعني هتلاقيها بيكتبوا قاعد وقرب مني جامد إنما مش قعد يفرك 
اتقوا الله

Tomato_62425 🇪🇬 · Answer

ايوا فهمتك+حلو كده ربنا يحفظك

Chilli_63343 🇪🇬 · Answer

معلش ياقمر استحملي لحد ما ربنا ياخدنا 😑

Chilli_63343 🇪🇬 · Answer

ادعيلي ربنا يهديني ويصلح حالي وارجع للخمار تاني لاني اتمنا اني ارجعله تاني

Chilli_63343 🇪🇬 · Answer

طريقة كلام حضرتك محترمه والله وعلي دماغي نصحتك بس مشاء الله ناس اللي موجوده هنا عقليه تعبانه ومتخلفه حرفيا

Ice Cream_63106 🇪🇬 · Answer

انا مش عارفه الصراحة ايه الأسلوب ده انا قلتلك كلمة الحق
 علفكره البنات  عارفه كويس ازاي تخفي زينتها
انا بنت وبقولك
واضح انك مبسوطه بجمالك وعايزه تبيني هنا اد ايه انتي جامده وجميله
لكن انا بقولك انتي غلطانه
ونصحتك براحه لكن ردك غريب جدا
كأني اتهمتك
وانا بقولك بكل وضوح حاولي تخلي لبسك أوسع عشان متتعرضيش للمواقف ديه
وفي الآخر براحتك انا مش هتحاسب مكانك
وربنا يهديكي

Banana_58630 🇪🇬 · Answer

أدعم و بشدة

Tomato_62425 🇪🇬 · Answer

الله يعزك شكرًا، مش كل الناس هنتفق معاها وهنتقبل كلامها خدي الحلو وسيبي الوحش، ربنا يهديكي ويرزقك الثبات في الأمر والعزيمة على الرشد والعفاف والغنى، مع الدعاء خدي أول خطوة وهتلاقي ربنا يباركلك وبيسهلك الموضوع 
أنا مش أحسن حد ادعيلك بس طلبتي فيارب يصلح أمرك

Chilli_63343 🇪🇬 · Answer

كل الحب ♥♥

Chilli_63343 🇪🇬 · Answer

تعالي او تعالا اعلمك ياقلبي

Chilli_63343 🇪🇬 · Answer

اديكي قولي ياسكره محدش هتحاسب مكاني واه مبسوطه بجمالي علشان عرفه اني حلوة حد ليه عندي حاجه مش فهمه حرفيا مجتمع تعبان 😹😹

Chilli_63343 🇪🇬 · Answer

يارب تسلملي علي كلامك ♥

Ice Cream_63106 🇪🇬 · Answer

تعبان ايه يا بنتي مالك كده
انا قلتلك ايه اصلا
غير انك تخلي بالك من لبسك عشان متتعرضيش للمواقف دي
انما العالم هيكون تعبان بجد لو سقفلك على اللي انتي كتبته ومش نصحك
ومش بقولك مترديش لا ردي إنما بأسلوب كويس

Chilli_63343 🇪🇬 · Answer

والله ياسكر اصلا مطلبتش رائيك ولا نصحتك 😮‍💨