من اخطر الاسباب اللي بتخليك مش قادر تتجاوز حالة الحزن الشديد او الاكتئاب هو انك تتمنى ترجع بالزمن للفترة اللي انت كنت كويس فيها على اساس انك كدة في الحالة دي هتبقى كويس وده ليه اكتر من سبب السبب الاول : ( المثالية ) وهو افتراض منك ان الفترة اللي انت كنت كويس فيها دي اكتر فترة مثالية بالنسبالك السبب التاني : ( التوقع بعدم التغيير ) وهو افتراض ان مفيش حاجة هتتغير في الوقت الحالي او انك مش قادر تغير حاجة في نفسك السبب التالت : ( التوقع بأستمرارية الوضع ) وهو انك تفترض ان مش بس اللي انت فيه مش هيتغير حاجة فيه لا ده كمان هيفضل مستمر معايا في الزمن السبب الرابع : ( النكوص ) وهو زيادة رغبتك في الهروب من الواقع اللي انت فيه والرجوع بالزمن لوقت انت كنت فيه كويس الخلاصة : خليك فاهم ان رجوعك بالزمن مش هيغير اللي حصل وهيبقى مجرد هروب من الواقع للتكيف الوهمي فخليك عارف انك محتاج تتعافى وتكمل حياتك صح

3

0